Raporte

Në bazë të Vendimit për shpalljen e Konkursit për nxënësit e arsimit fillor dhe të mesëm, me rastin e Ditës së Sigurimeve – 1 Nëntorit, Agjencia e Mbikëqyrjes së Sigurimeve shpall

KONKURS PËR NXËNËSIT E ARSIMIT FILLOR DHE TË MESËM

me rastin e Ditës së Sigurimeve – 1 Nëntorit

TEMAT DHE KUSHTET E KONKURSIT PËR NXËNËSIT E ARSIMIT FILLOR

Nxënësit nga klasa e 1-rë deri në klasën e 5-të mund të dërgojnë një punim artistik (vizatim/vizatim digjital), me temën:

“Si kujdesemi për atë që është e rëndësishme për ne”

Shpjegim: Përmes vizatimit, nxënësit të tregojnë se çfarë është e rëndësishme për ta në jetë dhe si mund të mbrohemi nga rreziqe të ndryshme dhe ngjarje të papritura. Vizatimi mund të paraqesë rolin e sigurimit në ofrimin e sigurisë dhe mbrojtjes së familjes, shtëpisë, shëndetit, kafshëve shtëpiake ose vlerave të tjera që kanë rëndësi për ne.

Nxënësit nga klasa e 6-të deri në klasën e 9-të mund të dërgojnë një punim letrar (poezi), me temën:

“Të përgjegjshëm sot, më të sigurt nesër”

Shpjegim: Përmes poezisë, nxënësit të shprehin vizionin e tyre për përgjegjësinë, edukimin financiar dhe rëndësinë e sigurimit në mbrojtjen nga rreziqet dhe krijimin e një të ardhmeje më të sigurt.

Për punimet më të mira të përzgjedhura të nxënësve të arsimit fillor do të ndahen gjithsej 6 çmime:

– 3 çmime për punimin më të mirë artistik (vizatim/vizatim digjital), për nxënësit nga klasa e 1-rë deri në klasën e 5-të;

– 3 çmime për punimin më të mirë letrar (poezi), për nxënësit nga klasa e 6-të deri në klasën e 9-të;

Nxënësve të arsimit fillor që do të marrin çmime  do t’u ndahet shpërblim në para në shumë prej 5.000,00 denarësh, i cili do të paguhet në një llogari pagese në bankë sipas zgjedhjes së tyre.

Dëshironi të mësoni më shumë për edukimin financiar dhe sigurimet? Hulumtoni përmbajtjet informative-edukative në faqen e internetit të Agjencisë së Mbikëqyrjes së Sigurimeve, www.edukacija.aso.mk, dhe gjeni frymëzim për punimin tuaj.www.edukacija.aso.mk

TEMAT DHE KUSHTET E KONKURSIT PËR NXËNËSIT E ARSIMIT TË MESËM

Nxënësit e arsimit të mesëm mund të dërgojnë një punim letrar (tregim/ese) me temën:

“Edukimi financiar si aftësi jetësore: Roli i sigurimit”

Shpjegim: Përmes esesë/tregimit, nxënësit të shpjegojnë se si sigurimi ndihmon në menaxhimin e rreziqeve, siguron siguri financiare dhe kontribuon në stabilitetin e individit dhe të shoqërisë.

Tregimi/eseja duhet të ketë më së shumti 1.800 fjalë. Përmes tregimit/esesë, nxënësit të shprehin qëndrimin dhe mendimin e tyre personal për rëndësinë e edukimit financiar dhe rolin e sigurimit në mbrojtjen nga rreziqet. Në punim mund të përfshijnë njohuritë dhe përvojat e tyre lidhur me sigurimin; punimi mund të bazohet në një situatë reale ose të trilluar jetësore, përmes së cilës do të paraqiten rëndësia e sigurimit, marrja e vendimeve për posedimin e një police sigurimi, nevoja për edukim financiar, si dhe qëndrimet dhe shprehitë familjare të të rinjve ndaj sigurimit.

