Posted by unet
Агенција за супервизија на осигурување
Република Македонија
К О Н К У Р С
за годишна награда за млади истражувачи за најдобар труд од областа на управување со
ризици и осигурување во Република Македонија за 2011 година
Со цел стимулирање на развојот на научната мисла и изработка на трудови од областа на управување со ризици и осигурување во Република Македонија, како и афирмација на млади и стручни кадри, Агенцијата за супервизија на осигурување доделува годишна награда за 2011 година за истражувачки труд од областа на управување со ризици и осигурување во Република Македонија.
Годишната награда на Агенцијата за супервизија на осигурување изнесува 80.000,00 денари.
Трудот задолжително треба да содржи и осврт кон македонската економија на соодветната тема. Трудот не смее да надминува 15.000 зборови (без апстракт, библиографија и анекси) и препорачливо е да има стандардна структура на научно истражување, кое ги содржи следните основни делови:
– апстракт;
– осврт на консултираната литература од областа која се истражува;
– опис на методите на истражување кои се користат во трудот;
– анализа;
– заклучни согледувања и
– библиографија.
Право за учество на конкурсот имаат државјани на Република Македонија до триесет и петгодишна возраст. Вработените и членовите на Советот на експерти на Агенцијата за супервизија на осигурување немаат право на учество на конкурсот.
Трудовите се поднесуваат на македонски јазик.
Еден автор има право да поднесе само еден труд.
На конкурсот авторите имаат право да конкурираат и со веќе објавени трудови во текот на 2011 година. При поднесувањето на трудот, авторот треба да наведе кога и каде бил објавен трудот.
Конкурсот ќе се смета за успешен доколку се пријават најмалку 3 (три) истражувачки труда кои ги исполнуваат наведените услови.
Трудовите се поднесуваат до Агенцијата за супервизија на осигурување со назнака: „За годишна награда на Агенцијата за супервизија на осигурување за 2011 година“ по електронски пат, на адреса: konkurs@aso.mk .
Покрај трудот, авторот треба да достави и биографски податоци. Доставените трудови ќе имаат третман на материјали со доверлив карактер.
Изборот на најдобар труд го врши Комисија која се состои од пет члена, од кои тројца се надворешни членови. Претседателот и членовите на Комисијата ги назначува Советот на експерти на Агенцијата за супервизија на осигурување со одлука која ќе се објави на интернет страницата на Агенцијата за супервизија на осигурување.
Краен рок за доставување на трудовите е 31.08.2011 година.
Годишната награда на Агенцијата за супервизија на осигурување ќе се додели на 01.11.2011 година, по повод денот на основањето на Агенцијата за супервизија на осигурување.
Posted by unet
Седница одржана на 15.4.2011
- Решение за согласност за измена на седиштето и Статутот на АД за осигурување ГРАВЕ, Скопје;
- Информација за учество на Агенцијата за супервизија на осигурување на Седмиот состанок на Поткомитетите-Поткомитетот за економски и финансиски прашања и статистика и Поткомитетот за внатрешен пазар, одржан во Брисел;
- Одлука за организација на регионална конференција на Агенцијата за супервизија на осигурување во Охрид и донесување на Одлука за формирање на организационен одбор.
Posted by unet
Склучен Меморандум за соработка меѓу Агенцијата за супервизија на осигурување и Комисијата за супервизија на осигурување од Романија
На ден 21 февруари, 2011 година двете регулаторни тела, Агенцијата за супервизија на осигурување на Македонија и Комисијата за супервизија на осигурување на Романија, потпишаа Меморандум за соработка. Овој Меморандум претставува основа и отвара простор за понатамошна успешна соработка и тоа во насока на размена на искуства и информации за осигурителните пазари во двете земји, размена на знаење преку студиски посети и организирање на регионални состаноци и средби и понатамошно зајакнување на административните капацитети.
Posted by unet
Седница одржана на 21.3.2011
- Решение за согласност за вршење на функцијата член на Управниот одбор на Друштвото за осигурување АЛБСИГ АД Скопје;
- Решение за согласност за измена на Статутот на АД за осигурување ВИНЕР ЛАЈФ – Виена Иншуренс Груп, Скопје;
- Решение за измена на Статутот на АД за осигурување САВА ТАБАК, Скопје;
- Правилник за деталната содржина на потврдата на овластениот актуар;
- Правилник за методот за пресметка на коефициентот на ликвидност и минималната ликвидност;
- Правилник за видови и карактеристики на средствата кои ги покриваат техничките резерви и средствата кои ја покриваат математичката резерва, како и детално пласирање и ограничување на тие вложувања, и нивно вреднување;
- Правилник за сметководство и финансиско работење.
Posted by unet
Седница одржана на 10.3.2011
- Правилник за потребната документација за добивање дозвола за вршење работи на застапување во осигурувањето;
- Правилник за формата, содржината и начинот на водење регистри на застапници во осигурувањето и осигурителни брокери од страна на друштвата за осигурување, осигурително брокерските друштва и друштвата за застапување во осигурување.
Posted by unet
Седница одржана на 25.2.2011
- Одлука за усвојување на годишната сметка за 2010 година;
- Информација за движењето на осигурителниот пазар во Р: Македонија, во 2010 година;
- Правилник за изменување на Правилникот за контен план за друштвата за осигурување и реосигурување;
- Правилник за изменување на Правилникот за формата и содржината на билансните шеми и детална содржина на годишниот извештај за работењето на друштвата за осигурување и/или реосигурување;
- Правилник за изменување на Правилникот за пресметка на потребното ниво на маргината на солвентност на друштвата за осигурување и реосигурување;
- Правилник за изменување на Правилникот за видовите и описот на ставки што ќе се земат предвид при пресметка на капиталот на друштво за осигурување и/или реосигурување;
- Правилник за изменување на Правилникот за пресметка на потребното ниво на маргината на солвентност.
Posted by unet
Седница одржана на 24.02.2012
- Решение за издавање на согласност за измена на Статут и Договор на Националното Биро за осигурување;
- Разгледување и усвојување на годишната сметка за 2011 година на Агенцијата за супервизија на осигурување.