unet

Во периодот од 11-12 април, во Братислава, Република Словачка, се одржa Конференција за синергијата помеѓу осигурувањето на живот и пензиското осигурување, во организација на Меѓународната асоцијација на осигурителни супервизори (IAIS), Меѓународната организација на пензиски супервизори (IOPS), Организацијата за економска соработка и развој (OECD) и Народна банка на Република Словачка (NBS). Целта на настанот е да се согледа важноста на акумулирањето и управувањето на средствата и обврските на начин кој ќе обезбеди поддршка за раст и сигурност на приходите од пензија. Претседателот на Советот на експерти, г. Климе Попоски учестуваше со презентација и како учесник на панел на кој се разговараше за пристапот на регулаторите во однос на третманот на долгорочни финанскски производи во осигурувањето и пензиските фондови, и тоа во друштво со г. Preston Rutledge, асистент на државниот секретар на Департментот за труд на САД, г.Conor Donaldson, Раководител на комитетот за имплементација во Меѓународната асоцијација на осигурителни супервизори, професор Karel Van Hulle од Католичкиот универзитет Лувен, Белгија и почесен професор на Универзитетот Гете во Франкфурт и поранешен раководител при Европска Комисија на одделот за осигурување и г-ѓа Manuela Zweimüller, Директор на одделот за регулатива при Европскиот регулатор за осигурување и пензии (EIOPA).

На панелот се разговараше за сличностите и разликите помеѓу регулаторниот третман на долгорочните производи во осигурителниот и пензискиот сектор, како и за трендовите во осигурување и пензии, при тоа идентификувајќи неколку заеднички и фундаментални предизвици.

При тоа, Претседателот на Совет на експерти на Агенцијата за супервизија на осигурување г. Климе Попоски ги истакна позитивните резултати во развојот на осигурувањето на живот во последната деценија, кои бележат најголем кумулативен раст од 455% и просечен годишен раст од 21% помеѓу земјите од Југоисточна Европа. „Ефективна, ефикасна и независна супервизија која ги имплементира во своето работење меѓународните регулаторни принципи пропишани од страна на Меѓународната асоцијација на осигурителни супервизори, хармонизирање се европските осигурителни директиви, активностите на финансика едукација, како и поволниот макроекономски амбиент, монетарна и финансиска стабилност и силно присуство на осигурителни групации од ЕУ во нашата земја, претставуваат клучни фактори за постигнатите резултати“, посочи Попоски во својата презентација.

Денес се одржа традиционалниот Меѓународен форум за имотно осигурување со учество на претставници од Европските регулаторни тела за осигурување, претставници од осигурителната индустрија, консултантски фирми и носители на политики за справување со финансиски загуби како последица од катастрофални настани. Целта на настанот е да се согледа влијанието и отпорноста на општествата на климатските ризици и сајбер ризиците.

Претседателот на Советот на експерти, г. Климе Попоски беше дел од панелот на кој се разговараше за зајакнување на отпорноста кон климатските ризици преку зголемување на осигурителното покритие, и тоа во друштво со Извршниот директор на Осигурителниот пул за осигурување од природни непогоди на Романија г-ѓа Nicoleta Radu и Директорот на Шпанскиот конзорциум за осигурително покритие г. Alejandro Izuzquiza Ibáñez de Aldecoa.

При тоа, Претседателот на Совет на експерти на Агенцијата за супервизија на осигурување г. Климе Попоски ги истакна позитивните резултати во развојот на имотното осигурување, кое забележа  пораст од 19,68% споредено со 2017 година, посебно акцентирајќи го високиот пораст на земјоделското осигурување, како посебен сегмент од класата на осигурувањето на имот од 65,98%.

Климатските ризици отсекогаш предизвикувале настани со сериозни последици, со огромни материјални и човечки загуби кои често останувале врежани во меморијата. Во последниве децении нивната катастрофална природа стана сè поголема закана за отпорноста на општествата кон ваквиот вид на ризици. „Благодарение на јакнење на свеста кај граѓаните и фирмите за присуство на ризици, активните мерки за субвенционирање од 60% на премијата за земјоделско осигурување, подобрување на услугите на друштвата за осигурување во исплата на штети, како и регулаторната и супервизорската улога на Агенцијата за супервизија на осигурување и активностите за финансиска едукација на населението имаат придонес за високиот раст во нашата земја“, посочи Попоски на панел дискусијата.

Заклучоците за успешен развој на имотното осигурување посебно во сегментот на осигурувњето од катастрофални ризици од Меѓународен форум се: Јавно – приватно партнерство помеѓу Владата, осигурителната индустрија и корисниците на осигурителни услуги, воведување на задолжителни форми на осигурување од катастрофи, регионален пристап во воспоставување на осигуриителни пулови.

Управата за финансиско разузнавање изготви Упатство за вршење на проценка на ризикот од перење пари и финансирање на тероризам согласно член 10 став (7) од ЗСППФТ. Упатството има за цел да им помогне на субјектите во процесот на проценка на ризикот од ПП/ФТ – да ги идентификуваат, проценат, разберат и намалат ризиците од ПП/ФТ.

Ова Упатство може да го користат сите субјекти (финансиски и определени нефинансиски дејности и професии) кои согласно ЗСППФТ се обврзани да ги спроведуваат мерките за СПП/ФТ и да подготват проценка на ризик од ПП/ФТ како составен дел на Програмата за ефикасно намалување и управување со идентификуваниот ризик од перење пари и финансирање на тероризам.

