Соопштенија

Во врска со донесената Одлука на Владата на Република Македонија, поради спроведување на акцијата “Ден на дрвото – засади ја својата иднина“. 03.12.2014 година (среда), е неработен ден за граѓаните на Република Македонија.

Агенцијата за супервизија на осигурување ги известува сите пријавени кандидати дека поправниот испит за застапници во осигурување односно осигурителни брокери се презакажува за следниот работен ден  04.12.2014 година , во 15:30 часот, во просториите на Европски Универзитет.

Пријавите за поправен испит освен по пошта може да се достават и по електронски пат,  на адреса armin.ukikj@aso.mk најдоцна до 02.12.2014 година.

Кандидатите кои ќе го полагаат испитот, потребно е да бидат во просториите на Европски Универзитет најдоцна до 15:00 часот.

Пријавата за поправен испит  за застапници во осигурување можете да ја симнете тука.
Пријавата за поправен испит за осигурителни брокери можете да ја симнете тука.

Согласно Одлука за утврдување на условите и начинот на доделување на награда за истражувачки труд од областа на управување со ризици и осигурување во Р. Македонија (бр./02-454/5 од 27.05.2014), Агенцијата за супервизија на осигурување распиша Конкурс за избор на најдобар  истражувачки труд од областа на управување со ризици и осигурување во Република Македонија за 2014 година.

Критериумите за учество на Конкурсот, работата на Комисијата и целата постапка се предвидени со Упатството за спроведување на Конкурс за годишна награда за млад истражувач за најдобар труд од областа на управување со ризици и осигурување во Република Македонија (бр./02-370/4 од 29.03.2014 и бр.02-454/5 од 27.05.2014   27.05.2014).

Со Решение за именување на членови на Комисија за избор на најдобар  истражувачки труд од областа на управување со ризици и осигурување во Република Македонија за 2014 година (бр.02-454/6 од 27.05.2014) се именуваат 5 членови, и тоа:

• за надворешни членови:

1. д-р Силвана Мојсовска;
2. д-р Лилјана Баткоска;
3. д-р Лидија Симонческа; и
4. д-р Софроние Миладиновски.

• за претставник на Агенцијата за супервизија на осигурување:

1. м-р Дарко Блажевски

На Конкурсот за избор на најдобар  истражувачки труд од областа на управување со ризици и осигурување во Република Македонија за 2014 година се пријавија 5 учесници

Комисијата утврди дека трудовите се доставени во предвидениот рок до 30.09.2012 година. Согласно доставените биографски податоци, сите кандидати ги исполнуваат условите од Конкурсот во однос на пропишаните услови за возраста (до 35 години) и образованието (да не се доктори на науки). Сите поднесени трудови се самостојни трудови, напишани на македонски јазик.

Со оглед дека се поднесени повеќе од 3 истражувачки трудови, Конкурсот се смета за успешен.

Сите членови на комисијата поднесоа индивидуални извештаи, при што кај сите членови на комисијата експлицитно беше како предлог за доделување награда трудот на м-р Благица Петрески.

Врз основа на предлогот на комисијата, Советот на експерти на Агенцијата за супервизија на осигурување го прогласи трудот на м-р Благица Петрески за победник на Конкурсот за избор на најдобар  истражувачки труд од областа на управување со ризици и осигурување во Република Македонија за 2014 година.

Трудот на м-р Благица Петрески обработува тема поврзана ризиците по стабилноста на македонскиот осигурителен сектор и потребата од квантифицирање на отпорноста на шокови. Авторот ги истражува двете групи на ризици по стабилноста на осигурителниот сектор: преземени ризици на индивидуални компании и пазарни или економски ризици. Во трудот прецизно се појаснува методолошката рамка на фазите на истражување. При тоа, најпрво се елаборира за осигурителниот сектор во Р. Македонија, неговото учество во финансискиот систем, динамичниот развој и предизвиците за хармонизирање на домашната регулатива и супервизија на осигурувањето со регулативата и праксата на Европската Унија. Трудот можете да го најдете тука.

