Соопштенија

Агенцијата за супервизија на осигурување во рамки на својата мисија и визија во континуитет реализира активности од сферата на финансиската едукација и придонесува во градењето на финансиското знаење не само на младата популација туку и на повозрасното население.

Во рамки на Глобалната недела на парите оваа година Агенцијата оствари голем број активности самостојно, и заедно со членките на Координациското тело за финансиска едукација и финансиска инклузивност, за подигнување на свеста од поголема финансиска писменост, а особено со фокус на улогата на осигурувањето и супервизијата.

Просториите на Агенцијата беа отворени за посета на ученици од повеќе основни и средни училишта (Страшо Пинџур-Кочани, Фаик Коница-Гостивар, Св. Климент Охридски- Гевгелија, Христо Узунов-Охрид, Васил Антевски Дрен-Скопје и др.), со што им се овозможи на учениците изворно да се запознааат со надлежностите на Агенцијата и нејзиното работење. Исто така, во рамки на оваа манифестација беше организирана и посета на друштво за осигурување пришто учениците имаа можност да се запознаат со улогата на друштво за осигурување како акционерско друштво и неговото функционирање.

При реализацијата на овие посети, учениците имаа можност да проследат едукативни презентации преку кои стекнуваат поголемо знаење за институциите кои се дел од финансискиот систем на една земја и финансискиоте производи и услуги кои ги нудат.

Агенцијата за супервизија на осигурување согласно задачите во своите програми и понатаму ќе продолжи да реализира активности што значат градење на капацитетот на идните генерациите од кои се очекува да бидат главни носители на економските и финансиските текови во нашата држава.

Во сферата на финансиската едукација одбележувањето на Глобалната недела на пари е меѓу бројните активности кои Агенцијата за супервизија на осигурувње ги презема во рамки на своите надлежности за развој на осигурителниот пазар и развој на свеста на јавноста за осигурувањето и супервизијата на осигурување. Благодарение на долгогодишното одбележување на Глобалната недела на парите во нашата земја, истата како манифестација стана добро препознатлива меѓу младата популација.

По повод Глобалната недела на пари, Агенцијата за супервизија на осигурување започна со реализација на планирните активности за 2019 година, во сферата на финансиската едукација и финансиската инклузија. Во текот на престојните денови ќе бидат посетувани училишта и универзитети, ќе се одржат сесии и работилници за зголемување на свеста за важноста на финансиската едукација помеѓу младите луѓе и другите учесници на манифестацијата глобална недела на парите, ќе се пренесат информативни лекции за тоа што значат осигурителните производи и услуги, управувањето со ризици и што тоа значи за младите луѓе.

Исто така, Агенцијата ќе ја посетатат и ученици од другите градови од нашата земја и истите ќе имаат можност да проследат едукативни презентации и да добијат едукативни материјали

Агенцијата за супервизија на осигурување, Народната банка на Република Северна Македонија, Министерството за финансии, Агенцијата за супервизија на капитално финансирано пензиско осигурување и Комисијата за хартии од вредност на Република Северна Македонија, сите членки на Координативното тело за финансиска едукација и финансиска инклузија потпишаа Меморандум за соработка во доменот на финансиската едукација и финансиската инклузија.

Соработката меѓу потписниците, согласно Меморандумот, има за цел да ја подигне свеста кај населението за потребата од финансиска едукација во современото динамично окружување, како и да се согледаат предностите од финансиската инклузија. Со Меморандумот се очекува дека ќе се остварат следниве цели:

– Преку интегрирана визија, спроведување образовни проекти и заеднички заложби на потписниците, се очекува дека ќе се придонесе кон подигнување на нивото на финансиска писменост на населението и следствено подобрување на вештините и способноста за носење издржани финансиски одлуки во практиката;

– Истовремено, соработката треба да овозможи подигнување на нивото на финансиска инклузија, преку зајакнување на сите аспекти на достапност, корисност, ефикасност и подобра информираност за финансиските услуги во земјата, како и соодветна информираност за правата на потрошувачите во финансискиот сектор. Зајакнувањето на финансиската едукација и подобрувањето на финансиската инклузија треба да овозможат оптимизација на услугите коишто ги нуди финансискиот систем заради поддршка на економскиот раст и општествената благосостојба;

– Исто така, преку овој меморандум се поттикнуваат, се планираат и се изведуваат активности за соработка на регионален и меѓународен план со други организации и институции во доменот на финансиската едукација и финансиската инклузија.

