Соопштенија

На 19 декември, 2013 година, во седиштето на Народната банка на Република Македонија, се потпиша Меморандум за соработка помеѓу Народната банка на Република Македонија, Министерството за финансии, Агенцијата за супервизија на осигурување, Агенцијата за супервизија на капитално финансираното пензиско осигурување и Комисијата за хартии од вредност на Република Македонија.

Целта на потпишување на овој Меморандум е институциите надлежни за регулирање на финансиските услуги во Македонија, со заедничка заложба и проектни активности, да го подигнат нивото на финансиска писменост на населението.

Потписниците на Меморандумот се согласија да се формира Координативно тело со претставници од институциите, чија мисија ќе биде да:

покренува иницијативи до надлежните институции за донесување акти кои ќе ја промовираат и развиваат идејата за финансиска едукација на населението во Македонија;
дефинира и да предлага заеднички проектни активности за финансиска едукација;
изработува стратегиски документи;
организира, спроведува и проценува анкетите за нивото на финансиска писменост и нивото на финансиска вклученост на населението во финансискиот систем во Македонија;
организира работни сесии, семинари и други видови обуки и настани;
промовира регионална и интернационална соработка.

Изработката на стратегиските документи ќе се темели врз основа на меѓународно прифатените принципи и стандарди за финансиска едукација на Групацијата 20 најразвиени земји и други мултилатерални институции и организации.

Со реализација на овие активности значително ќе се придонесе за финансиско описменување на населението со што ќе им се помогне на потрошувачите да може да направат правилен избор на финансиски производи,и воедно ќе се придонесе за постабилен и сигурен финансиски систем во државата.

Активностите во рамки на Регионалниот проект за осигурување на ризик од катастрофи (Europa Reinsurance Facility Ltd.), за кој Агенцијата за супервизија на осигурување (АСО) е назначена како имплементатор, продолжуваат и понатаму. Во рамки на Проектот, се предлага воведување на нов концепт на земјоделско осигурување.   За таа цел, на 18.11.2013 година, се одржа презентација од страна на тимот на Europa Re и г.Чарлс Стутли, консултант за земјоделско осигурување пред претставници на друштвата за осигурување кои вршат продажба на полиси за земјоделско осигурување и пред вработените на АСО.

Во презентацијата беа објаснети карактеристиките на три типови осигурување во земјоделството, и тоа на 1. земјоделско осигурување од еден ризик (Named Peril Crop Insurance), 2. земјоделско осигурување од повеќе ризици (Multi Peril Crop Insurance) и 3. индексирано осигурување на остварените приноси во одредена област (Area Yield Index Insurance-AYII).  Особено внимание беше посветено на третиот тип на осигурување (AYII) со кој ќе се овозможи подобра заштита на приносите на земјоделското производство со обезбедено покритие од сите ризици.

Агенцијата за супервизија на осигурување ги информира сите заинтересирани лица дека со почеток од 1 ноември 2013 година, во времетраење од 2 (две) години, ќе организира обука за актуари по чие посетување и успешно полагање на испитите, кандидатите ќе може да се здобијат со Уверение за успешно положен Стручен испит потребено за добивање дозвола за работа како овластен актуар.

Обуката за актуари се состои од следните предмети:

1. Веројатност и статистика;
2. Финансиска математика;
3. Стохастичко моделирање;
4. Економија;
5. Модели на доживување;
6. Актуарска математика I;
7. Актуарска математика II;
8. Управување со инвестиции и средства;
9. Осигурување на живот;
10. Неживотно осигурување;
11. Социјално и пензиско осигурување;
12. Здравствено осигурување;
13. Сметководство во осигурувањето;
14. Регулатива од областа на осигурувањето;
15. Професионализам и eтика.

Секој учесник на обуката има право да го полага секој од испитите најмногу два пати, по што, доколку не го положи испитот, ќе го изгуби правото да ја продолжи Обуката. Предавањата ќе се одржуваат во текот на една недела по што следува испит по предметот најдоцна еден месец по завршувањето на предавањето од определениот предмет.

Надоместокот за посетување на обуката и полагање на испитите (за сите 15 предмети задолжително) изнесува 120.000 (сто и дваесет илјади) денари.

