Конкурс за годишна награда за млади истражувачи
К О Н К У Р С
за годишна награда за млади истражувачи за најдобар труд од областа на управување со ризици и осигурување во Република Македонија за 2012 година
Седница одржана на 29.03.2012
- Решение за издавање согласност за измена на Статут на Акционерското друштво ЕВРОИНС ОСИГУРУВАЊЕ Скопје;
- Правилник за содржината на редовните известувања кои друштвата за осигурување и/или реосигурување ги доставуваат до Агенцијата за супервизија на осигурување согласно Законот за супервизија на осигурување;
- Одлука за изрекување мерки на супервизија спрема АД за застапување во осигурување САФЕ ИНВЕСТ МАКЕДОНИЈА, Скопје;
- Одлука за утврдување на условите и начинот на доделување на награда за истражувачки труд од областа на управување со ризици и осигурување во Република Македонија.
Посета на Австриската асоцијација на осигурители
На 14-ти март, 2012 година, членовите на Советот на експерти на Агенцијата за супервизија на осигурување остварија работна средба во Виена, во седиштето на Австриската Осигурителна Асоцијација.
Целта на оваа посета беше да се одржи презентација од страна на Агенцијата за развојот на пазарот на осигурување во Република Македонија во изминатиов период пред потенцијални австриски инвеститори.
Работна посета во Брисел
На 13-ти март, 2012 година, во Брисел, членовите на Советот на експерти на Агенцијата за супервизија на осигурување остварија работна средба со г. Карл Ван Хуле, раководител на единицата за осигурување и пензиско осигурување која е составен дел на Директоратот за внатрешен пазар и услуги во рамки на Европската Комисија.
Претставниците на Агенцијата го запознаа г. Ван Хуле со постојната законска регулатива во Република Македонија и исто така, се разговараше за новиот режим на Солвентност 2 во областа на осигурувањето и предизвиците кои ги носи овој режим. Во контекст на ова, претставникот беше информиран дека е формирана и работна група со претставници од Агенцијата, Министерството за финасии како носител на законската регулатива и стручни лица од осигурителната индустрија, со цел носење на ново законско решение согласно барањата на режимот Солвентност 2. Една од точките на агендата беше и заштитата на осигурениците и корисниците на осигурителни производи и услуги односно кои активности Агенцијата ги презема во овој сегмент, но и исто така, се разговараше и за искуството на земјите членки на ЕУ.
Седница одржана на 31.01.2012
- Тарифник за дополнување на Тарифникот за содржината и висината на надоместоците и давачките што ги наплатува Агенцијата за супервизија на осигурување и роковите за уплата:
- Решение за давање на согласност за стекнување на квалификувано учество во осигурително брокерско друштво.
Седница одржана на 18.01.2012
- Решение за издавање дозвола за воведување на нова класа на осигурување на Друштвото за осигурување ИНСИГ МАКЕДОНИЈА АД, Скопје;
- Решение за издавање согласност за измена на Статут на Друштвото за осигурување ИНСИГ МАКЕДОНИЈА АД, Скопје;
- Решение со кое се дава дозвола за вршење на осигурително брокерски работи на Осигурителното брокерско друштво КОРАБ ИНС АД Скопје.
Програма за осигурување од ризик од катастрофи
Главниот мотив за овaa Програма е да се промовира развојот на осигурувањето од ризици од природни катастрофи и временски неприлики на домашниот пазар, со што на локалните стопанственици и на населението ќе им биде овозможено да купат прифатливи производи за осигурување од овие ризици, коишто во моментот не може да се најдат на пазарот. За имплементација на SEEC CRIF програмата е формирана непрофитната институција Европа Ре, која е компанија за реосигурување од ризици од катастрофи, во сопственост на одредени држави од Југоисточна Европа, вклучувајќи ја и Република Македонија. Оваа реосигурителна компанија ќе биде одговорна за дизајнирање на осигурителните производи коишто ќе им ги понуди на сите друштва за осигурување во Република Македонија.
Агенцијата за супервизија на осигурување на Република Македонија (АСО) е носител на Проектот во Република Македонија и за таа цел ja формираше Работната група составена од повеќе институции, вклучувајќи ја и Народната банка на Република Македонија. Во рамки на Програмата за осигурување на ризик од катастрофи, Светската банка ќе изработи студија за улогата на банкарскиот сектор во овој домен. Податоците од банките се потребни за да се создаде реално согледување на:
1. Ефектот од природните катастрофи врз портфолијата на кредитите и депозитите,
2. Начинот на кој банките го идентификуваат и проценуваат ризикот од природни катастрофи во однос на нивното работење, и
3. Степенот на нивната заинтересираност за поврзување на своите производи со осигурителни производи, посебно за ризиците од природни катастрофи и временски непогоди.
Со цел успешно да се изработи оваа студија ве молиме пополнетиот прашалник, да го доставите најдоцна до 31.01.2012 година, во електронска форма кај г. Дарко Блажевски (е-пошта: darko.blazevski@aso.mk , тел. +389 2 3254 062), координатор на работната група при Агенцијата за супервизија на осигурување, кај кого можете да се обратите и за евентуални прашања при пополнувањето на прашалникот.
Седница одржана на 28.12.2011
- Решение со кое се дава дозвола за вршење работи на застапување во осигурување на АД ЛАЈОН ИНС Скопје.
