unet

На 21 април 2010, Агенцијата за супервизија на осигурување на Македонија потпиша Меморандум за соработка со Агенцијата за супервизија на осигурвање на Црна Гора. Овој документ е во функција на зајакнување и продлабочување на соработката на двата регулаторни органи во областа на супервизија на осигурување. Меморандумот за соработка го потпишаа г. Климе Попоски, претседател на Советот на експерти на Агенцијата од Македонија и г. Владимир Каварич, претседател на Советот на Агенцијата од Црна Гора.

Се очекува преку размена на информации и податоци значително да се придонесе за понатамошен развој на осигурувањето, поголема транспарентност како на домашниот така и на странските пазари и ќе се придонесе кон поголема ефикасност на супервизорската функција.

На  19 април 2009 година, беше организирана  церемонијална средба во просториите на Агенцијата за регулирање на финансискиот пазар во Република Албанија (AFSA),  со цел потпишување на меморандум за соработка меѓу AFSA и Агенцијата за супервизија на осигурување на Република Македонија (ISA).

Меморандумот за соработка е во функција на зајакнување и продлабочување на соработката меѓу двете регулаторни тела со цел да се обезбеди поголема заштита на интересите на осигурениците и корисниците на осигурувањето, зајакнување  на интегритетот, стабилноста и ефикасноста на осигурителната индустрија, и обезбедување соработка која ќе придонесе зголемување на меѓусебното разбирање и размена на информации.

Г-ѓа Елисабета Гјони, претседател на AFSA, во нејзината презентација,  го истакна значењето на меморандумот за соработка во врска со супервизорските активности како алатка во олеснувањето и ефективноста на активностите. Исто така,  и  г.  Климе Попоски, претседател на Советот на експерти на АСО, истакна дека потписувањето на Меморандумот е од исклучителна важност за двете институции особено поради фактот што во Македонија има друштва за осигурување кои се основани со албански капитал.

На церемонијата беа присутни претставници на двете регулаторни тела, висок претставник од Амбасадата на Република Македонија во Тирана, г. Шенол Деваја и претставници на друштвата за осигурување со седиште во Македонија.

На 7 април 2010, Агенцијата за супервизија на осигурување потпиша Меморандум за соработка со Комисијата за хартии од вредност. Овој документ е во функција на зајакнување и продлабочување на соработката на двете институциии во областите кои се предмет на заеднички интерес. Меморандумот за соработка го потпишаа Претседателот на Советот на експерти на Агенцијата за супервизија на осигурување г. Климе Попоски и Претседателот на Комисијата за хартии од вредност г-ѓа Марина Наќева Кавракова.
Се очекува преку размена на информации и податоци значително да се придонесе за понатамошен развој на македонскиот пазар на капитал како и поттикнување и обезбедување транспарентност од страна на учесниците на пазарот. Исто така, на овој начин ќе се зголеми и ефикасноста на супервизорската функција на финансиските пазари во Република Македонија

На 5 март 2010 во просториите на Централната банка на Косово беше потпишан меморандум за соработка помеѓу Агенцијата за супервизија на осигурување на Република Македонија и Централната банка на Република Косово.
Меморандумот за соработка беше потпишан од страна на Претседателот на АСО г. Климе Попоски и Гувернерот на ЦБК г. Хашим Реџепи. На средбата, двајцата истакнаа волја и спремност за понатамошно унапредување на соработката.

Меморандумот за соработка ги содржи главните осигурителни принципи за ефективна супервизија на осигурувањето, во согласност со Меѓународната Асоцијација на Осигурителни Супервизори (IAIS).