Согласно Одлуката бр. 0201-604/4 од 23.09.2014 година за неспроведување на обука и стручен испит потребен за добивање дозвола за работа како овластен актуар (2014-2016 година) донесена од Советот на експерти на Агенцијата за супервизија на осигурување на седница одржана на ден 23.09.2014 година, Агенцијата за супервизија на осигурување ве известува дека заради недоволен интерес нема да спроведе обука и стручен испит потребен за добивање на дозвола за овластен актуар (2014-2016 година).

Агенцијата за супервизија на осигурување ги известува сите заинтересирани кандидати дека испитот за застапници во осигурување односно осигурителни брокери ќе се одржи на ден 07.11.2014 година, во 15:30 часот, во просториите на Европски Универзитет.

Кандидатите кои ќе го полагаат испитот, потребно е да бидат во просториите на Европски Универзитет најдоцна до 15:00 часот.

Во рамки на своите програмски определби за развој на пазарот на осигурување во Р. Македонија, АСО предвиде промовирање на доброто корпоративно управување кај друштвата за осигурување во Р. Македонија, со цел да го продолжи позитивното искуство на финансискиот сектор во земјата во промовирањето на добрата пракса на корпоративното управување.

По добиената поддршка од Меѓународната финансиска корпорација (IFC), институција која има долгогодишно искуство во промовирањето на добрата пракса на корпоративното управување, АСО започна соработка со Институтот на директори (МИОД) – партнерска институција на IFC во Р. Македонија, која резултираше со организирање на обука за корпоративно управување за претставници на друштвата за осигурување.

Обуката се состои од 8 модули од програмата за обука за корпоративно управување на IFC кои на учесникот ќе му овозможат запознавање со основите начела на доброто корпоративно управување.

Првиот дел од обуката се одржа на 13 и 14 октомври 2014 година во х. Александар Палас, Скопје. На започнувањето на обуката на учесниците со воведно обраќање се обрати г. Климе Попоски, претседателот на Советот на експерти на АСО. Во своето излагање г. Попоски се осврна на придобивките од примената на добрите практики на корпоративно управување кај друштвата за осигурување.

На овој дел обуката беа обработени следниве модули:

Модул 1: Вовед во корпоративното управување
Модул 2: Бизнис случај за корпоративно управување
Модул 3: Обелоденување и транспарентност
Модул 4: Улога на одборите на директорите, задачи и одговорности на директорите
Вториот дел од обуката ќе се одржи на 27 и 28 октомври 2014 година во х. Метропол, Охрид

Модул 5: Практики на одборите на директори
Модул 6: Управување со ризикот
Модул 7: Финансиски надзор
Модул 8: Контролно опкружување
По завршувањето на обука за корпоративно управување, учесниците ќе се стекнат со сертификат (ниво 1) од областа на корпоративното управување. Сертификатите на учесниците ќе им бидат доделени на свечениот настан посветен на одбележување на Денот на Осигурувањето.

Исто така, во подготовка е водич за корпоративно управување со наслов „Насоки за воведување на добри практики на корпоративно управување во друштвата за осигурување во Р. Македонија”, кој ќе биде промовиран на одбележувањето на Денот на осигурувањето – 1 ноември 2014 година.

На 1 и 2 октомври, 2014 година, во Белград се одржа Втората регионална конференција на Европа РЕ ”Нова генерација на осигурителни решенија”.

На конференцијата учествуваа преку педесет претставници од различни институции кои се од важност за осигурителната индустрија. Меѓу присутните беа високи државни претставници и регулатори за осигурителниот пазар од Македонија, Србија и Албанија, претставници на друштвата за осигурување и технолошки компании за мапирање на ризици, како и претставници од Светската банка, UNISDR (Секретаријат во рамките на ООН за меѓународна стратегија за намалување на катастрофите), Државниот секретаријат за економски прашања на Швајцарија.