Упатството за вршење на проценка на ризикот од перење пари и финансирање на тероризам е објавено на веб страната на Управата www.ufr.gov.mk, упатство.

На 9 Април во Виена, Австрија, ќе се одржи Меѓународен форум за имотно осигурување “Property Insurance Forum”.  Целта на настанот е да се согледа влијанието и отпорноста на општествата на климатските ризици и сајбер ризиците. Претседателот на Советот на експерти, г-ин Климе Попоски ќе биде дел од панелот на кој ќе се разговара за зајакнување на отпорноста кон климатските ризиците преку зголемување на осигурителното покритие, и тоа во друштво со Извршниот директор на Осигурителниот пул за осигурување од природни непогоди на Романија г-ѓа Nicoleta Radu и Директорот на Шпанскиот конзорциум за осигурително покритие г-ин Alejandro Izuzquiza Ibáñez de Aldecoa.

Климатските ризици отсекогаш предизвикувале настани со сериозни последици, со огромни материјални и човечки загуби кои често останувале врежани во меморијата. Во последниве децении нивната катастрофална природа стана сè поголема закана за отпорноста на општествата кон ваквиот вид на ризици. За разлика од климатските ризици, сајбер-ризиците се ризици кои допрва се појавуваат, но веќе демонстрираат потенцијално катастрофално влијание кое треба подобро да се разбере и процени.

Еден од главните заеднички елементи на климатските ризици и сајбер ризиците се, недоволната подготвеност и преземените активности за нивно ублажување, како и значителниот јаз во однос на покриеноста со осигурувањето. Во двата случаи, осигурителната индустрија може да игра значајна улога не само во покривањето на финансиските загуби, туку и во помагањето на носителите на политиките и другите заинтересирани тела за подобра проценка и управување со ризиците.

На Меѓународниот форум за имотно осигурување ќе се разговара за горенаведените проблеми, исто така фокусирајќи се на улогата што може да ја имаат најновите технологии во помагањето на осигурителната индустријата да се справи со тековните и идните предизвици, на начин на кој што клиентите би биле подобро услужени.

Во периодот од 3-5 април, 2019 година се реализираше првата официјална мисија, во рамки на проектот за техничка помош за финансиска едукација на Организацијата за економска соработка и развој (ОЕЦД) и Министерството за финансии на Холандија, којшто се одвива во седум земји од холандската конституенца при ММФ и Светската банка.

Покрај Агенцијата за супервизија на осигурување, носители на овој петгодишен проект се и Комисијата за хартии од вредност, Министерството за финансии, Народната банка на Република Северна Македонија, и Агенцијата за супервизија на капитално финансирано пензиско осигурување.

Целта на проектот е градење на капацитетите за развој на финансиската едукација, како и изработка на национална стратегија за финансиско едуцирање на населението.

Во рамки на посетата се одржаа две тркалезни маси на кои учествуваа претставници од приватниот сектор и претставните од регулаторните  институции на финансискиот пазар, кои членуваат во Координациското тело на регулаторните институции за финансиска едукација и финансиска инклузија. Претставниците на ОЕЦД  остварија и работни средби со експерти од Министерството за финансии и Министерството за образование и наука, како и со неколку меѓународни организации.

Во претстојниот период, Агенцијата за супервизија на осигурување и другите институции како носители на техничката помош, ќе продолжат  со континуирани активности во рамки на проектот и со заеднички заложби ќе придонесуваат кон градење на капацитетите за развој на финансиската едукација, изработка на национална стратегија за финансиска едукација и поголема инклузија.

Агенцијата за супервизија на осигурување во рамки на својата мисија и визија во континуитет реализира активности од сферата на финансиската едукација и придонесува во градењето на финансиското знаење не само на младата популација туку и на повозрасното население.

Во рамки на Глобалната недела на парите оваа година Агенцијата оствари голем број активности самостојно, и заедно со членките на Координациското тело за финансиска едукација и финансиска инклузивност, за подигнување на свеста од поголема финансиска писменост, а особено со фокус на улогата на осигурувањето и супервизијата.

Просториите на Агенцијата беа отворени за посета на ученици од повеќе основни и средни училишта (Страшо Пинџур-Кочани, Фаик Коница-Гостивар, Св. Климент Охридски- Гевгелија, Христо Узунов-Охрид, Васил Антевски Дрен-Скопје и др.), со што им се овозможи на учениците изворно да се запознааат со надлежностите на Агенцијата и нејзиното работење. Исто така, во рамки на оваа манифестација беше организирана и посета на друштво за осигурување пришто учениците имаа можност да се запознаат со улогата на друштво за осигурување како акционерско друштво и неговото функционирање.

При реализацијата на овие посети, учениците имаа можност да проследат едукативни презентации преку кои стекнуваат поголемо знаење за институциите кои се дел од финансискиот систем на една земја и финансискиоте производи и услуги кои ги нудат.

Агенцијата за супервизија на осигурување согласно задачите во своите програми и понатаму ќе продолжи да реализира активности што значат градење на капацитетот на идните генерациите од кои се очекува да бидат главни носители на економските и финансиските текови во нашата држава.