МАЈ – месец на финансиска писменост: Осигурувањето како основа за лична и финансиска сигурност
Агенцијата за супервизија на осигурување (АСО), како и секоја година го одбележува месецот мај – посветен на финансиската писменост во делот на осигурителната дејност. Финансиската писменост претставува редовна годишна активност на АСО, насочена кон континуирано унапредување на едукацијата поврзана со значењето и вредноста на осигурувањето.
Целта на оваа кампања е да се зголеми јавната свест за потребата и важноста од осигурувањето како механизам за заштита од ризици.
Тимот на АСО активно ќе придонесува за унапредување на финансиската писменост преку соработка со училиштата и факултетите, интерактивни предавања, објава на едукативни содржини, спроведување на отворени денови и слично.
АСО во периодот од 27-29 април, 2026 година успешно реализираше тридневна работилница со студенти на тема “Важноста на осигурувањето – од теорија до регулаторна пракса”
Успешно е реализирана тридневна работилница организирана од Агенцијата за супервизија на осигурување и Меѓународниот Балкански Универзитет, на тема „Важноста на осигурувањето – од теорија до регулаторна практика“.
Работилницата им овозможи на студентите подетално запознавање со улогата и значењето на осигурувањето во современото општество, како и со функционирањето на регулаторниот и супервизорски систем во областа на осигурувањето.
Преку интерактивни предавања, практични примери и дискусии со претставниците на АСО, студентите имаа можност да стекнат нови знаења за основните принципи на осигурувањето, улогата на регулаторот во обезбедување стабилен, сигурен и транспарентен пазар, како и за механизмите за надзор и заштита на интересите на осигурениците.
Посебно внимание беше посветено на темите поврзани со управувањето со ризици, препознавањето и проценката на ризиците, како и значењето на осигурувањето како инструмент за финансиска заштита на граѓаните и компаниите.
Во рамки на работилницата беа обработени и правата и обврските на осигурениците, вклучувајќи го значењето на информираноста при склучување договор за осигурување, навременото исполнување на договорните обврски, како и правото на фер третман, транспарентност и навремена исплата на штети.
Регулаторот изразува задоволство од успешната реализација на работилницата и од големиот интерес и активното учество на студентите. Ваквите иницијативи претставуваат значаен придонес кон унапредување на финансиската едукација и градење кадри подготвени за идните предизвици на пазарот на осигурување.
Зајакнува институционалната соработка помеѓу АСО и КЗК
Агенцијата за супервизија на осигурување (АСО) и Комисијата за заштита на конкуренцијата (КЗК) ја продлабочуваат взаемната соработка со цел заштита на правата на осигурениците.
Со цел зајакнување и институционално проширување на досегашната успешна соработка, Ели Дракуловска, претседателот на Советот на АСО и Малинка Силјановска Николиќ, претседателот на КЗК склучија меморандум за соработка.
Документот е солидна основа за продлабочување на соработката преку размена на информации, знаење и искуства, зајакнување на институционалните капацитети во функција на повеќеслојна и поквалтетна заштита на правата на осигуренциите.
