unet

Agjencia e mbikëqyrjes së sigurimit (AMS) në bashkëpunim me SC XPRIMM International SRL, nga Bukureshti, Rumani, bazuar në përvojën e vitit të kaluar vendosi që edhe këtë vit të organizojë konferencë rajonale aktuariale. Në këtë mënyrë në të njëjtën kohë punohet në realizimin e integrimit dhe ngritjes së kësaj konference në konferencë të rregullt vjetore.

Konferenca do të mbahet më 28 shkurt 2019, në hotel Meriot, Shkup me fillim në ora 9:30 dhe do ti kushtohet konceptit të sigurimit gjishpërfshirës (engl: Inclusive insurance), i cili nënkupton qasje dhe shfrytëzim të produkteve përkatëse të pranueshme për klientët që nuk janë mjaftueshëm të disponueshëm, me një theks të veçantë të kategorive të ndijshme të qytetarëve, para së gjithash njerëzit me të ardhura të ulta. Sigurimi gjithpërfshirës nënkupton shfrytëzimin e produkteve të thjeshta të sigurimit të cilët nxisin mirëbesimin dhe transparencën e sigurimit, shumë shpesh me shuma më të ulta të sigurimit dhe metoda inovative të distribuimit.

Target grupi i vizitorëve të konferencës nuk janë vetëm aktuarët, por edhe një spektër më i gjërë i pjesëmarrësve nga bashkësia e sigurimit, përfaqësues të shoqërive të pensionistëve dhe kreatorëve të politikave ekonomike në vend dhe jashtë vendit nga shkaku se puna e aktuarëve bëhet më komplekse dhe duhet të ketë një vend qëndror në sistemin organizativ të shoqërisë së sigurimit.

SC XPRIMM International SRL në periudhën e kaluar promovoheshte si institucion kualitativ i cila ndjek zhvillimet dhe trendet e sigurimit, me theks të veçantë në vendet e Europës qendrore, lindore dhe juglindore, dhe vendeve të Bashkësisë së shteteve të pavarura (BShP) me çrast për të gjitha shtetet  publikon raportime të rregullta për ngjarjet e sektorit të sigurimit, të përcjellura me profile të rregullta tremujore dhe vjetore statistikore të vendeve.

Detaje të tjera reth konferencës mund të gjeni në linkun në vijim

http://www.internationalinsuranceforum.com/actuarial/

Sot, Agjencioni i mbikëqyrjes së Sigurimit (ASO), Ministria e Financave dhe Banka popullore e Republikës së Maqedonisë (BPRM), shpallën Konkursin për nxënësit e shkollave fillore dhe të mesme, i cili gjatë viteve të kaluara është një aktivitet i përbashkët me rastin e Ditës botërore të kursimit – 31 tetor dhe Ditës botërore të sigurimit – 1 nëntor. Të tre institucionet, bashkërisht marrin pjesë në Trupin Koordinues të institucioneve rregullatore në Maqedoni për edukim financiar, me këtë Konkurs synojnë të nxisin kreativitetin, imagjinatën si dhe mendimin kritik të nxënësve gjatë krijimit të veprave me temë kursimi dhe sigurimi. Këto institucione, në këtë mënyrë do të kontribuojnë për interesimin e mëtejshëm dhe edukimin e popullatës së re për këto dy segmente kyçe në sferën e financave.

Afati i fundit për dorëzimin e veprave është 15 tetor 2018.

KONKURSKI

Ky udhëzues i dedikohet publikut të gjerë, me qëllim që në mënyrë të thjeshtë t’ia afrojë konceptet dhe nocionet themelore nga fusha e menaxhimit të financave personale. Gjatë përgatitjes së tij janë bërë përpjekje që ai të jetë i kuptueshëm edhe për brezat e rinj edhe për personat që nuk kanë arsim formal ekonomik, në mënyrë që nëpërmjet tij publiku të informohet se cila është mënyra më e duhur për menaxhimin e mjeteve financiare që të arrihen qëllimet e dëshiruara. Më konkretisht, udhëzuesi sjell shpjegim për atë se si mund të menaxhohen paratë me mençuri, si të përgatiten plane financiare dhe të monitorohet realizimi i tyre, si të bëheni të kujdesshëm dhe të mos stërngarkoheni me borxhe financiare, si t’i shfrytëzoni me kujdes fondet e marra me kredi dhe kartelat kreditore dhe rregullisht të shlyeni detyrimet etj. Në të njëjtën kohë, udhëzuesi shpjegon edhe rolin e produkteve dhe shërbimeve bankare, investimeve financiare, sigurimit dhe daljes në pension. Janë përfshirë edhe investimet bazike financiare dhe janë dhënë shpjegime edhe për dallimet midis depozitave bankare dhe investimeve në letrat me vlerë etj.

Ky publikim paraqet materialin e pare gjithpërfshirës të shkruar për edukimin financiar në Republikën e Maqedonisë dhe i njëjti është përgatitur nga institucionet rregullatore – anëtarë të Trupit Koordinues për Edukim Financiar. Pritet që ky udhëzues të kontribuojë në edukimin më të madh të individëve dhe amvisërive në Republikën e Maqedonisë në menaxhimin e financave personale.

