ВО ЖИВО: Испит за застапници во осигурување – теоретски дел 7.4.2026
ВО ЖИВО: Испит за застапници во осигурување – теоретски дел 7.4.2026
ВО ЖИВО: Испит за застапници во осигурување – теоретски дел 6.4.2026
ВО ЖИВО – испит за застапници во осигурување, теоретски дел 6.4.2026 година
Преку едукативни активности, Агенцијата за супервизија на осигурување ја зајакнува свеста за потребата од осигурувањето кај младата популација
Агенцијата за супервизија на осигурување продолжува со спроведување на активности насочени кон унапредување на финансиската писменост и подигнување на свеста за значењето на осигурувањето кај младата популација.
Во рамки на овие заложби, беше одржана работилница со ученици од VI-то одделение при ОOУ “Браќа Миладиновци” од Скопје, при што преку интерактивен пристап и реални примери прилагодени на нивната возраст, учениците имаа можност да се запознаат со основните поими на осигурувањето и значењето на потребата од осигурување. Значајна улога има и наставниот кадар со чија посветеност и несебична подршка придонесуваат за успешна реализација на ваквите активности.
Остануваме посветени на континуирано унапредување на финансиската едукација, како важен предуслов за одговорно и информирано однесување на идните генерации.
Седница одржана на 30 Март 2026 година
Седница одржана на 30 март 2026 година
- Записник од 6-та седница на СнЕ на АСО одржана на 6 март, 2026 година;
- Одлука за изрекување мерки на супервизија кон Друштвото за осигурување ЗОИЛ Македонија АД, Битола (извештај бр. 2);
- Одлука за изрекување мерки на супервизија кон Друштвото за осигурување ЗОИЛ Македонија АД, Битола (извештај бр.6);
- Решение за изрекување дополнителни мерки кон Друштвото за осигурување ЗОИЛ Македонија АД Битола (извештај бр.2);
-
Одлука за спроведување на конкурс за годишна награда за млад истражувач од областа на управување со ризици и осигурување во Република Северна Македонија за 2026 година;
-
Решение за именување на членови на комисијата за избор на млад истражувач од областа на управување со ризици и осигурување во Република Северна Македонија за 2026 година;
- Измени и дополнувањата на упатството за спроведување на конкурс за годишна награда за млад истражувач од областа на управување со ризици и осигурување во Република Северна Македонија,
- Одлука за изрекување мерки на супервизија кон Друштвото за осигурување Халк осигурување АД Скопје;
- Решение за изрекување дополнителни мерки кон Друштвото за осигурување Халк осигурување АД Скопје;
- Одлука за изрекување мерки на супервизија кон Акционерското друштво за осигурување Еуролинк Скопје;
- Решение за изрекување дополнителни мерки Акционерското друштво за осигурување Еуролинк Скопје;
АСО продолжува со промовирање на финансиската писменост меѓу учениците – едукативна посета во ООУ „Ристо Крле“ во Кадино, општина Илинден, Скопје
Агенцијата за супервизија на осигурување (АСО), во рамки на своите надлежности и континуирани активности за финансиска едукација, реализираше едукативна посета во ООУ „Ристо Крле“ во Кадино, општина Илинден, насочена кон унапредување на финансиската писменост кај учениците.
Едукативната активност беше спроведена со ученици од VI-то одделение, преку презентација на тема „Паметно со парите и зошто постои осигурувањето“, при што на структуриран и пристапен начин беа обработени основните концепти поврзани со управувањето со личните финансии и улогата на осигурувањето како механизам за заштита од ризици.
Со користење на илустративни сценарија и примери блиски до секојдневниот живот, учениците се запознаа со функцијата на осигурувањето, при што беше нагласено дека, иако не може да ги спречи настаните, осигурувањето обезбедува финансиска заштита и олеснува справување со финансиски последици. Во рамки на активноста беше опфатена и темата за осигурување од незгода, со акцент на практичната применливост.
Интерактивниот пристап, вклучително и работа во групи, овозможи активно учество на учениците и поттикна развој на критичко размислување, при што беа формулирани сопствени решенија и заклучоци за различни ризични ситуации.
Како дел од поддршката на образовниот процес, едукативната друштвена игра „Помалку ризици – повеќе забава“ беше донирана на училиштето, со цел обезбедување одржливи алатки за учење и дополнително јакнење на финансиската писменост кај учениците.
Во текот на посетата, наставниот кадар беше информиран за активностите на АСО поврзани со одбележувањето на Денот на осигурувањето – 1 Ноември, вклучително и Конкурсот за ученици, при што беше изразен интерес за идно учество.
Дополнително, беа разгледани можности за продлабочување на институционалната соработка преку реализација на заеднички активности во областа на финансиската едукација, со цел континуирано унапредување на знаењата и свеста кај младата популација за значењето на одговорното управување со личните финансии и улогата на осигурувањето.
Финансиската едукација што ја спроведува Агенцијата за супервизија на осигурување е во функција на надградба на формалниот образовен систем, преку обезбедување поддршка и поттик за наставниот кадар за интегрирање на теми од финансиската писменост во наставниот процес.
