Konkurs për çmimin vjetor për studiuesit e rinj për punim më të mirë studimor në fushën e menaxhimit të rrezikut dhe të sigurimeve në Republikën e Maqedonisë së Veriut për vitin 2024
Me qëllim për të stimuluar zhvillimin e mendimit shkencor dhe përgatitjen e punimeve studimore në fushën e menaxhimit të rrezikut dhe të sigurimit në Republikën e Maqedonisë së Veriut, si dhe afirmimin e profesionistëve të rinj, Agjencia e Mbikëqyrjes të Sigurimeve do të ndajë çmimin vjetor për vitin 2024 për punim studimor në fushën e menaxhimit të rrezikut dhe të sigurimit në Republikën e Maqedonisë së Veriut.
Çmimi i sivjtëm i Agjencisë të Mbikëqyrjes së Sigurimeve është në vlerë prej 80.000 denarësh.
Në punimin studimor është i patjetërsueshëm shqyrtimi i ekonomisë së Republikës së Maqedonisë së Veriut me temë adukuate. Punimi studimor nuk duhet të tejkalojë 15.000 fjalë (pa abstraktin, bibliografinë dhe anekset) si dhe është rekomanduese që të ketë strukturë standarde të punimit studimor, e cila si bazë i përmban pjesët e mëposhtme:
- Abstraktin;
- Shqyrtimin e literaturës së konsultuar moderne, të huaj dhe vendase, shkencore dhe eksperte nga fusha e cila hulumtohet;
- Përshkrimin e metodologjisë kërkimore- shkencore të përdorur në punim;
- Analizë;
- Perceptime përmbyllëse;
Të drejtë për të marrë pjesë në konkurs kanë shtetasit e Republikës së Maqedonisë së Veriut deri në moshën tridhjetë e pesë vjeçare, respektivisht deri në ditën e dhënies së çmimit më 01.11.2024, pjesëmarrësit nuk duhet të kenë mbushur moshën tridhjetë e gjashtë vjeç. Pjesëmarrësit që kanë fituar titullin Doktor i Shkencave deri në ditën e dorëzimit të punimit nuk kanë të drejtë të marrin pjesë në konkurs.
Të punësuarit dhe anëtarët e Këshillit të Ekspertëve të Agjencisë të Mbikëqyrjes së sigurimeve nuk kanë të drejtë të marrin pjesë në konkurs.
Punimet sturimore dorëzohen në gjuhën maqedonase, shqipe ose në gjuhën angleze.
Një autor mund të paraqesë vetëm një studim të pavarur kërkimor. Studimi kërkimor i punuar si bashkëautor nuk është i pranueshëm.
Në konkurs autorët mund të konkurojnë edhe me punime studimore të botuara gjatë vitit 2024. Në momentin e paraqitjes së punimeve studimore, autori duhet të specifikojë se kur dhe ku është botuar punimi studimor.
Konkursi do të konsiderohet i suksesshëm nëse aplikojnë së paku tre(3) punime studimore që i përmbushin kushtet e përmenduara më lart.
Punimet Studimore dorëzohen në Agjencinë e Mbikëqyrjes së Sigurimeve nëpërmjet postës elektronike, në adresën: konkurs@aso.mk me shënimin: “Për çmimin vjetor të Agjencisë të Mbikëqyrjes së Sigurimeve për vitin 2024”.
Përveç punimit studimor, autori duhet të paraqesë të dhëna biografike. Punimet studimore të dorëzuara do të trajtohen si materiale konfidenciale.
Përzgjedhja më e mirë e punimit studimor bëhet nga Komisioni i përbërë nga pesë anëtarë, tre prej të cilëve janë anëtarë të jashtëm. Kryetarin dhe anëtarët e Komisionit i cakton Këshilli i Ekspertëve të Agjencisë të Mbikëqyrjes së Sigurimeve me vendim i cili do të shpallet në faqen e internetit të Agjencisë të Mbikëqyrjes së Sigurimeve.
Afati i fundit për dorëzimin e punimeve studimore është në datën 30.09.2024.
Çmimi vjetor i Agjencisë të Mbikëqyrjes së Sigurimeve do të jepet më datën 01.11.2024, me rastin e ditës së themelimit të Agjencisë të Mbikëqyrjes së Sigurimeve
Broshurë e re e AMS-së: Sigurimi i pronës në tre hapa
Si rregullator i sigurimeve, Agjencia e Mbikëqyrjes së Sigurimeve (AMS) kujdeset në mënyrë të veçantë për edukimin e të gjithë qytetarëve
–të siguruar aktualë ose të ardhshëm. Prandaj, qëllimi i kësaj broshure është të ofrojë udhëzimet dhe shpjegimet më themelore në lidhje me sigurimin e pronës.
