Трите европски надзорни тела објавија заедничко соопштение за ризиците за есента 2022
Во соопштението се нагласува дека влошените проекции за економски раст, високата
инфлација и растечките цени на енергијата ја зголемија ранливоста во финансиските
сектори. Европските надзорни органи за банкарство, хартии од вредност и осигурување и
пензиско осигурување ги советуваат националните надзорни органи, финансиските
институции и учесниците на финансискиот пазар да се подготват за предизвиците кои
доаѓаат.
Пост пандемиското заздравување на економиите во Европа ослабна поради руската
инвазија на Украина. Руската војна против Украина и пречките во трговските односи
предизвикаа брзо влошување на економските изгледи, што придонесува кон постојните
инфлаторни притисоци на значително зголемување на цените на енергијата и стоките, ги
влошува нерамнотежите во понудата и побарувачката и ја ослабнува куповната моќ на
домаќинствата. Зголемен е и ризикот од долгорочна инфлација и стагфлација.
Овие фактори, заедно со влошените економски изгледи, значајно влијаеја на ризичното
окружување на финансискиот сектор. Волатилноста на финансиските пазари се зголеми
насекаде со оглед на високата неизвесност. По долг период на ниски каматни стапки,
централните банки ја заоструваат монетарната политика. Комбинацијата на зголемени
трошоци за финансирање и намален економски производ може да изврши притисок кај
рефинансирањето на долгот на владите, претпријатијата и домаќинствата, а истовремено
негативно да влијае на кредитниот квалитет на портфолиото на кредити на финансиските
институции. Намалувањето на реалните приноси во услови на зголемена инфлација би
можело да предизвика кај инвеститорите да превземаат поголеми ризици во време кога
растот на стапките предизвикуваат далекусежно ребалансирање на портфолиото.
Финансиските институции исто така се соочуваат со зголемени оперативни предизвици
поврзани со зголемените кибернетички ризици и извршувањето на санкциите кон Русија.
Финансискиот систем досега беше отпорен и покрај сè поголемата политичка и економска
неизвесност.
2
Во светло на наведените ризици и ранливост, заедничкиот одбор на трите европски
надзорни органи ги советува националните надлежни органи, финансиските институции и
пазарни учесници да превземат следни мерки:
Финансиските институции и надзорни органи треба и понатаму да бидат
подготвени на влошување на квалитетот на средствата (активата од билансот на
состојба, м.б.) во финансискиот сектор и да ги следат движењата, вклучувајќи ги
средствата кои беа ослободени од одредени регулаторни барања поврзани со
пандемијата и оние кои се посебно чувствителни од влошувањето на економското
окружување, како и на инфлацијата поради високите цени на енергијата и стоките.
Очигледно дека треба со големо внимание да се следи и влијанието на
понатамошното зголемување на каматните стапки и потенцијалните неочекувани
зголемувања на премијата за ризик на финансиските институции и пазарните
учесници.
Финансиските институции и надзорни органи треба внимателно да го следат
влијанието на инфлациските ризици
Супервизорите би требале да продолжат да ги следат ризиците по малите
инвеститори, посебно во поглед на производи кај кои потрошувачите можеби не се
во потполност свесни за опфатот на вклучените ризици, како што се на пример
крипто средствата.
Финансиските институции и супервизори би требале да продолжат внимателно да
управуваат со еколошките ризици и кибернетичките ризици со цел соодветно да
одговорат на заканите по информатичката сигурност и континуитетот во
работењето.
Целосното заедничко соопштение за јавноста е достапно на следниот
линк: https://www.eiopa.europa.eu/media/news/esas-warn-of-rising-risks-amid-deteriorating-
economic-outlook
АСО изготви предлог акти со цел уредување на начин и постапка на редовна оценка на исполнување на условите за член на орган на управување/член на надзорен орган во друштво за осигурување (на коментари до 17 октомври)
Со цел уредување на начин и постапка на редовна (континуирана) оценка на исполнување на условите за член на орган на управување и член на надзорен орган во друштво за осигурување како и акционер со квалификувано учество во друштво за осигурување, осигурително брокерско друштво и друштво за застапување во осигурување пропишани со Законот за супервизија на осигурување, Законот за трговските друштва и останатите прописи, не само во фазата на именување (избор) на лицето односно во фазата на стекнување на квалификуваното учество туку и во континуитет додека лицето ја врши функцијата односно поседува квалификувано учество во субјектот, Агенцијата за супервизија на осигурување изготви:
- Предлог Правилник за начинот и постапката на спроведување на оценка на соодветноста на член на надзорен орган на друштво за осигурување и известување до Агенцијата за супервизија на осигурување;
- Предлог Правилник за изменување и дополнување на Правилникот за начинот, постапката и документацијата потребна за добивање согласности.
