Përforcohet bashkëpunimi institucional midis AMS-së dhe KMK-së
Agjencia e Mbikëqyrjes së Sigurimeve (AMS) dhe Komisioni për Mbrojtjen e Konkurrencës (KMK) po thellojnë bashkëpunimin e tyre të ndërsjellë me qëllim mbrojtjen e të drejtave të policëmbajtësve.
Me qëllim forcimin dhe zgjerimin institucional të bashkëpunimit të suksesshëm deri më tani, Eli Drakullovska, Kryetare e Këshillit të AMS-së dhe Malinka Siljanovska Nikoliq, Kryetare e KMK-së, kanë lidhur një memorandum bashkëpunimi.
Ky memorandum është një bazë e fortë për thellimin e bashkëpunimit përmes shkëmbimit të informacionit, njohurive dhe përvojave, duke forcuar kapacitetet institucionale në funksion të mbrojtjes të shumëfishtë dhe me cilësi më të lartë të të drejtave të policëmbajtësve.
Konkurs për çmimin vjetor për studiuesit e rinj për punim më të mirë studimor në fushën e menaxhimit të rrezikut dhe të sigurimeve në Republikën e Maqedonisë së Veriut për vitin 2026
Me qëllim për të stimuluar zhvillimin e mendimit shkencor dhe përgatitjen e punimeve studimore në fushën e menaxhimit të rrezikut dhe të sigurimit në Republikën e Maqedonisë së Veriut, si dhe afirmimin e profesionistëve të rinj, Agjencia e Mbikëqyrjes të Sigurimeve do të ndajë çmimin vjetor për vitin 2026 për punim studimor në fushën e menaxhimit të rrezikut dhe të sigurimit në Republikën e Maqedonisë së Veriut.
Çmimi i sivjtëm i Agjencisë të Mbikëqyrjes së Sigurimeve është në vlerë prej:
- Çmimi i parë me vlerë 80.000 denarë neto
- Çmimi I dytë me vlerë 25.000 denarë neto
III. Çmimi I tretë me vlerë 15.000 denarë neto.
Në punimin studimor duhet patjetër të shyqrtohet ekonomia maqedonase me temën përkatëse. Punimi studimor nuk duhet të tejkalojë 15.000 fjalë (pa abstraktin, bibliografinë dhe anekset) si dhe rekomandohet që të ketë strukturë standarde të punimit studimor, e cila si bazë i përmban pjesët e mëposhtme:
– Abstraktin;
– Shqyrtimin e literaturës së konsultuar moderne, të huaj dhe vendase, shkencore dhe eksperte nga fusha e cila hulumtohet;
– Përshkrimin e metodologjisë kërkimore- shkencore të përdorur në punim;
– Analizë;
– Perceptime përmbyllëse;
– Bibliografia.
Të drejtë për të marrë pjesë në konkurs kanë shtetasit e Republikës së Maqedonisë së Veriut deri në moshën tridhjetë e pesë vjeçare, respektivisht deri në ditën e dhënies së çmimit më 1.11.2026, pjesëmarrësit nuk duhet të kenë mbushur moshën tridhjetë e gjashtë vjeç. Pjesëmarrësit që kanë fituar titullin Doktor i Shkencave deri në ditën e dorëzimit të punimit nuk kanë të drejtë të marrin pjesë në konkurs.
Të punësuarit dhe anëtarët e Këshillit të Ekspertëve të Agjencisë të Mbikëqyrjes së sigurimeve nuk kanë të drejtë të marrin pjesë në konkurs.
Punimet studimore dorëzohen në gjuhën maqedonase, shqipe ose në gjuhën angleze.
Një autor mund të paraqesë vetëm një studim të pavarur kërkimor. Studimi kërkimor i punuar si bashkëautor nuk është i pranueshëm.
Në konkurs autorët mund të konkurojnë edhe me punime studimore të botuara gjatë vitit 2026. Në momentin e paraqitjes së punimeve studimore, autori duhet të specifikojë se kur dhe ku është botuar punimi studimor.
Konkursi do të konsiderohet i suksesshëm nëse aplikojnë së paku tre (3) punime studimore që i përmbushin kushtet e përmenduara më lart.
Punimet Studimore dorëzohen në Agjencinë e Mbikëqyrjes së Sigurimeve nëpërmjet postës elektronike, në adresën: konkurs@aso.mk me shënimin: “Për çmimin vjetor të Agjencisë të Mbikëqyrjes së Sigurimeve për vitin 2026”.
Përveç punimit studimor, autori duhet të paraqesë të dhëna biografike. Punimet studimore të dorëzuara do të trajtohen si materiale konfidenciale.
Përzgjedhja më e mirë e punimit studimor bëhet nga Komisioni i përbërë nga pesë anëtarë, tre prej të cilëve janë anëtarë të jashtëm. Kryetarin dhe anëtarët e Komisionit i cakton Këshilli i Ekspertëve të Agjencisë të Mbikëqyrjes së Sigurimeve me vendim i cili do të shpallet në faqen e internetit të Agjencisë të Mbikëqyrjes së Sigurimeve.
Afati i fundit për dorëzimin e punimeve studimore është në datën 30.09.2026.
Çmimi i sivjetshëm i Agjencisë të Mbikëqyrjes së Sigurimeve do të jepet më datën 1.11.2026, me rastin e ditës së themelimit të Agjencisë të Mbikëqyrjes së Sigurimeve.
Rritja e ndërgjegjësimit për sigurimet tek qytetarët, si nxitës i zhvillimit të tregut të sigurimeve
Më 16 prill, Agjencia e Mbikëqyrjes së Sigurimeve (AMS) zbatoi me sukses aktivitetin edukativ për të rritur ndërgjegjësimin për sigurimet përmes një stende informacioni në terren. Një numër i madh qytetarësh morën informacion të drejtpërdrejtë, të qartë dhe të kuptueshëm në lidhje me të drejtat dhe detyrimet e tyre, si dhe këshilla praktike për zgjedhjen e sigurimit të duhur. Aktiviteti kontribuoi në rritjen e transparencës, kuptimin më të mirë të produkteve të sigurimit dhe forcimin e mbrojtjes së personave të siguruar si konsumatorë.
Ky aktivitet është pjesë e kompetencave ligjore të AMS-së që synojnë edukimin dhe mbrojtjen e konsumatorëve në fushën e sigurimeve.
Rritja e ndërgjegjësimit për sigurimet tek të rinjtë
Agjencia е Mbikëqyrjes së Sigurimeve (AMS) realizoi një punëtori interaktive me nxënës të vitit të dytë nga Shkolla e Mesme e Mjekësisë “Jane Sandanski” në Shtip, e dedikuar për edukimin financiar dhe bazat e sigurimit.
Përmes shembujve realë dhe diskutimit të hapur, nxënësit patën mundësinë të njihen me rolin e AMS-së si rregullator, të kuptojnë se si funksionon sigurimi, pse është e rëndësishme të identifikohen me kohë rreziqet dhe si të merren vendime të informuara në lidhje me sigurimin.
Ky aktivitet është pjesë e përpjekjeve më të gjera të AMS-së për rritjen e ndërgjegjësimit publik dhe forcimin e kulturës së sigurimit, si dhe për mbështetjen e zhvillimit të tregut të sigurimeve, në përputhje me kompetencat ligjore.
AMS-ja vazhdon me iniciativa të tilla – sepse qytetarët e informuar janë themeli i një tregu të qëndrueshëm dhe të zhvilluar të sigurimeve.