Согласно заложбите и постигнувањето на целта од Меморандумот, потписниците се согласни да учествуваат во следниве активности:

– поттикнување на соработката со надлежните институции во земјата во доменот на финансиската едукација и финансиската инклузија;

– покренување иницијативи до надлежните институции за активности коишто ќе ја поддржат финансиска едукација и финансиската инклузија на населението на Република Македонија;

– изработување стратегиски документи од областа на финансиската едукација и финансиската инклузија;

– дефинирање, предлагање и учество во заеднички проекти и активности, за подобрување на финансиската едукација и финансиската инклузија во земјата;

– дефинирање, предлагање и учество во проекти во содејство со приватниот сектор, согласно со делокругот на активности на одделните потписници;

– применување на најдобрите практики и препораки на меѓународните организации и институции;

– организирање и спроведување анкети, како и следење на расположливите податоци за нивото на финансиска писменост и финансиската вклученост во земјата;

– организирање работни сесии, семинари и други видови обуки заради подигнување на финансиската писменост во земјата;

– соработка во областа на следење на финансиските иновации и подготовка за евентуална нивна примена во земјата, како и соодветна финансиска едукација и следење на финансиската инклузија на населението во доменот на финансиските иновации;

– промовирање на регионалната и интернационалната соработка во областа на финансиската едукација и финансиската вклученост и

– споделување информации од областа на финансиската едукација и финансиската инклузија за индивидуалните проекти на секој од потписниците со останатите потписници.

Денес се одржа второ по ред “Global InsurTech Roadshow”, во организација на TechQuartier, познат дигитален центар и Goethe Business School, во Франкфурт, Германија. Настанот беше подржан од Европскиот регулатор за осигурување и пензии (EIOPA). Во панел дискусијата насловена „Регулаторни разговори“ свое обраќање имаше Претседателот на Советот на експерти на Агенцијата за супервизија на осигурување, г. Климе Попоски. Панелот беше модериран од страна на Philipp Krohn од Frankfurter Allgemeine Zeitung, познат германски новинар кој ја следи осигурителната индустрија, додека во панелот учествуваа Извршниот директор за осигурување при Федералниот авторитет за финансиска супервизија на Германија г. Dr. Frank Grund и Генералниот директор на Израелскиот регулатор за пазар на капитал, осигурување и штедење г. Dr. Moshe Bareket.

Притоа, Претседателот на Советот на експерти на Агенцијата за супервизија на осигурување, г. Климе Попоски ја истакна улогата на Агенцијата како регулаторно тело за подржка на дигитализацијата која во иднина ќе има силно влијаните врз промена на работните процеси на друштвата за осигурување и посредниците во осигурувањето. „Промените ќе значат поголема економичност во работењето на осигурителните субјекти и тоа ќе влијае врз намалување на цените на осигурителните продукти, поголема и поедноставна достапност до потенцијалните осигуреници, поголема ефикасност во решавање на штети, поголемо задоволство во консумирање на осигурителните продукти и поголема стабилност на осигурителната индустрија“, посочи Попоски на панел дискусијата.

На дводневниот форум во Франкфурт учествуваа еминетнти претставници од регулаторни тела, осигурителни друштва и посредници во осигурувањто, start-up компании и универзитески професори.

Агенцијата за супервизија на осигурување ги известува сите лица кои се пријавиле за учество на обука и полагање на стручен испит за застапник во осигурување односно учество на обука и полагање стручен испит за осигурителен брокер во мартковска едукативно испитна сесија, дека согласно принципот прв дојден прв услужен, следните лица кои ги исполнуваат условите за учество на обука и полагање на стручен испит за застапник односно осигурителен брокер, ќе може да ја следат обуката и да полагаат стручен испит во мартовската едукативно испитна сесија:

Список на лица за учество на обука и стручен испит за застапник во осигурување

Список на лица за учество на обука и стручен испит за осигурителен брокер

Обуката за застапник  во времетраење од 3 дена (вкупно 18 наставни часа) ќе се спроведе во периодот 21, 23 и 29.3.2019 година а обуката за брокер во времетраење од 4 дена (вкупно 27 наставни часа) ќе се спроведе во периодот 21,23.3.2019 година и 29.3.2019 -30.3.2019 година.

Деталниот распоред на предавањата и списокот на лица за учество на обука и стручен испит за застапник во осигурување односно за осигурителен брокер можете да го најдете на следниот линк:

Распоред на предавања за застапници на осигурување

Распоред на предавања за осигурителни брокери

Обуката за застапници односно осигурителни брокери ќе се одржи во просториите на Европски Универзитет (Бул. Свети Климент Охридски бр. 68 – Скопје).

На 21 Февруари 2019 година во седиштето на Европската Комисија во Брисел, Претседателот на Советот на Експерти на Агенцијата за Супервизија на Осигурување г-нот Климе Попоски  оствари средба со г-нот Kyriacos Charalambous, член на Кабинетот на Комисионерот Јоханес Хан.

