AMS në bashkëpunim me OECD: Rregullatorët e sigurimeve përmes shkëmbimit të përvojave për edukim më të mirë financiar dhe mbrojtje të policëmbajtësve
Shkëmbimi i përvojave dhe praktikave të mira me qëllim të mbrojtjes më të madhe të të siguruarve apo poliëmbajtësve dhe ngritjen e vazhdueshme të nivelit të edukimit financiar të tyre ishin temat kryesore të diskutuara nga përfaqësues të organeve rregullatore të sigurimeve të vendeve të Evropës Juglindore, industrisë të sigurimeve dhe aktorëve të tjerë në sesionin e sotëm të organizuar nga Agjencia e Mbikëqyrjes të Sigurimeve (AMS) dhe Organizatës për Bashkëpunim dhe Zhvillim Ekonomik (OECD) me mbështetjen e Ministrisë së Financave të Mbretërisë së Holandës në kuadër të projektit për edukim financiar.
Në konferencën e sotme online me titull “Përvojat dhe praktikat” të organizuar në pesë sesione, më shumë se pesëdhjetë pjesëmarrës nga vendi dhe vendet e Evropës Juglindore i prezantuan përvojat, rezultatet e analizës së politikave, masave dhe mjeteve të përdorura nga rregullatorët e sigurimeve për mbrojtjen e të siguruarve.
U diskutuan edhe efektet e aktiviteteve për ngritjen e nivelit të edukimit financiar dhe përfshirjen e popullsisë në rrjedhat financiare në vendet e EJL-së. Në një prej sesioneve u debatua edhe për efektet e shkaktuara nga pandemia shëndetësore dhe masat e marra nga organet rregullatore për mbrojtjen e të siguruarve.
Mbrojtja e konsumatorëve, së bashku me edukimin financiar dhe aksesin në shërbimet financiare, është baza për një përfshirje më të madhe financiare. Mbrojtja e konsumatorit përfshin: ofrimin e informacionit të saktë dhe në kohë të konsumatorëve për vendimmarrje të bazuar në informacion, mungesën e praktikave të padrejta dhe mashtruese kontraktuese dhe aksesin në mekanizmat për zgjidhjen e shkeljeve të të drejtave të konsumatorëve.
Edukimi financiar dhe mbrojtja e konsumatorit, respektivisht policëmbajtësit janë aktivitete të cilave AMS i jep prioritet dhe i ndërmerr në vazhdimësi në kuadër të kompetencave të saj për zhvillimin e tregut të sigurimeve si dhe ndërgjegjësimin e publikut për rolin e sigurimeve. AMS i kushton vëmendje të veçantë inkurajimit të bashkëpunimit ndërmjet institucioneve përkatëse dhe bashkëpunimit me instancat e tjera përmes zbatimit të programeve dhe aktiviteteve arsimore për mbështetjen dhe përmirësimin e edukimit financiar te popullata. Ndërkombëtarisht, AMS merr pjesë aktive në projekte dypalëshe dhe shumëkombëshe për edukimin financiar dhe përfshirjen financiare.
AMS në bashkëpunim me rregullatorë të tjerë financiarë: Bankën Popullore, Ministrinë e Financave, MAPAS dhe KLV miratuan një strategji të përbashkët kombëtare për përfshirjen e edukimit financiar të popullatës. Ky është një dokument kombëtar strategjik që identifikon qëllimet e organeve rregullatore, njeh prioritetet për veprim dhe përcakton dinamikën, masat dhe aktivitetet për rritjen e edukimit financiar të popullsisë, përfshirjen e tyre dhe mbrojtjen e të drejtave të tyre që rrjedhin nga përdorimi i gamës së shërbimeve financiare ndër të cilat bëjnë pjesë edhe sigurimet.