Уплатницата за платен надоместок треба да ги содржи следните податоци:

ЦЕЛ НА ДОЗНАКА:          Обука и полагање на стручен испит за актуар

НАЗИВ НА ПРИМАЧОТ: Агенција за супервизија на осигурувањето  – Скопје;

БАНКА НА ПРИМАЧОТ: Стопанска банка АД -Скопје;

СМЕТКА:                            200002007041251

Агенцијата за супервизија на осигурување  ги информира сите заинтересирани лица дека во период од 19-21.09.2013 година и во период од 26-28.09.2013 година, ќе организира обука за Застапници во осигурување по чие посетување и успешно полагање на испитите, кандидатите ќе може да се здобијат со Уверение за успешно положен Стручен испит потребен за добивање лиценца за Застапник во осигурување.

Сите заинтересирани кандидати, заклучно со 13-ти септември (петок) 2013 година, можат да се пријават со поднесување Пријава за учество на обука и полагање на испит за проверка на стручната подготвеност потребна за вршење работи на застапување во осигурување во Агенцијата за супервизија на осигурување, на адресата: ул. ,, Васил Главинов” бр. 12, ТЦЦ Плаза, кат 2, Скопје (во архива), секој работен ден од 08:30 до 16:30 часот.

Кон Пријавата кандидатите треба да достават:

• Лична карта (пасош – за странски државјани) на увид
• Доказ за завршено средно образование (IV степен) или повисок степен на образование во оригинал или заверено на нотар

Пријавата за учество на обука и полагање на испит за проверка на стручната подготвеност потребна за вршење работи на застапување во осигурување може да ја превземете тука

К   О   Н   К   У   Р   С 

за годишна награда за млади истражувачи за најдобар труд од областа на управување со ризици и осигурување во Република Македонија за 2013 година

Врз основа на член 158-б точка 8) од Законот за супервизија на осигурување – пречистен текст (“Службен весник на Република Македонија” бр. 30/2012), Одлука на Уставен суд бр.  202/2011 (“Службен весник на РМ” бр.  45/2012), Одлука на Уставен суд бр. 130/2011 (“Службен весник на РМ” бр. 60/2012)  и Одлука на Уставен суд бр. 122/2011 (“Службен весник на РМ” бр. 64/2012), а во врска со член 13  од Статутот на Агенција за супервизија на осигурување, Советот на експерти на Агенцијата за супервизија на осигурување, на седницата одржана на 29.03.2013 година донесе Одлука за спроведување на Конкурс за годишна награда за млад истражувач за најдобар труд од областа на управување со ризици и осигурување во Република Македонија.

За членови на Комисијата за избор на најдобар истражувачки труд се именувани:

1. д-р Силвана Мојсовска;
2. д-р Лилјана Баткоска;
3. д-р Лидија Симонческа;
4. д-р Софроние Миладиновски
5. м-р Дарко Блажевски

• Конкурс за годишна награда за млади истражувачи

Агенцијата за супервизија на осигурување на Република Македонија во периодот од 8-10 мај, 2012 година ќе биде домаќин на Регионалниот семинар за осигурителни регулаторни тела од Централна и Источна Европа и Централна Азија, под наслов “Макропруденцијална и групна супервизија”

Овој исклучителен настан е организиран во соработка со Финасискиот институт за стабилност (FSI) со седиште во Базел, Швајцарија и Меѓународната Асоцијација на осигурителни супервизори (IAIS). Семинарот ќе опфати теми од областа на управување со финасиската стабилност и ризиците вклучувајќи ја и соработката меѓу регулаторните органи. За повеќе информации во врска со програмата Ве молиме кликнете овде

К   О   Н   К   У   Р   С 

за годишна награда за млади истражувачи за најдобар труд од областа на управување со ризици и осигурување во Република Македонија за 2012 година

• Конкурс за годишна награда за млади истражувачи

На 13-ти март, 2012 година, во Брисел, членовите на Советот на експерти на Агенцијата за супервизија на осигурување остварија работна средба со г. Карл Ван Хуле, раководител на единицата за осигурување и пензиско осигурување која е составен дел на Директоратот за внатрешен пазар и услуги во рамки на Европската Комисија.

Претставниците на Агенцијата го запознаа г. Ван Хуле со постојната законска регулатива во Република Македонија и исто така, се разговараше за новиот режим на Солвентност 2 во областа на осигурувањето и предизвиците кои ги носи овој режим. Во контекст на ова, претставникот беше информиран дека е формирана и работна група со претставници од Агенцијата, Министерството за финасии како носител на законската регулатива и стручни лица од осигурителната индустрија, со цел носење на ново законско решение согласно барањата на режимот Солвентност 2. Една од точките на агендата беше и заштитата на осигурениците и корисниците на осигурителни производи и услуги односно кои активности Агенцијата ги презема во овој сегмент, но и исто така, се разговараше и за искуството на земјите членки на ЕУ.