Целта на работната средба претставуваа прашања за регионален развој на осигурителниот сектор во земјите од Западен Балкан. Земјите од Западен Балкан имаат најнизок степен на развој на осигурувањето во споредба со просекот на земјите од ЕУ, меѓутоа во последните 10 години покажуваат повисоки стапки на раст од просечните стапки на пораст во ЕУ регионот. Големиот потенцијал за иден развој, потребата од зајакнување на поголема регионална соработка помеѓу земјите на Западен Балкан во реализација на регионални проекти за подршка на растот на осигурителниот сектор, како и усогласување со законодавтството на ЕУ во областа на осигурувањето беа предмет на дискусија. Беше разговарано за потребата од поинтензивна регионална соработка и заеднички активности и мерки за унапредување на осигурителната индустрија во регионот на Западен Балкан, како и за можноста истите да бидат разгледани во рамките на иницијативата за Регионална Економска Област, како составен дел од Советот за Регионална Соработка и Берлинскиот процес.

Агенцијата за супервизија на осигурување (AСО) во соработка со SC XPRIMM International SRL, од Букурешт Романија, врз основа на минатогодишното позитивно искуство одлучи и оваа година да организира регионална актуарска конференција. На тој начин, истовремено се работи на реализирање на интенцијата оваа конференција да прерасне во редовна годишна конференција.

Конференцијата ќе се одржи на 28 февруари 2019 година, во хотелот Мериот, Скопје со почеток во 9:30 часот и ќе биде посветена на концептот на сеопфатно осигурување (engl: Inclusive insurance), кој подразбира пристап и користење на соодветни и прифатливи осигурителни производи за недоволно пристапни клиенти, со посебен акцент на ранливите категории на граѓани, а пред сѐ луѓето со ниски приходи. Сеопфатното осигурување подразбира користење на едноставни осигурителни производи кои поттикнуваат доверба и транспарентност во осигурување, најчесто со пониски осигурени суми и иновативни методи за дистрибуција.

Таргет групата на посетители на конференцијата не се само актуарите, туку и поширок спектар на учесници од осигурителната заедница, претставници од пензиските друштва и креаторите на економските политики во земјата и странство од причина што работата на актуарите станува сé покомплексна и треба да има централно место во организационата поставеност друштвата за осигурување.

SC XPRIMM International SRL во изминатиот период се промовираше како квалитетна институција која го следи развојот и трендовите на осигурувањето, со посебен акцент на земјите од Централна, Источна и Југоисточна Европа, и земјите од Заедницата на Независни Држави (ЗНД) со тоа што за сите земји објавува редовни известувања со настани од осигурителниот сектор, проследени со редовни тромесечни статистики и годишни профили на земји.

Повеќе детали за конференцијата се достапни на следниов линк

http://www.internationalinsuranceforum.com/actuarial/

Во врска со Соопштението за спроведување на обука и стручен испит за вршење работи на застапување во осигурување објавено на ден 26.2.2019 година, Ве информираме дека заклучно со денешниот ден – 01.3.2019 година (15 часот) пополнети се капацитетите за учество на обуката и стручниот испит.

Поради горенаведеното, Пријавите/барањата за учество на обука и полагање на стручен испит за застапник кои ќе бидат доставени по пополнување на максималниот можен број на кандидати, нема да бидат земени во предвид.

Aгенцијата за супервизија на осигурување ја информира јавноста дека ќе организира обука и стручен испит за вршење осигурително брокерски работи (во понатамошниот текст: обука и стручен испит за брокер).

Обуката за брокер во времетраење од 4 дена (вкупно 27 наставни часа) ќе се спроведе во периодот 21-23.3.2019 и 30.3.2019 година во просториите на “Европски универзитет” кој се наоѓа на Бул. “Климент Охридски” бр. 68 во Скопје.

По завршување на обуката, Агенцијата ќе спроведе стручен испит за брокер.

повеќе..

Пријава за брокер

Агенцијата за супервизија на осигурување ги известува сите заинтересирани лица дека ќе организира обука и полагање на стручен испит за вршење на работи на застапување во осигурување (во понатамошниот текст: обука и стручен испит за застапник).

Обуката за полагање на стручен испит за застапник во времетраење од 3 дена (вкупно 18 наставни часа) ќе се спроведе во периодот 21 – 23.3.2019 година во просториите на “Европски универзитет” кој се наоѓа на бул. “Климент Охридски” бр. 68 во Скопје.

По завршување на обуката, Агенцијата ќе спроведе стручен испит за застапник.

повеќе..

Пријава за застапник