Известување за одложување на активностите по повод „Глобална недела на парите“
Агенцијата за супервизија на осигурување (АСО) во соработка и координација со другите регулаторни тела од финансискиот систем (НБРМ, КХВ, МФ и МАПАС) ја известува јавноста дека, поради трагедијата во Кочани ги одложува сите активности планирани со „Глобалната недела на парите“ (ГНП).
Уште еднаш изразуваме наше најдлабоко сочувство со семејствата на загинатите и со сите лица погодени во оваа трагедија.
За новите термини за одржување на ГНП јавноста ќе биде дополнително известена.
Информација за јавност од Агенција за супервизија на осигурување (АСО)
Со цел заштита на правата на осигурениците и одржување на принципот за рамноправност на сите субјетки на осигурителниот пазар Агенцијата за супервизија на осигурување (АСО), согласно своите законските овластувања, ја одзеде лиценцата за работа на осигурително-брокерското друштво „СН Осигурителен брокер“ АД Битола.
Имено, по извршените теренски супервизорски контроли од страна на стручните служби на АСО, констатирано е континуирано непостапување на субјектот по изречените супервизорски мерки.
Врз основа на сите констатирани недоследности од супервизиските контроли и по исцрпување на сите законски мерки и рокови Советот на експерти на АСО ги прифати препораките на стручните служби и со консензус донесе одлука за одземање на лиценцата за работа на споменатиот субјект.
Седница одржана на 20 февруари
- Записник од 4-та седница на СнЕ на АСО одржана на 7 февруари, 2025 година,
- Одлука за супервизорска мерка спрема друштво за осигурување,
- Стратешки план за внатрешна ревизија за период 2025 година – 2027 година,
- Годишен план за внатрешна ревизија за 2025 година,
- Информација за финансиската состојба и перформанси на друштвата за осигурување за периодот 1.1. – 31.12.2024 година,
- Одлука за усвојување на годишната сметка на Агенцијата за супервизија на осигурување за 2024 година.
Претставници на Агенцијата за супервизија на осигурување (АСО) учествуваа на 23-тата Конференција на регулаторни тела за супервизија на осигурување на државите од централна, источна и југоисточна Европа (CESEE ISI)
Конференцијата беше одлична можност за размена на искуства и знаења за актуелни теми од областа на осигурувањето со особени акценти на: предизвиците со примената на меѓународниот сметководствен стандард ИФРС 17 (IFRS 17), процесот ОРСА (ORSA) и принципите за основаност на вложувањата во крипто валути.
Ели Дракуловска, претседател, Александра Дранговска и Горан Здравковски членови на Советот на експерти и Маја Парнарџиева – Змејкова, координатор на Стручната служба за супервизија, покрај учеството на конференцијата остварија и билатерални средби за унапредување и продлабочување на соработката со претставници на супервизорските органи на земји од нашиот регион.
Конференцијата, во организација на Централната банка на Унгарија (Magyar Nemzeti Bank), се одржа на 26 и 27 февруари годинава во Будимпешта.
Финансиска едукација: Посета на студенти од Американ колеџ – Скопје
Агенцијата за супервизија на осигурување во рамки на активностите за финансиска едукација и подигање на свеста за значењето на осигурувањето, во своите простории ги пречека студентите од трета година од Американ колеџ Скопје предводени од професорот Игор Србиноски.
Со надлежностите и активностите на регулаторот АСО присутните студенти ги запознаа Ратка Целаковски и Горан Здравковски, член на Советот на експерти. Воведните излагања за надлежностите и активностите на АСО, важноста на осигурувањето и зајакнувањето на финансиската едукација кај студентите предизвикаа интерес за прашања и интеракција на теми од областа на осигурувањето. Студентите активно учествуваа со прашања и примери и покажаа интерес за понатамошно истражување и учење во оваа област.
Исто така, АСО во рамки на овие средби редовно ги охрабрува студентите својот кариерен развој и раст да го продолжат во Македонија.
Реализираната средба ги зајакнува односите со академската заедница. Продолжуваме со слични средби во иднина за продлабочување на знаењето за осигурувањето, зајакнувањето на финансиската писменост кај младите со цел создавање солидна основа за донесување информирани и одговорни финансиски одлуки, што може да има долгорочни позитивни ефекти на животот на младите и на нивната можност за финансиска независност и успех.
Седница одржана на 7 февруари, 2025
- Записник од 3-та седница на СнЕ на АСО одржана на 31 јануари, 2025 година,
- Одлука за усвојување на Извештај за извршениот попис на средствата и изворите на средства на Агенцијата за супервизија на осигурување со состојба на 31 декември 2024 година,
- Повелба за внатрешна ревизија на Агенцијата за супервизија на осигурувањето,
