Соопштенија

Агенцијата за супервизија на осигурување Ве известува дека стручниот испит за осигурителен брокер – теоретски дел ќе се одржи на ден 17.10.2018 година од 13:00до 17:30 часот.

Стручниот испит за осигурителен брокер ќе се спроведува во испитниот центар на Правниот Факултет во Koмпјутерски Центар на Универзитетот “Св. Кирил и Методиј” Скопје.

https://goo.gl/maps/eMcWw3xD2hv – мапата со точна локација на објектот.

Ве потсетуваме дека согласно Решението за исполнување на услови за полагање стручен испит за осигурителен брокер, должни сте преку електронска пошта: armin.ukikj@aso.mk да го пријавите учеството на стручниот испит за осигурителен брокер, во рок од 5 дена од денот на добивање на известувањето. Исто така,  Ве известуваме дека е потребно  да бидете во просториите на Испитниот центар  најдоцна 30 минути пред почетокот на испитот и потребно со себе да носите документ за лична идентификација.

• Список на пријавени кандидати за полагање на стручен испит за вршење на осигурително брокерски работи, просторија бр. 1, од 13:00 – 15:00 часот на 17.10.2018 година.
• Список на пријавени кандидати за полагање на стручен испит за вршење на осигурително брокерски работи, просторија бр. 1, од 15:30 – 17:30 часот на 17.10.2018 година.

Агенцијата за супервизија на осигурување Ве известува дека стручниот испит за застапување во осигурување– теоретски дел ќе се одржи на ден 15.10.2018 година од 09:00 до 16:30 часот.

Стручниот испит за застапување во осигурување ќе се спроведува во испитниот центар на Правниот Факултет во Koмпјутерски Центар на Универзитетот “Св. Кирил и Методиј” Скопје.

https://goo.gl/maps/eMcWw3xD2hv – мапата со точна локација на објектот.

Ве потсетуваме дека согласно Решението за исполнување на услови за полагање стручен испит за застапување во осигурување, должни сте преку електронска пошта:berat.murati@aso.mk да го пријавите учеството на стручниот испит за застапник во осигурување, во рок од 5 дена од денот на добивање на известувањето. Исто така,  Ве известуваме дека е потребно  да бидете во просториите на Испитниот центар  најдоцна 30 минути пред почетокот на испитот и потребно со себе да носите документ за лична идентификација.

• Список на пријавени кандидати за полагање на стручен испит за вршење работи на застапување во осигурување-теоретски  дел, просторија бр. 1, од 09:00 – 16:30 на 15.10.2018 година;

Денес, Агенцијата за супервизија за осигурување (АСО), Министерството за финансии и Народната банка на Република Македонија (НБРМ), го објавија конкурсот за ученици од основното и средното образование, којшто веќе неколку години наназад е заедничка активност по повод одбележувањето на Светскиот ден на штедењето – 31 октомври и Светскиот ден на осигурувањето – 1 ноември. Трите институции коишто заеднички учествуваат во Координациското тело на регулаторните институции во Македонија за финансиска едукација, со овој конкурс имаат за цел да ja поттикнат креативноста, имагинацијата, како и критичкото размислување на учениците при создавањето творби на темите штедење и осигурување. Овие институции на овој начин ќе придонесат за натамошно интересирање и едуцирање на младата популација за овие два клучни сегмента во финансиската сфера.

Крајниот рок за доставување на творбите е 15 октомври 2018 година.

Пристигнатите творби ќе ги разгледуваат и ќе ги оценуваат комисии формирани од претставници на трите институции коишто го распишаа конкурсот. Списокот на наградените ученици, датумот и локацијата на доделувањето на наградите ќе бидат објавени најдоцна до 31 октомври 2018 година, на интернет-страниците на трите институции.

НБРМ, Министерството за финансии и АСО се надеваат дека и оваа година, конкурсот ќе предизвика голем интерес меѓу учениците од основните и средните училишта во Република Македонија и дека дополнително ќе го стимулира стекнувањето и развивањето на навиките за штедење, а воедно ќе придонесе и за подобра упатеност во можностите коишто ги дава осигурувањето. Трите институции ќе продолжат со активностите преку кои ќе се обидуваат да придонесат за соодветно финансиско едуцирање на новите генерации, со што ќе се овозможи зголемување на финансиската писменост на населението во Република Македонија и во иднина.