- Предлог Правилник за изменување и дополнување на Правилникот за потребната документација и начинот за стекнување квалификувано учество во друштво за осигурување, осигурително брокерско друштво и друштво за застапување во осигурување.
Се повикуваат заинтересираните лица до Агенцијата за супервизија на осигурување (АСО) да достават коментари и забелешки по однос на предлог правилниците најдоцна до 17.10.2022 година на следната електронска адреса: contact@aso.mk со назнака: Коментари (забелешки) по Предлог Правилници.
Што мора да ви покаже продавачот пред да купите „Јунит Линкд“ осигурување живот?
Животното осигурување кај кое парите се вложуваат во удели на инвестициски фондови („Јунит Линкд“ осигурување) е висококвалитетен производ со голем потенцијал за оплодување на инвестицијата. Но тој истовремено содржи и ризик од загуба на вложените средства затоа што вредноста на вложеното зависи од цените на уделите кои се формираат на берзите. Токму заради ова АСО ги задолжи осигурителните компании квалитетно да ги информираат осигурениците за ризикот од загуба на вложените средства. Со новиот правилник на АСО, кој стапи на сила овој месец, продавачите на „Јунит Линкд“ осигурување имаат обврска на секој потенцијален осигуреник да му дадат на увид ниво на ризик од загуба на вложеното на скала од 1 до 7. Исто како што имаат обврска пред продажбата на „Јунит Линкд“ осигурување на осигуреникот да му дадат детален приказ на структура на сите трошоци на вложување кои ќе треба да ги плати. Осигуреникот има право да добие на увид податоци за очекуван просечен месечен раст на вредноста на вложеното за период од пет години во иднина. Ова се дел од новините кои произлегуваат од новиот правилникот со кој АСО значајно ја зголеми транспарентноста при вложување во „Јунит Линкд“ осигурување живот
Агенцијата за супервизија на осигурување (АСО) ги задолжи сите осигурителни компании кои продаваат „Јунит Линкд“ осигурување живот на секој потенцијален осигуреник да му достават документ со клучни информации врз основа на кој ќе одлучи дали да вложи во овој осигурителен производ.
Станува збор за унифициран документ кој содржи информации за нивото на ризик од можна загуба на вложени средства како и за очекуваната добивка од вложеното. Осигуреникот ќе биде информиран и за условите и последиците од предвремено раскинување на договорот за вложување. Исто така продавачот ќе ги прикаже и сите еднократни, периодични, повторливи, повремени и непредвидени трошоци што треба да ги плати осигуреникот.
Воедно продавачот на осигурувањето ќе биде обврзан и да го информира осигуреникот и за правото да поднесе претставка односно приговор до АСО. Ова се клучните новини кои ги содржи новиот правилник што го донесе АСО со цел да ја зголеми транспарентноста при вложувања во јунит линкд осигурување живот.
„Јунит Линкд“ е релативно нова класа на осигурување живот кај која дел од вложените пари се инвестираат во удели на инвестициски фондови. Тоа се вложувања со висок квалитет, но факт е дека цените на уделите се променливи и зависат од движењата на глобалните берзи. Токму заради тоа и ризикот од вложувањето на средствата паѓа на товар на осигуреникот.
Токму волатилноста на пазарите на капитал остава простор од ризик осигуреник да загуби дел од уплатените средства при вложување во „Јунит Линкд“ осигурување исто како што постои реална можност за солидно оплодување на вложените средства.
Официјалните податоци на АСО покажуваат дека само во минатата година биле раскинати 941 договор за „Јунит Линкд“ осигурување живот во период кога вкупно биле склучени 2.726 договори. Дополнително на ова бројот на раскинати договори лани достигна 9 отсто од вкупниот број на активни договори во оваа осигурителна класа кој изнесува 10.628.
