Agjencia e Mbikëqyrjes së Sigurimeve (AMS) në kuadër të aktiviteteve të saj të vazhdueshme për rritjen e ndërgjegjësimit të publikut për nevojën dhe rëndësinë e edukimit financiar për sigurimet tek të rinjtë, edhe këtë vit ndau çmime për nxënësit me krijimet më kreative që pasqyrojnë rëndësinë e sigurimeve.
Me këtë rast, sot në AMS ishin të ftuar nxënës të shkollave të mesme të cilët ishin autorë të eseve me mesazhet më kreative që pasqyrojnë rëndësinë e sigurimeve. Në punëtorinë, të kushtuar rëndësisë së edukimit financiar në fushën e sigurimeve, diskutuam me ta dhe mësuesit e tyre për përvojën e tyre dhe nevojën për sigurimet, si dhe përfshirjen e sigurimeve në procesin arsimor.
Shkëmbyem përvoja dhe ide për përmirësimin e efekteve të fushatave të edukimit financiar që AMS-ja I zhvillon rregullisht për të rritur ndërgjegjësimin për nevojën për sigurimet.
Gjithashtu me nxënësit, shumica e të cilëve do të jenë studentë të ardhshëm, diskutuam për planet e tyre të ardhshme dhe perspektivat që ofron arsimi dhe punësimi në Maqedoni.
Me këtë event AMS-ja i përmbylli aktivitetet me rastin e “Ditëve të Edukimit Financiar”, dhe njëkohësisht realizoi me sukses edhe Konkursin e 13-të radhazi për përzgjedhjen e punimeve me rastin e 1 Nëntorit – Ditës së Sigurimeve. Në temat “Sigurimi më mbron nga rreziqet”, “Investimi im – polica e sigurimit” dhe “Jeta është plot surpriza, sigurimi është siguria ime financiare” këtë vit për Konkursin në AMS, janë dorëzuar 150 punime, në kategoritë vizatim, poezi dhe ese, nga nxënës të moshës 6 deri në 17 vjeç nga dhjetëra shkolla fillore dhe të mesme nga disa qytete dhe vendbanime në mbarë vendin.
Në konkurs, çmime apo shpërblime morën gjithsej 9 punime (tre çmime për ese, tre për poezi dhe tre për vizatim), si dhe u ndanë 44 fletëlavdërime për nxënës të talentuar. U ndanë edhe 32 certifikata mirënjohjeje për mësuesit mentorë të nxënësve.
Në kuadër të aktiviteteve të saj me rastin e Ditëve të Edukimit Financiar në nëntor, AMS-ja viziton shkolla ku përmes formave të përshtatshme të komunikimit interaktiv edukon nxënësit për rëndësinë e sigurimeve, merr pjesë në një emision edukativ televiziv dhe publikon përmbajtje në rrjetet sociale me një komponent të fortë edukues për atributet e produkteve të sigurimit dhe për mbrojtjen e të drejtave të të siguruarve.
AMS-ja ofron mundësi për vizita edukative dhe leksione interaktive për të gjitha shkollat me tema nga fusha e edukimit financiar në sigurime. Të dhënat gjenden në faqen e internetit të AMS-së.
Agjencia e Mbikëqyrjes së Sigurimeve (AMS) është organ rregullator i pavarur që normativizon tregun e sigurimeve, mbikëqyr punën e subjekteve të sigurimeve, kujdeset për mbrojtjen e të drejtave të të siguruarve dhe kontribuon në edukimin financiar dhe përfshirjen e popullatës.
Ditët e Edukimit Financiar organizohen tradicionalisht çdo vit nga të gjitha organet rregullatore në fushën e financave: Agjencia e Mbikëqyrjes së Sigurimeve (AMS), Banka Kombëtare, Komisioni i Letrave me Vlerë (KLV) dhe Agjencia e Mbikëqyrje të Financimit Kapital të Sigurimit Pensional (MAPAS).
AMS-ja ka një rol qendror në forcimin e edukimit financiar, përfshirjes financiare dhe mbrojtjes së të siguruarve. Këto tre aspekte janë vendimtare për zhvillimin e një tregu sigurimesh të drejtë, transparent dhe të qëndrueshëm. Dhe nëpërmjet tyre synojmë të arrijmë rritjen e besimit të qytetarëve në sektorin e sigurimeve dhe në sigurinë e tyre financiare.
Për Ju të nderuar lexues, qytetarë, të siguruar aktualë dhe potencialë, me rastin e Ditëve të Edikimit Financiar këtë vit, kemi përgatitur përmbajtje të shumta dhe të pasura edukative që do t’ju ndihmojnë të përmirësoni njohuritë tuaja për sigurimet.
Sigurimi nuk është shpenzim, sigurimi është një domosdoshmëri që ofron siguri financiare dhe mirëqenie materiale për ju dhe të dashurit tuaj. Prandaj, përmes përmbajtjeve edukative dhe lehtësisht të kuptueshme, mësoni pse është i rëndësishëm sigurimi.
Gjatë “Ditëve të Edukimit Financiare”, ne do të ndajmë një sërë përmbajtjesh edukative dhe informuese që do të kontribuojnë në forcimin e ndërgjegjësimit për nevojën për sigurimin, të drejtat tuaja si të siguruar dhe si të përzgjidhni sigurimin sipas nevojave tuaja.
Me iniciativën e AMS-së, në këtë event janë përfshirë në mënyrë aktive dhe masive subjektet nga industria e sigurimeve, pra shoqëritë e sigurimeve dhe shoqëritë e ndërmjetësimit të sigurimeve.
Prandaj, të nderuar policëmbajtës, kjo është arsyeja pse ne ju kujtojmë gjithmonë të edukoheni! Ne jemi këtu për ju dhe në platformën tonë të internetit www.edukacija.aso.mk ka gjithmonë përmbajtje të dobishme dhe të disponueshme për publikun që do të thellojnë njohuritë tuaja për atë lloj sigurimi që ju nevojitet dhe çfarë duhet të dini para se të blini një shërbim sigurimi.
Në të njëjtën kohë, ne si rregullator i tregut të sigurimeve, i cili kujdeset për mbrojtjen e të drejtave tuaja, përmes edukimit, jemi gjithmonë këtu për pyetjet tuaja në lidhje me sigurimet në adresën e emailit contact@aso.mk
Urdhëroni, inkuadrohuni dhe zgjeroni njohuritë tuaja të sigurimit.
Mos harroni të na ndiqni në profilet e AMS-së në Facebook, Instagram dhe LinkedIn.