AMS-ja me rastin e “Javës Globale të Parasë”: Zgjeroni njohuritë tuaja në fushën e sigurimeve!
Agjencia e Mbikëqyrjes së Sigurimeve (AMS) këtë vit i bashkohet aktivisht aksionit global për ndërgjegjësimin e popullatës për nevojën për sigurime, në kuadër të Javës Globale të Parasë:
Për ju, lexues të respektuar, bashkëqytetarë të nderuar, të siguruar aktual dhe potencial, ne kemi përgatitur përmbajtje të shumta dhe të pasura edukative që do t’ju ndihmojnë të përmirësoni njohuritë tuaja për sigurimet.
Sigurimi nuk është luks apo shpenzim, sigurimi është një domosdoshmëri që ofron siguri financiare dhe mirëqenie materiale për ju dhe të dashurit tuaj. Prandaj, përmes përmbajtjeve edukative dhe të kuptueshme, mësoni pse keni nevojë për sigurim për ju dhe të dashurit tuaj.
Në javën në vijim, si pjesë e Javës Globale të Parasë, e cila mbahet nën moton “Mbroni paratë tuaja, sigurojeni të ardhmen tuaj”, do të ndajmë më shumë përmbajtje edukative dhe informative që do të kontribuojnë në forcimin e ndërgjegjësimit për nevojën për sigurim, rreth të drejtat tuaja si të siguruar dhe si të zgjidhni sigurimin sipas nevojave tuaja. Me iniciativën e AMS-së, në këtë ngjarje globale janë përfshirë në mënyrë aktive dhe masive subjektet nga industria e sigurimeve, gjegjësisht shoqëritë e sigurimeve dhe shoqëritë e brokerimit të sigurimeve.
Për më shumë informacion vizitoni faqen tonë edukative www.edukacija.aso.mk.
Bashkohuni me ne dhe zgjeroni njohuritë tuaja të sigurimit.
Mos harroni të na ndiqni në profilet e AMS-së në Facebook, Instagram dhe LinkedIn
Dita Globale e Konsumatorit – 15 Marsi, i siguruari është gjithmonë i pari!
Mbrojtja e të drejtave të të siguruarve ka qenë, është dhe do të mbetet prioriteti kryesor i Agjencisë së Mbikëqyrjes së Sigurimeve. Maksima jonë është që i siguruari të marrë gjithmonë shërbimin më të mirë të sigurimit për fondet që investon, qofshin ato për jetën, pronën, shëndetin, sigurimin e aksidentit, autopërgjegjësi, sigurimin e shëndetit në udhëtim apo nevoja të tjera.
Dhe kjo është arsyeja pse ne ju kujtojmë gjithmonë, të respektuar policëmbajtës, të edukoheni! Ne jemi këtu për ju dhe në platformën tonë të internetit www.edukacija.aso.mk ka gjithmonë përmbajtje të dobishme dhe të disponueshme për publikun që do të thellojnë njohuritë tuaja për atë lloj sigurimi që ju nevojitet dhe çfarë duhet të dini para se të blini një shërbim sigurimi.
Në të njëjtën kohë, ne si rregullatorë të tregut të sigurimeve, të cilët kujdesemi për mbrojtjen e të drejtave tuaja përmes edukimit, jemi gjithmonë këtu për pyetjet tuaja në lidhje me sigurimet, që mund t’i parashtroni në adresën e emailit contact@aso.mk
Me këtë rast theksojmë edhe një herë se Agjencia e Mbikëqyrjes së Sigurimeve (AMS) kujdeset për të drejtat tuaja të sigurimit përmes porcedurimit të drejtpërdrejtë dhe të menjëhershme për ankesat tuaja. Ankesa në AMS bëhet nëse i siguruari nuk është i kënaqur me përgjigjen e shoqërisë së sigurimit për pretendimin e dëmit ose nuk ka marrë përgjigje brenda 30 ditëve. AMS-ja nuk shqyrton ankesa anonime apo raste për të cilat zhvillohen procedura gjyqësore apo procedura të tjera.
Agjencia e Mbikëqyrjes së Sigurimeve (AMS) është organ rregullator i pavarur që normativizon tregun e sigurimeve, mbikëqyr punën e subjekteve të sigurimit, kujdeset për mbrojtjen e të drejtave të të siguruarve dhe kontribuon në edukimin dhe përfshirjen financiare të popullatës.