Shoqëritë e sigurimeve kanë paguar 10.2 milionë euro komisione për shitje ndërmjetësve të tyre
Duke përdorur shërbimet e ndërmjetësuesve të sigurimit (shoqëritë e brokerimit në sigurimeve, shoqëritë e përfaqësimit në sigurime dhe agjentët e sigurimeve), policëmbajtësit kanë investuar 42 milionë euro në polica të sigurimit jo-jetë në gjashtëmujorin e parë të këtij viti.
Të siguruarit kanë investuar 5 miliardë denarë (81,2 milionë euro) në sigurime për gjysmën e vitit. Prej tyre, 2.59 miliardë denarë (42 milionë euro) u investuan në policat e blera drejtpërdrejt nga shoqëritë e sigurimeve dhe 2.41 miliardë denarë të tjerë (39.2 milionë euro) përmes ndërmjetësve të sigurimeve. Në këtë periudhë janë lidhur mbi 370 mijë kontrata sigurimi përmes ndërmjetësuesve të sigurimit, tregojnë të dhënat e Agjencisë së Mbikëqyrjes së Sigurimeve (AMS) për periudhën janar – qershor të këtij viti për sigurimet jo-jetë.
Peshën më të madhe në strukturën e shitjeve ndërmjetëse të produkteve të sigurimit e kanë shoqëritë e brokerimit në sigurime. Sipas legjislacionit, ata punojnë në dobi të të siguruarve, respektivisht regjistrojnë rreziqet dhe mbi këtë bazë hartojnë policat, dhe në të njëjtën kohë në rast dëmtimi përfaqësojnë interesat e tyre para shoqërive të sigurimeve.
Për gjashtë muaj, përmes këtyre kompanive, personat e siguruar (fizikë dhe juridikë) kanë investuar 1,5 miliardë denarë (24,4 milionë euro) në produkte të ndryshme të sigurimit. Më të mëdhatë prej tyre janë investimet në policat për sigurimin ligjor të detyrueshëm të autopërgjegjësisë. Ato arrijnë 1 miliard denarë (16,3 milionë euro). Në sigurimin e pronës kanë investuar edhe 735,6 milionë denarë (12 milionë euro). Për shërbimet e tyre, 40 shoqëri të brokerimit në sigurime arkëtuan 398,6 milionë denarë (6,48 milionë euro) komisione nga shoqëritë e sigurimeve.
Shoqëritë e përfaqësimit në sigurime (shoqëri që mund të ofrojnë polisa nga disa kompani të sigurimit vetëm nëse ato produkte të sigurimit nuk konkurrojnë me njëra-tjetrën) për gjashtë muajt e parë kanë shitur polica në vlerë totale prej 252 milionë denarësh (4,1 milionë euro). Për shërbimet e tyre nga shoqëritë e sigurimit arkëtuan komisione me vlerë të përgjithshme prej 68,5 milionë denarësh (1,1 milionë euro). Në tregun e sigurimeve ka 12 shoqëri të licencuara të përfaqësimit të sigurimeve.
Më shumë se 1.300 persona fizikë – agjentë të licencuar të sigurimeve në gjysmën e parë të vitit kanë shitur polica në vlerë prej 534,8 milionë denarë (8,7 milionë euro). Agjentët për këtë shërbim si komision kanë arkëtuar 126,9 milionë denarë (2,66 milionë euro) nga shoqëritë e sigurimeve për të cilat kanë shitur polica. Në ofertën e tyre gjatë kësaj periudhe dominon shitja e policave të obligueshme për autopërgjegjësi në vlerë prej 402 milionë denarësh (6,5 milionë euro), përkatësisht 75 për qind nga gjithsej shitjet e policave përmes këtij kanali të shitjes.
Edhe bankat veprojnë si ndërmjetës në shitjen e produkteve të sigurimit për klientët e tyre – aplikantët e kredisë. Në gjysmën e parë të vitit, bankat kanë shitur polica në vlerë prej 100 milionë denarësh (1,63 milionë euro). Pjesën më të madhe në këtë shitje e kanë policat e sigurimit të pronës lidhur me kreditë për banim dhe ato arrijnë në 60 milionë denarë (1 milion euro). Bankat nga shoqëritë e sigurimit jo-jetë për gjashtëmujorin e parë të vitit inkasuan apo arkëtuan komisione në vlerë të përgjithshme prej 29 milionë denarësh (471.000 euro).