На конференцијата беше објаснет бизнис моделот, користите и придобивките на Европа Ре, состојбата на пазарите за осигурување од невреме и катастрофални ризици во Југоисточна Европа, како и можноста за зголемување на побарувачката за осигурување од невреме и катастрофални ризици – перспективи на осигурителниот сектор. Исто така, беа промовирани и иновативни осигурителни производи – осигурување од земјотрес, комбинирано осигурување од земјотрес и поплава и земјоделско осигурување, кои ќе бидат понудени на пазарот преку локалните друштва за осигурување.

Повеќе детали за конференцијата достапни се на интернет страницата: http://www.europaresric.com/.

Конкурс ЗА ДЕЦА И МЛАДИ

ВО

прва категорија на тема: ШТЕДЕЊЕ

втора категорија на тема: ОСИГУРУВАЊЕ

по повод Светскиот ден на штедењето – 31 октомври

Народната банка на Република Македонија и Агенцијата за супервизија на осигурување објавуваат конкурс за деца и млади од основното и средното образование.

Учесниците на конкурсот треба да испратат:
–        ликовна творба за учесниците од основното образование; и
–        литературна творба – поезија за учесниците од средното образование,

на зададените теми: „И ЈАС УМЕАМ ДА ШТЕДАМ“ или „ШТО ЗНАЧИ ЗА МЕНЕ ОСИГУРУВАЊЕТО НА ДОМОТ И СЕМЕЈСТВОТО“.

Крајниот рок за поднесување на творбите е 24 октомври 2014 година.

Творбите, со личните податоци (име и презиме, одделение/година/клас, училиште, адреса на живеење, град и телефонски број) задолжително се испраќаат во еден примерок на следнава адреса:

За конкурсот во прва категорија (ликовна творба – основно образование и литературна творба – средно образование), на тема:

„И ЈАС УМЕАМ ДА ШТЕДАМ“
Народна банка на Република Македонија
бул. „Кузман Јосифовски-Питу“ бр. 1,1000 Скопје

За конкурсот во втора категорија (ликовна творба – основно образование и литературна творба – средно образование), на тема:

„ШТО ЗНАЧИ ЗА МЕНЕ ОСИГУРУВАЊЕТО НА ДОМОТ И СЕМЕЈСТВОТО“
Народна банка на Република Македонија
бул. „Кузман Јосифовски-Питу“ бр. 1,1000 Скопје

За избраните најдобри творби, на учесниците ќе им бидат доделени 12 награди, и тоа:
–        по три награди за најдобар цртеж во двете категории и
–        по три награди за најдобра песна во двете категории.

На авторите на најуспешните творби ќе им биде доделена парична награда во износ од 3.000 денари со депонирање на паричниот влог во банка по нивен избор.

Доделувањето на наградите ќе се изврши на 31 октомври 2014 година (петок) во просториите на Агенцијата за супервизија на осигурување. За подетаљни информации ве молиме обратете се на електронската пошта: contact@aso.mk и на електронската пошта:info@nbrm.mk

Почитувани,

Ве известуваме дека согласно Планот за работа на Агенцијата за 2014 година, Агенцијата донесе Одлука за спроведување на обука и испит за проверка на стручната подготвеност  за вршење работи на застапување и осигурително брокерски работи.

Обуката за вршење работи на застапување во осигурување ќе се спроведе во периодот од 08-10.10.2014 година, а обуката за осигурителни брокерски работи ќе се спроведе во периодот од 08-10.10.2014 година и 18.10.2014 година во просториите на Европски универзитет. Наставната програма за полагање на испитот за проверка на стручната подготвеност потребна за вршење осигурително брокерски работи и работи на застапување во осигурување,  точните термини како и деталниот распоред на предавањата ќе биде објавен на интернет страницата на  Агенцијата за супервизија на осигурување пред отпочнување на обуката.

