НАГРАДЕНИ УЧЕНИЦИ НА КОНКУРСОТ ЗА УЧЕНИЦИ ОД ОСНОВНОТО И СРЕДНОТО ОБРАЗОВАНИЕ ПО ПОВОД ДЕНОТ НА ОСИГУРУВАЊЕ ‒ 1 НОЕМВРИ
Во врска со наведениот конкурс, подолу го објавуваме списокот на наградени ученици, по одделни категории. И оваа година добивме голем број интересни литературни и ликовни трудови.
На Конкурсот за ученици од основното образование, од 1 до 5 одделение, во категорија ликовна творба- цртеж, на тема “како се грижиме за она што ни е важно”, наградени се следниве ученици:
ВО КАТЕГОРИЈА ЛИКОВНИ ТВОРБИ – ЦРТЕЖ СЕ НАГРАДЕНИ:
- Весна Билбиловска V-2 одделение ОУ “Гоце Делчев“ Гостиваар
- Петар Зафиров V-в одделение ООУ “Димитар Поп Ѓеорѓиев Беровски“ Скопје
- Теодора Стојкова IV-6 одделение ООУ “Васил Главинов“ Велес
На Конкурсот за ученици од основното образование, од 6 до 9 одделение, во категорија литературна творба-песна, на тема “Одговорни денес посигурни утре“, наградени се следниве ученици:
ВО КАТЕГОРИЈА ЛИТЕРАТУРНИ ТВОРБИ – ПЕСНА, СЕ НАГРАДЕНИ:
- Ања Бабуновска IX-2 одделение ООУ “Васил Главинов“ Велес
- Леон Наковски VIII-Б одделение ООУ “Браќа Миладиновци“ Пробиштип
- Сања Савеска VII одделение ООУ “Кузман Јосифовски Питу“ Кичево
На Конкурсот за ученици од средно образование,, во категорија литературна творба-расказ/есеј, на тема “Финансиската писменост како животна вештина: Улогата на осигурувањето“, наградени се следниве ученици:
ВО КАТЕГОРИЈА ЛИТЕРАТУРНИ ТВОРБИ – ЕСЕЈ/РАСКАЗ, СЕ НАГРАДЕНИ:
- Теодора Јоновска IV-6 година РЦСОО “Ѓорѓи Наумов“ Битола
- Ана Ашталкоска II година СОУ Гимназија „Д-р Ибрахим Темо“ Струга
- Ангела Ѓорѓиоска III година СОУ “Гостивар“ Гостивар
Финансиската писменост како животна вештина-Улогата на осигурувањето
Тимот на Агенцијата за супервизија на осигурување, предводен од координаторот за финансиска едукација Ратка Целаковски, одржа едукативна работилница со учениците од трета и четврта година од средното стручно училиште „Саба“ во Скопје, посветена на улогата на осигурувањето во управувањето со ризиците и надлежностите на Агенцијата за супервизија на осигурување како регулатор.
“Кажи ми и ќе заборавам. Научи ме и можеби ќе запомнам. Вклучи ме и ќе научам” – оваа мисла ја отслика суштината на работилницата, во која учениците беа поттикнати активно да учествуваат, да размислуваат и да ја согледаат поврзаноста меѓу секојдневните финансиски избори.
Преку ваквите активности Агенцијата за супервизија на осигурување ја потврдува својата посветеност во јакнењето на осигурителната свест кај младите и поддршката на образовниот процес. Соработката со училиштата претставува важен чекор кон создавање генерации кои ќе умеат да ги разбираат своите права и обврски, одговорно да управуваат со своите финансии и навремено да ја препознаваат важноста на осигурувањето.
Посетата на „Саба“ е дел од активностите на АСО со кои активно учествуваме во Деновите на финансиска писменост организирани од финансиските регулатори: АСО, КХВ, МАПАС, Народна банка и Министерството за финансии.