Учество на АСО на традиционалните синдикални спортски игри
Вработени од АСО и годинава учествуваа на традиционалните синдикални спортски игри организирани од СФОМ, каде се натпреваруваа во повеќе спортски дисциплини.
Преку вакви активности се поттикнуваат тимскиот дух, меѓусебната соработка и спортските вредности.
Настаните од овој тип придонесуваат и за јакнење на професионалните и човечките релации меѓу вработените.
АСО меѓу граѓаните преку едукативни активности
Во рамки на едукативните активности беше спроведен информативен пулт на улица „Македонија“, преку кој граѓаните имаа можност да добијат информации и едукативни материјали.
Граѓаните покажаа интерес особено за начинот на остварување и заштита на правата од осигурување, функцијата на АСО и улогата на осигурувањето.
Отворени денови во АСО во рамки на месецот на финансиска писменост
Во рамки на активностите за одбележување на месец мај – месец посветен на финансиската писменост, Агенцијата за супервизија на осигурување организира „Отворени денови“, со цел граѓаните на едноставен и практичен начин да се запознаат со улогата и функционирањето на АСО, како и со правата на осигурениците.
Отворените денови ќе се одржат во просториите на Агенцијата, на 18 и 26 мај 2026 година, во периодот од 11:00 до 12:00 часот.
Своето учество можете да го потврдите најдоцна до 13 мај, на телефон 3254065 или на е-mail адресата edukacija@aso.mk.
Финансиска писменост преку осигурување: Едукативна посета на АСО во основно училиште
Претставници на АСО реализираа едукативна посета во ОУ “Димката Ангелов-Габерот, Ваташа, посветена на темата финансиска писменост преку осигурување.
Преку интерактивна презентација и разговор со учениците од 8 и 9 одделение, беа претставени функцијата на осигурувањето како механизам за заштита и сигурност, како и улогата на АСО во обезбедување стабилен, сигурен и транспарентен осигурителен пазар.
Со посетата беше подигната свеста кај учениците за улогата на осигурувањето уште од најрана возраст, овозможено беше запознавање со основните осигурителни поими, како и зајакнување на соработката меѓу Регулаторот и образовниот систем во насока на финансиска едукација.