КОНКУРС

Агенцијата за супервизија на осигурување ги известува сите лица кои се пријавиле за учество на обука и полагање на стручен испит за застапник во осигурување односно учество на обука и полагање стручен испит за осигурителен брокер во септемвриската едукативно испитна сесија, дека согласно принципот прв дојден прв услужен, следните лица кои ги исполнуваат условите за учество на обука и полагање на стручен испит за застапник односно осигурителен брокер, ќе може да ја следат обуката и да полагаат стручен испит во мартовската едукативно испитна сесија:

Список на лица за учество на обука и стручен испит за застапник во осигурување;

Список на лица за учество на обука и стручен испит за осигурителен брокер група1;

Список на лица за учество на обука и стручен испит за осигурителен брокер група2.

Обуката за застапник  во времетраење од 3 дена (вкупно 18 наставни часа) ќе се спроведе во периодот 20, 21 и 29.9.2018 година а обуката за брокер во времетраење од 4 дена (вкупно 27 наставни часа) ќе се спроведе во периодот 20-22.9.2018 година и 29.9.2018 година.

Деталниот распоред на предавањата и списокот на лица за учество на обука и стручен испит за застапник во осигурување односно за осигурителен брокер можете да го најдете на следниот линк:

Распоред на предавања за застапници на осигурување;

Распоред на предавања за осигурителни брокери.

Обуката за застапници односно осигурителни брокери ќе се одржи во просториите на Европски Универзитет (Бул. Свети Климент Охридски бр. 68 – Скопје).

Во врска со Соопштението за спроведување на обука и стручен испит за вршење осигурително брокерски работи објавено на ден 31.8.2018 година, Ве информираме дека заклучно со денешниот ден – 6.9.2018 година (14 часот) пополнети се капацитетите за учество на обуката и стручниот испит за осигурително брокерски работи.

Поради горенаведеното, Пријавите/барањата за учество на обука и полагање на стручен испит за брокер кои ќе бидат доставени по пополнување на максималниот можен број на кандидати, нема да бидат земени предвид.

Во врска со Соопштението за спроведување на обука и стручен испит за вршење работи на застапување во осигурување објавено на ден 31.8.2018 година, Ве информираме дека заклучно со денешниот ден – 5.9.2018 година (12 часот) пополнети се капацитетите за учество на обуката и стручниот испит за вршење работи на застапување во осигурување.

Поради горенаведеното, Пријавите/барањата за учество на обука и полагање на стручен испит за застапник кои ќе бидат доставени по пополнување на максималниот можен број на кандидати, нема да бидат земени предвид.

Агенцијата за супервизија на осигурување ја информира јавноста дека ќе организира обука и стручен испит за вршење осигурително брокерски работи (во понатамошниот текст: обука и стручен испит за брокер).

Обуката за брокер во времетраење од 4 дена (вкупно 27 наставни часа) ќе се спроведе во периодот 20-22.9.2018 и 29.9.2018 година во просториите на “Европски универзитет” кој се наоѓа на Бул. “Климент Охридски” бр.68 во Скопје.

Точните термини и деталниот распоред на предавањата во рамки на обуката како и точните термини и деталниот распоред за одржување на испитот ќе бидат објавени на интернет страницата на Агенцијата за супервизија на осигурување пред отпочнување на обуката односно испитот.

Пријава за брокери

повеќе..

понатамошниот текст: обука и стручен испит за застапник).

Обуката за застапник  во времетраење од 3 дена (вкупно 18 наставни часа) ќе се спроведе во периодот 20-22.9.2018 година во просториите на “Европски универзитет” кој се наоѓа на Бул. “Климент Охридски” бр.68 во Скопје.

Точните термини и деталниот распоред на предавањата во рамки на обуката како и точните термини и деталниот распоред за одржување на испитот ќе бидат објавени на интернет страницата на Агенцијата за супервизија на осигурување пред отпочнување на обуката односно испитот.

Пријава за застапници

повеќе…