Pas reagimeve nga policëmbajtësit të cilët morën njoftim nga Euroins Osiguruvanje SHA Shkup në lidhje me policat e sigurimit të lidhura me ndërmjetësimin e Shoqërisë të Brokerimit në Sigurime SN Osiguritelen Broker SHA Manastir – në procedurë falimentimi, Agjencia e Mbikëqyrjes së Sigurimeve kërkoi sqarime shtesë nga Shoqëria dhe dha udhëzime për informacion të duhur, të saktë dhe të plotë për policëmbajtësit, me qëllim mbrojtjen e interesave të tyre në përputhje me rregulloret ligjore në fuqi.
Duke vepruar sipas udhëzimeve të Agjencisë, shoqëria publikoi në faqen e saj të internetit më 6.10.2026 një deklaratë “NJOFITIM PËR OPINIONIN PËR KËRKESAT NË PROCEDURAT E FALIMENTIMIT NGA SN OSIGURITELEN BROKER SHA Manastir – në falimentim”.
Në Njoftim, Euroins Osiguruvanje SHA Shkup shpreh keqardhjen e saj nëse shkresat e paraqitura kanë shkaktuar keqkuptime ose shqetësim nga ana e të siguruarve në lidhje me qëllimin dhe kuptimin e njoftimeve, sqaron qëllimin e letrave të paraqitura dhe thekson se njoftimet nuk përbëjnë një kërkesë për pagesë, një kujtesë për pagesë ose një bazë për ndërmarrjen e veprimeve për arkëtim të detyruar kundër të siguruarit, por qëllimi i njoftimeve të paraqitura është të sigurojnë informacione dhe prova për nevojat e një procedure gjyqësore që Shoqëria po zhvillon në lidhje me kërkesat që Shoqëria ka kundër Shoqërisë të Brokerimit në Sigurime SN Osiguriterlen Broker SHA Manastir në procedurë falimentimi.
Agjencia e Mbikëqyrjes së Sigurimeve po e monitoron nga afër situatën dhe në kuadër të kompetencave të saj ligjore, po ndërmerr aktivitete të përshtatshme për të mbrojtur të drejtat dhe interesat e të siguruarve.
Agjencia e Mbikëqyrjes së Sigurimeve