Qytetarët treguan interes të veçantë për mënyrën e ushtrimit dhe mbrojtjes së të drejtave të sigurimit, funksionin e AMS-së dhe rolin e sigurimit.
Në kuadër të aktiviteteve për të shënuar muajin maj – muajin kushtuar edukimit financiar, Agjencia e Mbikëqyrjes së Sigurimeve organizon “Ditë të Hapura”, me qëllim që qytetarët të njihen me rolin dhe funksionimin e Agjencisë së Mbikëqyrjes së Sigurimeve, si dhe me të drejtat e personave të siguruar, në një mënyrë të thjeshtë dhe praktike.
Ditët e Hapura do të mbahen në ambientet e Agjencisë më 18 dhe 26 maj të vitit 2026, nga ora 11:00 deri në orën 12:00.
Mund të konfirmoni pjesëmarrjen tuaj brenda datës 13 maj, në telefonin 3254065 ose në adresën elektronike edukacija@aso.mk.
Përfaqësuesit e AMS-së zhvilluan një vizitë edukative në Shkollën Fillore “Dimkata Angelov-Gaberot”, në Vatasha, kushtuar temës së njohurive financiare përmes sigurimeve.
Përmes një prezantimi interaktiv dhe bisede me nxënës të klasave të 8-ta dhe të 9,-ta u prezantua funksioni i sigurimeve si mekanizëm për mbrojtje dhe siguri, si dhe roli i AMS- së në sigurimin e një tregu të qëndrueshëm, të sigurt dhe transparent të sigurimeve.
Vizita rriti ndërgjegjësimin tek nxënësit për rolin e sigurimeve që në moshë të vogël, u mundësoi atyre të njihen me konceptet bazë të sigurimeve, si dhe forcoi bashkëpunimin midis Rregullatorit dhe sistemit arsimor në drejtim të edukimit financiar.
Qëllimi i kësaj fushate është rritja e ndërgjegjësimit publik për nevojën dhe rëndësinë e sigurimeve si një mekanizëm për mbrojtjen nga rreziqet.
Ekipi i AMS-së do të kontribuojë në mënyrë aktive në përmirësimin e njohurive financiare përmes bashkëpunimit me shkollat dhe fakultetet, leksioneve interaktive, publikimit të përmbajtjes edukative, mbajtjes së ditëve të hapura, etj.
Një seminar treditor i organizuar nga Agjencia e Mbikëqyrjes së Sigurimeve dhe Universiteti Ndërkombëtar Ballkanik u zbatua me sukses, me temën “Rëndësia e Sigurimeve – nga Teoria në Praktikën Rregullatore”.
Seminari u ofroi studentëve një hyrje më të detajuar mbi rolin dhe rëndësinë e sigurimeve në shoqërinë moderne, si dhe funksionimin e sistemit rregullator dhe mbikëqyrës në fushën e sigurimeve.
Përmes leksioneve interaktive, shembujve praktikë dhe diskutimeve me përfaqësuesit e Autoritetit Mbikëqyrës të Sigurimeve, studentët patën mundësinë të fitojnë njohuri të reja rreth parimeve themelore të sigurimeve, rolit të rregullatorit në sigurimin e një tregu të qëndrueshëm, të sigurt dhe transparent, si dhe rreth mekanizmave për mbikëqyrjen dhe mbrojtjen e interesave të mbajtësve të policave. Vëmendje e veçantë iu kushtua temave që lidhen me menaxhimin e riskut, njohjen dhe vlerësimin e riskut, si dhe rëndësinë e sigurimeve si një instrument për mbrojtjen financiare të qytetarëve dhe kompanive.
Seminari trajtoi gjithashtu të drejtat dhe detyrimet e policëmbajtësve, duke përfshirë rëndësinë e të qenit të informuar gjatë lidhjes së një kontrate sigurimi, përmbushjen në kohë të detyrimeve kontraktuale, si dhe të drejtën për trajtim të drejtë, transparencë dhe pagesë në kohë të kërkesave.
Rregullatori shpreh kënaqësinë e tij për zbatimin me sukses të seminarit dhe interesin e madh dhe pjesëmarrjen aktive të studentëve. Iniciativa të tilla përfaqësojnë një kontribut të rëndësishëm në avancimin e edukimit financiar dhe ndërtimin e personelit të përgatitur për sfidat e ardhshme në tregun e sigurimeve.
Agjencia e Mbikëqyrjes së Sigurimeve (AMS) dhe Komisioni për Mbrojtjen e Konkurrencës (KMK) po thellojnë bashkëpunimin e tyre të ndërsjellë me qëllim mbrojtjen e të drejtave të policëmbajtësve.
Me qëllim forcimin dhe zgjerimin institucional të bashkëpunimit të suksesshëm deri më tani, Eli Drakullovska, Kryetare e Këshillit të AMS-së dhe Malinka Siljanovska Nikoliq, Kryetare e KMK-së, kanë lidhur një memorandum bashkëpunimi.
Ky memorandum është një bazë e fortë për thellimin e bashkëpunimit përmes shkëmbimit të informacionit, njohurive dhe përvojave, duke forcuar kapacitetet institucionale në funksion të mbrojtjes të shumëfishtë dhe me cilësi më të lartë të të drejtave të policëmbajtësve.