Следејќи ја будно оваа состојба Советот на експерти на АСО одлучи да усвои подзаконски акт што значајно ќе ја зголеми транспарентноста за овој осигурителен производ.
Тоа во голема мерка ќе им помогне на сите потенцијални инвеститори при носењето на одлуките за вложување во јунит линкд да го проценат потенцијалниот ризик од ова вложување.
Освен горенаведените клучни новини како мерки за подобро информирање на осигурениците новиот правилник предвидува продавачот да истакне дали вложувањата се во денари или во странска валута. Од причина што оваа информација може да влијае врз вредноста на вложувањето преку можни промени на девизниот курс на денарот.
„Јунит Линкд“ е интернационален термин глобално прифатен и користен за овој вид осигурување живот. „Јунит Линкд“ значи дека вредноста на вложените средства директно зависи од вложувањата во удели на отворени или затворени инвестициски фондови.
Вложувањата во животното осигурување во кое ризикот од инвестирањето е на товар на осигуреникот (популарно наречениот „Јунит Линкд“) лани достигнале 383,2 милиони денари (над 6 мил.евра). Тоа е за 27 отсто повеќе од 2020 година.
Правилникот што ја регулира оваа материја е достапен на следниот линк https://aso.mk/wp-content/uploads/2022/05/pravilnik-udeli-vo-investicziski-fondovi-sl-vesnik-109-2022-2.pdf
Агенцијата за супервизија на осигурување (АСО) е независно регулаторно тело кое го регулира пазарот за осигурување, врши надзор над работата на осигурителните субјекти, се грижи за заштита на правата на осигурениците и придонесува за финансиска едукација и вклученост на населението.
Седница одржана на 23.09.2022
- Записник од дваесетипрва седница на СнЕ на АСО во 2022 година, одржана на ден 14.9.2022 година во 12:00;
- Извештај на Агенцијата за супервизија на осигурување за годишна вонтеренска проценка на ризик на субјектите на супервизија од аспект на спречување на перење пари и финансирање на тероризам,
- Барање за добивање согласност за друштво за ревизија за 2022 година поднесено од Друштото за осигурување КРОАЦИА ЖИВОТ АД Скопје и донесување на решение
Скопјани пријавија 349 осигурани штети од силното невреме, имотот на „Ист Гејт Мол“ осигуран со франшиза од 100.000 евра
Граѓани и фирми од Скопје пријавиле осигурани штети во сите 11 осигурителни компании. Активно осигурување имот имаат речиси 51.000 скопјани, а 215 од нив пријавиле штети во силното невреме што на крај на август го зафати централното градско подрачје. Од сите 349 штети во една осигурителна компанија се пријавени дури 117
Осигуреници од скопскиот регион пријавија вкупно 349 штети врз имот во сите осигурителни компании по силното невреме што го зафати Скопје на 30 август годинава. Од сите пријавени штети поголем број, односно 215, се врз имот осигуран од физички лица.
Компании и други правни лица со седиште во Скопје пријавиле 134 штети врз имотот како последица од незапамтеното силно невреме во главниот град, покажуваат податоците кои Агенцијата за супервизија на осигурување (АСО) ги обезбеди од сите 11 компании за неживотно осигурување.
Најголемиот број на пријавени штети врз осигуран имот во една компанија изнесува 117 од кои 97 се штети врз имот на физички лица.
Заклучно со крајот на август годинава има 67.420 активни договори за осигурување имот на територијата на градот Скопје кои со осигурителните компании ги склучиле граѓани и компании.
Трговскиот центар „Ист Гејт Мол“, чии објекти претпреа значајна јавно видлива штета, го осигурал имотот кај една од компаниите и договорот е склучен со франшиза (самопридржај) од 100.000 евра. Франшизата значи дека двете страни се согласни осигурителната компанија да покрие само штети поголеми од 100.000 евра, а осигуреникот сам да покрие штета доколку нејзината вредност е пониска или иста со износот утврден со франшизата.
Воедно овој трговски центар има осигурување и од професионална одговорност, а полиси за осигурување имот имаат и одреден број закупци на деловни единици, информираа од осигурителните компании.