Si ndërmjetësues në shitblerjen e produkteve të sigurimeve në treg marrin pjesë edhe sallonet e automjeteve dhe agjencitë turistike. Përmes salloneve të automjeteve dhe agjencive turistike në këtë periudhë janë shitur polica të sigurimit në vlerë prej 6 milionë denarësh (98.000 euro), ndërsa shitjet përmes agjencive turistike për këtë periudhë kanë qenë 3,5 milionë denarësh (57.000 euro).
Agjencia e Mbikëqyrjes së Sigurimeve (AMS) është organ i pavarur rregullator që normativizon tregun e sigurimeve, mbikëqyr aktivitetin e shoqërive të sigurimeve, kujdeset për mbrojtjen e të drejtave të të siguruarve dhe kontribuon në edukimin financiar të popullatës.
Seancë e mbajtur më 21.10.2021
- Procesverbal i seancës së njëzet e katërt të Këshillit të Ekspertëve të AMS-së për vitin 2021, të mbajtur më 30.9.2021 në orën 11:00,
- Raport nga zbatimi i mbikëqyrjes off-site 2K2021,
- Informacion për realizimin e Planit Financiar të Agjencisë së Mbikëqyrjes së Sigurimeve, përfshirë edhe datën 30.09.2021,
- Aktvendim për dhënien e pëlqimit për ndryshimin e statutit të Kroacia Osiguruvanje -Jetë SHA Shkup,
- Aktvendim për shfuqizimin e Aktvendimit për shqiptimin e masave plotësuese ndaj Shoqërisë të Sigurimeve Halk Osiguruvanje SHA Shkup nr. PA1 nr. 08-2-96 me datë 30.9.2021.
Shtëpi familjare e siguruar me 3.2 milion euro – shuma më e lartë e siguruar për pronën nga një person fizik
Polica më e madhe korporative e lëshuar në vend këtë vit mbulon një dëm maksimal me vlerë prej 1.26 miliardë euro. Në sigurimin kasko të automjeteve, shuma maksimale e siguruar për të mbuluar dëmet është 41 milionë euro dhe kontratën e sigurimit e ka një ndërmarrje publike e transportit të udhëtarëve. Polica me shumën më të lartë të siguruar për pagesën e dëmeve për sigurimet shëndetësore private mbulon deri në 2.3 milionë euro, e cila siguron gati 800 punonjës.
Shuma më e madhe që mund të paguhet për dëmet në pronën e siguruar të një personi fizik është 198 milionë denarë (3.2 milion euro). Bëhet fjalë për një shtëpi – pronë e paluajtshme në pronësi të një personi fizik. Shoqëritë e sigurimeve kanë mbi 128,000 kontrata aktive me persona fizikë për sigurimin e pasurive të paluajtshme, tregojnë të dhënat zyrtare të Agjencisë të Mbikëqyrjes së Sigurimeve (AMS) për gjysmën e parë të këtij viti.
Në sektorin korporativ, mbulimin më të madh për dëmet në pronë e ka një kompani e madhe nga sektori elektroenergjetik. Mbulimi maksimal që kompania mund të arkëtojë për këtë kontratë është 77.65 miliardë denarë (1.26 miliardë euro). Sektori korporativ, deri më 30 qershor të këtij viti, ka pasur mbi 32,000 kontrata të sigurimit të pronës.
Në klasën e sigurimit nga aksidentet, shuma maksimale e siguruar që mund të paguhet nga kontratat aktive, është 4.26 miliardë denarë (69.3 milionë euro). Bëhet fjalë për një policë të sigurimit kolektiv për më shumë se 8,500 punonjës. Në këtë klasë sigurimi në fund të qershorit ka pasur 628,000 kontrata aktive të sigurimeve.