Tre nxënësve të arsimit të mesëm që do të marrin çmime do t’u ndahet shpërblim në para në shumë prej 8.000 denarësh për secilin, i cili do të paguhet në një llogari pagese në bankë sipas zgjedhjes së tyre.

Dëshironi të mësoni më shumë për edukimin financiar dhe sigurimet? Hulumtoni përmbajtjet informative-edukative në faqen e internetit të Agjencisë së Mbikëqyrjes së Sigurimeve, www.edukacija.aso.mk, dhe gjeni frymëzim për punimin tuaj.www.edukacija.aso.mk

KUSHTET E PËRBASHKËTA QË VLEJNË PËR NXËNËSIT E ARSIMIT FILLOR DHE TË MESËM:

Afati i fundit për dorëzimin e punimeve është 16 tetor (e premte) 2026.

Ju lutemi t’i nënshkruani punimet, duke i shënuar detyrimisht të dhënat e mëposhtme:

• Emri dhe mbiemri i nxënësit,
• Emri i shkollës ku nxënësi ndjek mësimin (klasa/viti/komuna/fshati/qyteti),
• Emri dhe mbiemri i prindit/kujdestarit, me adresën e banimit, dhe
• Numri i telefonit dhe adresa elektronike për kontakt  i prindit/kujdestarit /mësuesit/profesorit

MËNYRA E DORËZIMIT TË PUNIMEVE:

Punimet artistike:

– vizatimi duhet të dorëzohet vetëm në arkivin e Agjencisë së Mbikëqyrjes së Sigurimeve ose përmes postës së rregullt,

– vizatimi digjital duhet të dërgohet vetëm në adresën elektronike edukacija@aso.mk.edukacija@aso.mk

Punimet letrare (poezi, tregim/ese) mund të dorëzohen:

• në arkivin e Agjencisë së Mbikëqyrjes së Sigurimeve,
• përmes postës së rregullt ose
• në adresën elektronike: edukacija@aso.mk

Adresa për dorëzim përmes postës me shënimin:

“Për konkursin me rastin e Ditës së Sigurimeve – 1 Nëntorit”

Agjencia e Mbikëqyrjes së Sigurimeve

Rr. Maqedonia nr. 25, Pallati Llazar Pop Trajkov, kati 5, 1000 Shkup

Punimet e pranuara do të shqyrtohen dhe vlerësohen nga një Komision profesional për përzgjedhjen e punimit më të mirë artistik – vizatim/vizatim digjital, punimit më të mirë letrar – poezi, për nxënësit e arsimit fillor, dhe punimit më të mirë letrar – tregim/ese, për nxënësit e arsimit të mesëm.

Lista e nxënësve të shpërblyer do të publikohet brenda datës 30 tetor (e premte) 2026, në faqen e internetit të Agjencisë së Mbikëqyrjes së Sigurimeve www.aso.mk dhe në faqen edukative të internetit https://edukacija.aso.mk; www.aso.mk; https://edukacija.aso.mk/

Për informacione më të hollësishme lidhur me Konkursin, ju lutemi drejtohuni në adresën elektronike të Agjencisë së Mbikëqyrjes së Sigurimeve edukacija@aso.mk; edukacija@aso.mk

Agjencia e Mbikëqyrjes së Sigurimeve e organizon këtë konkurs që nga viti 2018, me qëllim të ngritjes së ndërgjegjësimit të të rinjve për edukimin financiar, rolin e sigurimit dhe rëndësinë e menaxhimit të përgjegjshëm të rreziqeve. Përmes shprehjes krijuese, konkursi kontribuon në mbështetjen dhe plotësimin e arsimit formal, duke i nxitur nxënësit të fitojnë njohuri dhe aftësi të rëndësishme për marrjen e vendimeve të informuara në jetën e përditshme.