Врз основа на горенаведеното а со цел навремено информирање, Ве известуваме дека пријавувањето на кандидати за учество на обуката и полагање на испитот  ќе се врши најдоцна до 06.10.2014 година со поднесување на Пријава за учество на обуката до Агенцијата за супервизија на осигурување.

Агенцијата за супервизија на осигурување ги информира сите заинтересирани лица дека со почеток од 3 ноември 2014 година, во времетраење од 2 (две) години, ќе организира обука за актуари по чие посетување и успешно полагање на испитите, кандидатите ќе може да се здобијат со Уверение за успешно положен Стручен испит потребно за добивање дозвола за работа како овластен актуар.

Обуката за актуари се состои од следните предмети:

1. Веројатност и статистика;
2. Финансиска математика;
3. Стохастичко моделирање;
4. Економија;
5. Модели на доживување;
6. Актуарска математика I;
7. Актуарска математика II;
8. Управување со инвестиции и средства;
9. Осигурување на живот;
10. Неживотно осигурување;
11. Социјално и пензиско осигурување;
12. Здравствено осигурување;
13. Сметководство во осигурувањето;
14. Регулатива од областа на осигурувањето;
15. Професионализам и eтика.

Секој учесник на обуката има право да го полага секој од испитите најмногу два пати, по што, доколку не го положи испитот, ќе го изгуби правото да ја продолжи Обуката. Предавањата ќе се одржуваат во текот на една недела по што следува испит по предметот најдоцна еден месец по завршувањето на предавањето од определениот предмет.
Сите заинтересирани кандидати, најдоцна до 15 септември 2014 година, можат да се пријават со поднесување пријава за посетување на обука и полагање на стручен испит за добивање дозвола за работа како овластен актуар во Агенцијата за супервизија на осигурување, на адресата: ул.„Васил Главинов” бр.12, ТЦЦ Плаза, кат 2, Скопје (во архива), секој работен ден од 08:30 до 16:30 часот.
Кон пријавата кандидатите треба да достават:
1. Доказ за завршено високо образование (во оригинал или заверено од нотар);
2. Доказ за платен надомест за учество на обуката и полагање на испитите;
3. Лична карта (пасош – за странски државјани) на увид.

Надоместокот за посетување на обуката и полагање на испитите (за сите 15 предмети задолжително) изнесува 120.000 (сто и дваесет илјади) денари.
Уплатницата за платен надоместок треба да ги содржи следните податоци:
ЦЕЛ НА ДОЗНАКА: Oбука и полагање на стручен испит за актуар
НАЗИВ НА ПРИМАЧОТ:Агенција за супервизија на осигурувањето – Скопје;
БАНКА НА ПРИМАЧОТ: Стопанска банка АД -Скопје;
СМЕТКА: 200002007041251

Доколку, според проценка на Агенцијата, не се пријават доволен број на кандидати за посета на обуката, Агенцијата нема да спроведе стручен испит.
Пријавата за посетување обука и полагање на стручен испит за добивање дозвола за работа како овластен актуар може да се подигне од Агенцијата за супервизија на осигурување или директно да се преземе од интернет страницата на Агенцијата www.aso.mk.
Пред поднесување на горенаведената пријава за посетување на обука и полагање на стручен испит за добивање дозвола за работа како овластен актуар, контактирајте ги следните телефонски броеви: 02 3254-070 и 02 3254-066, за подетални информации во врска со истата.
Повеќе информации за спроведувањето на Стручниот испит и добивањето дозвола за работа како овластен актуар може да најдете на интернет страницата на Агенцијата (www.aso.mk > Регулатива > Подзаконски акти) во следните Правилници:
– Правилник за начинот на спроведување на стручниот испит за добивање на дозвола за работа како овластен актуар (Сл.весник на Р. М. 119/2011),
– Правилник за потребната документација за добивање на дозвола за работа како овластен актуар (Сл.весник на Р.М. 119/2011).

Агенција за супервизија на осигурување