Në klasën e sigurimeve shëndetësore private, shuma maksimale e siguruar për kontratë aktive të sigurimeve është 142.9 milionë denarë (2.3 milionë euro). Bëhet fjalë për një sigurim kolektiv kundër sëmundjeve të rënda të pothuajse 800 punonjësve në një institucion shëndetësor. Në këtë klasë sigurimi në fund të qershorit ka mbi 12,000 polica sigurimi që ofrojnë sigurim shëndetësor privat për më shumë se 38,000 persona.
Mbulimi më i madh për sigurimin kasko të automjeteve mbulon një shumë deri në 2.5 miliardë denarë (41 milionë euro). Polica është në pronësi të një kompanie të transportit publik . Në këtë klasë sigurimi në fund të qershorit ka pasur 50,000 kontrata të sigurimit kasko të automjeteve motorike.
Polica më e vlefshme e transportit të mallrave (karko) mbulon dëmet deri në shumën prej 3.4 miliardë denarësh (5.6 milionë euro), e cila siguron të gjitha dërgesat që do të realizohen në periudhën për të cilën është e vlefshme kontrata e sigurimit.
Në rastin e sigurimit ligjërisht të detyrueshëm të përgjegjësisë motorike, polica më e madhe me një shumë maksimale të siguruar mbulon dëmet deri në 93.4 milionë denarë (1.5 milionë euro). Kjo policë është në pronësi të një kompanie që transporton materiale shpërthyese dhe është e siguruar nga dëmet materiale dhe jomateriale. Në këtë klasë sigurimi, deri më më 30 qershor ka pasur mbi 611,000 polica sigurimi.
Agjencia e Mbikëqyrjes së Sigurimeve (AMS) është organ i pavarur rregullator që rregullon tregun e sigurimeve, mbikëqyr aktivitetin e shoqërive të sigurimeve, kujdeset për mbrojtjen e të drejtave të të siguruarve/policëmbajtësve dhe kontribuon në edukimin financiar të popullatës.
Qytetarët nga sigurimi i jetës arkëtuan 4.6 milionë euro në gjashtë muaj
Në të njëjtën kohë, qytetarët dhe kompanitë (për punonjësit e tyre) investuan 14.8 milion euro në policat e sigurimit të jetës, ose 9.6 për qind më shumë se e njëjta periudhë në vitin 2020.
Pesë kompani sigurimesh paguan 281.3 milionë denarë (4.57 milionë euro) për sigurimin e jetës për siguruesit e tyre në gjashtë muajt e parë të këtij viti. Krahasuar me të njëjtën periudhë të vitit të kaluar, shumat e paguara (dëmet bruto të paguara DBP), për sigurimin e jetës të arkëtuar nga policëmbajtësit, u rritën me 42 për qind ose 1.36 milionë euro, tregojnë të dhënat zyrtare nga Agjencia e Mbikëqyrjes së Sigurimeve (AMS).
Policat e sigurimit të jetës, në varësi të kushteve të kontratës, respektivisht policës, mbulojnë rreziqet e vdekjes, paaftësisë apo invaliditetit, por gjithashtu shpesh mund të jetë edhe një mënyrë kursimi. Përveç fondeve të investuara, i siguruari mund të marrë edhe një pjesë të kontributit (interesit) të fondeve të investuara.
Pjesën më të madhe në pagesën totale e kanë policat e sigurimit të jetës në të cilat i siguruari merr një pjesë të kontributit (interesit) të fondeve të investuara. Mbi këtë bazë, në gjysmën e parë të vitit, janë paguar 245.9 milionë denarë (4 milionë euro).
Vlen të përmendet se në këtë periudhë kompanitë i paguan 86.77 milionë denarë personave të siguruar të cilët vendosën që para skadimit të periudhës së dakorduar të sigurimit të tërhiqnin paratë e tyre të investuara (e ashtuquajtura “blerje e policës”). Krahasuar me të njëjtën periudhë të vitit të kaluar, kjo shumë këtë vit është më e lartë për 36 për qind në krahasim me të njëjtën periudhë të vitit të kaluar.Blerje të policave në praktikë shpesh mund të ndodhin nëse i siguruari ka kushte më të mira për të investuar në një nga kompanitë konkurruese të sigurimit të jetës.
