Продолжува Проектот за финансиска писменост со ИНФЕ-ОЕЦД, Министерство за финансии на Холандија и Money Wise
Продолжува јакнењето на капацитетите на регулаторите на финансискиот пазар
(Народната Банка, Министерството за финансии, Комисијата за хартии од вредност, Агенцијата за
супервизија на осигурување и Агенцијата за супервизија на капиталното финансирано пензиско
осигурување) во полето на финансиската едукација и инклузија, преку соработка со еминентни
меѓународни финансиски институции.
Годинава започнува втората фаза на Проектот за финансиска писменост со ИНФЕ-ОЕЦД,
заедно со Министерството за финансии на Холандија и Money Wise платформата кој ќе трае во
следниот петгодишен период, односно од 2023-2027 година. Главниот приоритет на овој Проект е
да ги поддржи земјите кои се дел од истиот, да го подигнат нивото на финансиска писменост кај
населението преку поддршка и имплементација на стратегиите и политиките за финансиска
писменост, со обезбедување на анализи, извештаи и препораки за градење капацитети согласно
институционалните потреби и стратешките приоритети на земјите.
Со проектот, којшто се реализира со финансиска поддршка на холандското Министерство
за финансии, покрај нашата земја ќе бидат опфатени и земјите како: Босна и Херцеговина,
Бугарија, Грузија, Ерменија, Молдавија, Романија, Украина, Хрватска и Црна Гора. Преку
предвидените активности ќе се обезбеди можност за пристап до соодветна експертиза од
регионот и пошироко за релевантни и актуелни прашања од областа на финансиската писменост и
ќе се поттикне развој на поефикасни иницијативи за финансиска едукација и инклузија преку
користење на искуството од најдобрите меѓународни практики.
Инаку, ова е продолжение на првата фаза од проектот, која беше успешно реализирана во
текот на периодот од 2018-2022 година. Во рамки на првата фаза Координациското тело на
финансиските регулатори за финансиска едукација и финансиска инклузија, ја изработи првата
Национална стратегија за финансиска едукација и финансиска инклузија за периодот од 2021-
2025.
Воедно, беа изработени Кодексот на добри практики за финансиска едукација и Основните
компетенции за финансиска едукација. Исто така, се формираше и Регистар на субјекти од
приватниот и граѓанскиот сектор, вклучени во областа на финансиска едукација и инклузија.
Во рамки на првата фаза, меѓу другото, од страна на ИНФЕ-ОЕЦД беше спроведено
мерење на финансиската писменост на населението, како и анкета за финансиската писменост и
дигитализација на микро, мали и средни претпријатија. Овие мерења дадоа показатели за
тековните состојби и воедно претставуваат водич за следни активности во оваа сфера, кои ќе
продолжат да се реализираат во следната фаза од проектот.
ИЗВЕСТУВАЊЕ ЗА УСОГЛАСУВАЊЕ СО ЗАКОНОТ ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА СУПЕРВИЗИЈА НА ОСИГУРУВАЊЕ (“Службен весник на Република Мaкедонија” бр. 198/2018)
I. ЗАКОНСКИ ОДРЕДБИ
Согласно членот 66 од Законот за изменување и дополнување на Законот за супервизија на осигурување (“Службен весник на Република Мaкедонија” бр. 198/2018), друштвата за осигурување, друштвата за застапување во осигурувањето, осигурително брокерските друштва, лицата кои пред влегувањето во сила на овој закон, се стекнале со звање овластен актуар, застапник во осигурување и осигурителен брокер се должни да се усогласат со одредбите од овој закон во рок од 12 месеци од денот на влегувањето во сила на овој закон односно најдоцна до 7.11.2019 година.
Согласно горенаведената законска одредба, друштвата за осигурување, друштвата за застапување во осигурувањето, осигурително брокерските друштва, лицата кои пред влегувањето во сила на овој закон (8.11.2018 година), се стекнале со звање овластен актуар, застапник во осигурување и осигурителен брокер се должни да се усогласат со следните одредби од Законот за супервизија на осигурување (“Службен весник на Република Македонија” бр.27/2002, 79/2007, 88/2008, 67/2010, 44/2011, 188/2013, 112/2014, 153/2015, 192/2015, 23/2016, 83/2018 и 198/2018 во натамошниот текст: Законот):
Седница одржана на 09.05.2019
- одлука за изрекување на мерки на супервизија за Друштво за животно осигурување УНИКА ЛАЈФ АД Скопје,
- одлука за изрекување на мерки на супервизија за Кроациа осигурување АД Скопје – Друштво за осигурување на живот,
- одлука за изрекување на мерки на супервизија за Акционерско друштво за осигурување ВИНЕР Лајф – Виена Иншуренс Груп Скопје,
- Решение за престанок на дозвола за вршење на работи на застапување во осигурување на Друштвото за застапување во осигурување Л.И.Ф.Е. Македонија АД Скопје, со седиште на ул. Стив Наумов бр. 69, 1000 Скопје – Центар,
- Одлука за спроведување на Конкурс за годишна награда за млад истражувач за најдобар труд од областа на управување со ризици и осигурување во Република Северна Македонија за 2019 година,
- Решение за издавање согласност друштвото за ревизија ПВЦ Скопје да врши ревизија на финансиските извештаи на Друштвото за осигурување ВИНЕР – Виена Иншуренс Груп Скопје за 2019 година,