Со едукативна посета на основно училиште АСО успешно ја заврши кампањата- Мај, месец на финансиска писменост
Во рамки на активностите за одбележување на месецот на финансиската писменост, беше реализирана едукативна посета во основното училиште “Наум Охридски”Пештани, Охрид. Преку интерактивна презентација и дискусија, учениците се запознаа со основните поими на осигурувањето, неговото значење како механизам за заштита од ризици и придобивките што ги нуди за граѓаните и општеството. Посебен акцент беше ставен на улогата на АСО во обезбедувањето стабилен, сигурен и транспарентен пазар на осигурување, како и во заштитата на правата и интересите на осигурениците.
Оваа активност претставува завршен настан во рамките на месечната кампања за финансиска писменост, чија цел беше да придонесе кон подигнување на нивото на финансиската писменост со фокус на подигнување на осигурителната култура кај младите.
Младите учат за осигурување и финансиска одговорност
АСО оддржа едукативна работилница за учениците од 7 и 9 одделение во ОУ Гоце Делчев, во Демир Хисар, посветена на основите на осигурувањето и улогата на АСО како регулатор.
Преку интерактивен и на возраста прилагоден пристап, учениците имаа можност да научат како осигурувањето помага во секојдневниот живот и зошто е важно да бидат финансиски одговорни уште од најмалата возраст.
Седница одржана на 18 мај, 2026 година
- Записник од 9-та седница на СнЕ на АСО одржана на 21 Април, 2026 година;
- Извештајот за извршена ревизија на испитите за застапници во 2025 година;
- Одлука за спроведување на постапка на порамнување на Осигурително брокерското друштво Бролинс АД Скопје;
- Одлука за изрекување мерки на СИГАЛ Иншуренс Груп АД Скопје;
- Одлука за спроведување на постапка на порамнување од страна на Осигурително брокерско друштво МАКОАС БРОКЕР АД СТРУМИЦА;
- Одлука за спроведување на постапка на порамнување од страна на Осигурително брокерско друштво ЈДБ БРОКЕР АД Скопје;
- Одлука за спроведување на постапка на порамнување од страна на Осигурително брокерското друштво ФЛЕКС БРОКЕР АД Скопје;
- Одлука за спроведување на постапка на порамнување од страна на Акционерско осигурително брокерско друштво ВФП АД Скопје;
- Одлука за спроведување на постапка на порамнување од страна на Осигурително брокерското друштво БД БРОКЕР АД Дебар;
- Одлука за изрекување мерки на супервизија кон АД за осигурување ЗОИЛ МАКЕДОНИЈА, Битола;
- Решение за изрекување дополнителни мерки кон АД за осигурување ЗОИЛ МАКЕДОНИЈА, Битола.