Në produktet e sigurimit të jetës me rritje të shpejtë, të ashtuquajturat “junit linkd “, kur i siguruari e pranon rrezikun e investimit në aksione të fondeve të investimit, ka tendencë të rritjes të pagesave. Për gjashtë muajt e parë të këtij viti, siguruesit që kanë polica të këtij lloji arkëtuan 10.46 milion denarë (170,000 euro) dhe kjo është 91 për qind më shumë se e njëjta periudhë në vitin 2020.
Në gjashtë muajt e parë të këtij viti, qytetarët dhe kompanitë investuan 908 milionë denarë (14.76 milionë euro) ose 9.6 për qind më shumë se e njëjta periudhë e vitit të kaluar.
Agjencia e Mbikëqyrjes së Sigurimeve (AMS) është organ rregullator i pavarur, i cili rregullon tregun e sigurimeve, kryen mbikëqyrje të aktivitetit të shoqërive të sigurimeve dhe kujdeset për mbrojtjen e të drejtave të personave të siguruar ose policëmbajtësve dhe kontribuon në edukimin financiar dhe përfshirjen financiare të popullatës.
Seancë e mbajtur më 30.9.2021
- Procesverbali i seancës të njëzetë e tretë të Këshillit të Ekspertëve të Agjencisë së Mbikëqyrjes së Sigurimeve për vitin 2021, të mbajtur më 24.8.2021 në orën 13:30,
- Aktvendim për ndryshimin e Aktvendimit për krijimin e Komisionit për mbajtjen e provimi profesional të nevojshëm për marrjen e lejes për punë si aktuar i autorizuar,
- Kërkesë për dhënien e miratimit/pëlqimit për ndryshimin e statutit të HALK OSIGURUVANJE dhe miratim i Aktvendimit,
- Vendim për miratimin e Aktvendimit për revokimin e licencës për ushtrimin e veprimtarive të brokerimit të sigurimeve të Shoqërisë së Brokerimit në Sigurime AMG Premium SHA Shkup
- Ndryshimi i planit vjetor për mbikëqyrjen në terren të Agjencisë së Mbikëqyrjes së Sigurimeve, për vitin 2021.
- Vendim për shqiptimin e masave shtesë të mbikëqyrjes për Shoqërinë e Sigurimeve Halk Osiguruvanje SHA Shkup
Njoftim në lidhje me Konkursin e AMS-së për çmimin e sivjetshëm për studiuesit e rinj
Lidhur me Konkursin e shpallur për çmimin vjetor për studiuesit e rinj për punimin më të mirë në fushën e menaxhimit të rrezikut dhe të sigurimeve për vitin 2021, shërbimet profesionale të AMS-së përcaktuan se ka patur problem me funksionalitetin e e-mail adresës konkurs@aso.mk
dhe për këtë arsye nuk përjashtohet mundësinë që ndonjë parashtrim/punim të mos jetë pranuar.
Me qëllim të trajtimit të barabartë të të gjithë pjesëmarrësve të mundshëm, ne kërkojmë nga kandidatët e interesuar që të paraqesin përsëri punimet e tyre në adresën e cituar elektronike konkurs@aso.mk. Kandidatët duhet të marrin një përgjigje se punimi i tyre është pranuar dhe se marrin pjesë në konkurs.
Nëse edhe gjatë kësaj here, kandidatët nuk marrin përgjigje, është e nevojshme të kontaktoni personin përgjegjës në numrin e telefonit 02 3254 062.