Agjensioni i Mbikëqyrjes së Sigurimit vazhdon me veprimtarinë e tij në të njëjtin drejtim në zbatimin e aktiviteteve të vazhdueshme të zhvillimit të tregut të sigurimit dhe në ngritjen e ndërgjegjësimit të publikut për edukim më të madh financiar dhe përfshirje. Në kuadër të paraqitjeve të tij publike, punëtorive, vizitave të organizuara, Agjenisoni do të promovojë Udhëzuesin për edukim financiar.

Këshilli i ekspertëve të Agjensionit të Mbikëqyrjes së Sigurimit në seancën e mbajtur më 14 maj 2018 miratoi Vendim për revokimin e licencës për kryerjen e aktiviteteve të sigurimit dhe brokerimit të Kompanisë aksionare të sigurimit dhe brokerimit VIASS Shkup. Subjekti është i regjistruar në Regjistrin Qendror të Republikës së Maqedonisë me NUIS 5777291 dhe NUT 4028003134322

Agjencioni i Mbikëqyrjes së Sigurimeve njofton të gjithë personat që kanë dorëzuar Kërkesë për pjesëmarrje në trajnim dhe dhënie të provimit profesional për përfaqësues gjegjësisht broker sigurimi në sesionin e provimit edukativ të marsit dhe të cilët për shkak të kapacitetit të kufizuar për zbatimin e provimit nuk janë marrë parasysh gjegjësisht nuk janë vendosur në Listën e personve për pjesëmarrje në trajnim dhe provim profesional (të publikuar më lartë), se të njëjtit kanë përparësi për pjesëmarrje në trajnim dhe dhënie të provimit profesional në sesionin e ardhshëm të provimit edukativ që do ta organizojë Agjencioni në Shtator të vitit 2018.

Të gjithë personat të cilët janë të interesuar që kërkesat e tyre të merren parasysh në sesioni e provimit edukativ që do ta organizojë Agjencioni në Shtator të vitit 2018 janë të obliguar të kontaktojnë Agjencionin në formë elektronike dhe ta konfirmojnë interesimin e tyre në adresën elektronike në vijim:

armin.ukikj@aso.mk – për aplikime për përfaqësues

berat.murati@aso.mk – për aplikime për broker

Personat të cilët nuk janë të interesuar që kërkesat e tyre të merren parasysh në sesioni e provimit edukativ që do ta organizojë Agjencioni në Shtator të vitit 2018 kanë të drejtë të kthejnë dokumentet e dorëzuara (duke dorëzuar Kërkesë të plotësuar për kthimin e dokumenteve në formë të lirë) si dhe kompensimin e paguar për pjesëmarrje në trajnim dhe dhënie të provimit profesional (duke plotësuar Kërkesën për rimbursim në një Formular që është në dispozicion në faqen e internetit të Agjencionit).

Për çdo pyetje që lidhet me sa më sipër, mund të kontaktoni Shërbimin profesional të regullativës dhe licencimit në numrin e telefonit në vijim: 02 3254 054.

Me qëllim për të stimuluar zhvillimin e mendimit shkencor dhe përgaditjen e kërkimeve studimore në fushën e menaxhimit të rrezikut dhe të sigurimit në Republikën e Maqedonisë, si dhe afirminin e profesionistëve të rinj, Agjencia për mbikëqyrjen e sigurimeve do të jep çmim vjetor në vitin 2018 për kërkim studimor në fushën e menaxhimit të rrezikut dhe të sigurimit në Republikën e Maqedonisë.

Çmimi vjetor i Agjencisë për mbikëqyrjen e sigurimeve është në vlerë prej 80.000,00 denarë.

Në kërkimin studimor i patjetërsueshëm është shqyrtimi i ekonomisë së Republikes së Maqedonisë me temë adukuate. Kërkimi studimor nuk duhet të tejkalojë 15.000 fjalë (pa abstrakte, bibliografia dhe anekset) si dhe rekomanduese është që të ketë strukturë standarte të kërkimit studimor, e cila si bazë i përmban pjesët më poshtë:

– Abstraktet;

– Shqyrtimin e literaturës së konsultuar nga fusha e cila hulumtohet;

– Përshkrimin e metodave të kërkimit të përdorura në punën kërkimore;

– Analiza;

– Përceptimet përmbyllëse;

– Bibliografia.

Të drejtë për të marrë pjesë në konkurs kanë shtetasit e Republikës së Maqedonisë deri në moshë tridhjete e pesë vjeç, gjegjësishtë  deri në ditën e dhënies së çmimit me datë 1.11.2018 pjesëmarrësit nuk duhet t’i kënë mbushur tridhjetë e gjashtë vjeç. Pjesëmarrësit të cilët kanë titull doktor shkence deri në datën e dorëzimit të kërkimit studimor nuk kanë të drejtë të marrin pjesë në konkurs.

Më shumë…