Зошто е важно да се осигура имотот, што опфаќа и на што треба да се внимава?
Осигурувањето на имотот нуди можност за мал износ вложени средства (т.н. премија) што ги плаќа сопственикот на имот, осигурителната компанија да го превземе ризикот и да исплати штета врз имотот доколку се случи штетен настан осигуран и дефиниран во договорот за осигурување.
При склучување на договорот за осигурување, треба да се внимава осигурената сума да биде соодветна на вредноста на осигурениот имот. Доколку настане штета, а ризикот е осигуран друштвото за осигурување има обврска да исплати надомест во висина на претрпената штета.
Имотот на домаќинствата и правните субјекти најчесто е изложен на ризици од: пожари, поплави, земјотреси, удари од гром, луња (многу силен ветар) експлозии, кражби, излевања од водоводна, канализациска и топлинска мрежа и други можни оштетувања на имот.
Сите информации за осигурување имот се содржани во документот со назив Услови за осигурување имот кој секоја компанија за осигурување е должна да му го даде на секој осигуреник.
АСО особено препорачува сите осигуреници, пред да купат полиса за осигурување, со внимание да ги прочитаат Исклучоците од осигурувањето кои ги дефинираат ризиците не се покриени и за нив не следува обештетување.
Агенцијата за супервизија на осигурување (АСО) е независно регулаторно тело кое го регулира пазарот за осигурување, врши надзор над работата на осигурителните субјекти, се грижи за заштита на правата на осигурениците и придонесува за финансиска едукација и вклученост на населението.
Седница одржана на 14.09.2022
- Записник од дваесета седница на СнЕ на АСО во 2022 година, одржана на ден 29.8.2022 година во 12:00;
- Стратегиски план на Агенцијата за супервизија на осигурување за спречување на корупцијата, за период 2022-2025 година,
- Решение за изменување и дополнување на Решение за формирање на Комисија за ревизија на одржаните стручни испити за вршење на работи на застапување во осигурувањето во 2022 година;
- Барање за добивање согласност за друштво за ревизија за 2022 година поднесено од Друштото за осигурување ТРИГЛАВ ЖИВОТ АД Скопје и донесување на решение,
- Известување за раскинување на договор за застапување во осигурување со лицето Андријана Димовска поднесено од ДО ВИНЕР АД Скопје и донесување на решение;
- Известување за раскинување на договор за застапување во осигурување со лицето Владо Маневски поднесено од ТРИГЛАВ осигурување АД Скопје и донесување на решение;
- Информација во врска со спроведената вонтеренска супервизија на информацискиот систем на Осигурително брокерско друштво МАК ТРЕНД БРОКЕР АД Скопје;
- Информација во врска со спроведената вонтеренска супервизија на информацискиот систем на Осигурително брокерско друштво ОБД Порше брокер;
- Информација во врска со спроведената вонтеренска супервизија на информацискиот систем на Осигурително брокерско друштво Ин брокер АД Скопје;
- Информација во врска со спроведената вонтеренска супервизија на информацискиот систем на Осигурително брокерско друштво Вин брокер Скопје;
- Информација во врска со спроведената вонтеренска супервизија на информацискиот систем на Осигурително брокерско друштво Легра АД Скопје;
- Разгледување на Информација во врска со спроведената вонтеренска супервизија на информацискиот систем на Осигурително брокерско друштво ВЕГА ОСИГУРУВАЊЕ АД Скопје;
- Одлука за изрекување мерки на супервизија кон Осигурително брокерско друштво Еуроекспертс АД Скопје;
- Одлука за изрекување мерки на супервизија кон Друштвото за застапување во осигурувањето РЕА ИНШУРЕНС ГРУП АД Скопје.
Агенцијата за супервизија на осигурување (АСО) го продолжи рокот за пријавување на обуките за застапници во осигурување и осигурителни брокери до среда 7 септември 2022 година
Агенцијата за супервизија на осигурување (АСО) го продолжи рокот за пријавување на обуките за застапници во осигурување и осигурителни брокери до среда 7 септември 2022 година. Сите детали можете да ги најдете на следнитe линкoви:
https://aso.mk/s-o-o-p-sh-t-e-