Shoqëritë e sigurimeve paguan 1.9 milionë euro dëme nga breshëri dhe ngrica, 72% e vlerës së të gjitha dëmeve bujqësore
Breshri dhe ngrica janë rreziqet më të theksuara në sigurimet bujqësore. Në gjashtë muajt e parë të këtij viti, mbi 70 për qind e vlerës së të gjitha dëmeve të paguara në bujqësi dhe blegtori janë për shkak të pasojave të këtyre fatkeqësive natyrore. Për shkak se fermerët e dinë se breshri dhe ngricat janë rreziqet më të mëdha, ata investojnë në sigurime më shumë kundër këtyre rreziqeve. Për gjashtë muajt e parë, vlera e policave të blera që sigurojnë kulturat bujqësore nga breshëri dhe akulli arriti në 5 milionë euro ose 26 për qind më shumë se e njëjta periudhë e vitit të kaluar
Fermerët dhe blegtorët arkëtuan një total prej 162 milionë denarësh (2.63 milionë euro) nga dëmet e mbuluara nga policat e sigurimit për gjashtë muajt e parë të këtij viti. Në shumën e përgjithshme të dëmeve të paguara bujqësore dhe blegtorale për të mbjellat dhe të korrat e shkatërruara, për bagëtitë e ngordhura, dominon vazhdimisht pagesa e dëmeve të shkaktuara nga breshri dhe ngrica, tregojnë të dhënat zyrtare nga Agjencia e Mbikëqyrjes së Sigurimeve (AMS).
Breshri dhe akulli janë armiqtë më të mëdhenj të fermerëve, ata shkaktojnë dëmin më të madh
Dëmet e shkaktuar nga breshri ose ngrica (akulli) kanë pjesën më të madhe në shumën e dëmeve të paguara të mbuluara nga sigurimet bujqësore. Për gjashtë muajt e parë nga këto fatkeqësi natyrore, janë paguar dëme për shkatërrimin e të mbjellave dhe të korrave, në një vlerë totale prej 117.85 milionë denarësh (1.9 milionë euro). Kjo përbën 72 për qind të të gjitha dëmeve të paguara në bujqësi dhe blegtori në këtë periudhë. Statistikat për gjysmën e parë të dy viteve të mëparshme janë të ngjashme. Në vitin 2020, fermerët arkëtuan 99.5 milionë denarë (1.6 milionë euro) ose 74 për qind për dëmet nga breshri dhe ngrica, ndërsa në vitin 2019, 78 për qind të të gjitha dëmeve të paguara në bujqësi.
Vlera e përgjithshme e dëmeve të arkëtuara nga fermerët nga shoqëritë e sigurimeve për gjashtë muajt e parë të këtij viti është 162 milionë denarë (2.63 milionë euro). Në të njëjtën periudhë të vitit të kaluar, shuma e kërkesave të paguara për sigurimin bujqësor ishte më e ulët për 22 për qind dhe arriti në 132.4 milionë denarë (2.15 milionë euro). Në gjysmën e parë të vitit 2019, fermerët arkëtuan 78.4 milionë denarë (1.27 milionë euro) për dëm.
Çfarë sigurojnë zakonisht fermerët
Investimet e përgjithshme të fermerëve dhe blegtorëve në sigurime për gjysmën e parë të këtij viti arrijnë në 398.4 milionë denarë (6.5 milionë euro). Kjo është 20 për qind më shumë në krahasim me të njëjtën periudhë të vitit 2020 kur investimet në sigurimin e të mbjellave, të korrave, të blegtorisë ishin 331 milionë denarë (5.38 milionë euro). Vazhdimësia në rritjen e investimeve është regjistruar edhe në krahasim me vitin 2019 kur vlera e sigurimeve bujqësore në gjysmën e parë të vitit arriti në 241.2 milionë denarë (3.92 milionë euro).
Agjencia e Mbikëqyrjes së Sigurimeve (AMS) është organ rregullator i pavarur, i cili rregullon tregun e sigurimeve, kryen mbikëqyrje të aktivitetit të shoqërive të sigurimeve dhe kujdeset për mbrojtjen e të drejtave të personave të siguruar ose policëmbajtësve dhe kontribuon në edukimin financiar dhe përfshirjen financiare të popullatës.