Seanca e mbajtur më 13 maj
- Procesverbali i seancës së 10-të të Këshillit të Ekspertëve të AMS-së të mbajtur më 30 prill 2025,
- Vendim për zbatimin e Konkursit për çmimin vjetor për studiues të rinj për punim më të mirë studimor në fushën e menaxhimit të rrezikut dhe të sigurimeve në Republikën e Maqedonisë së Veriut për vitin 2025,
- Aktvendim për emërimin e anëtarëve të Komisionit për përzgjedhjen e punimit më të mirë kërkimor në fushën e menaxhimit të riskut dhe sigurimeve në Republikën e Maqedonisë së Veriut për vitin 2025.
Takim bilateral i menaxhmentit të AMS-së dhe ANO-së federale nga Bosnjë e Hercegovina
Bashkëpunimi rajonal midis rregullatorëve të sigurimeve është shumë i rëndësishëm për proceset reformatore që forcojnë vazhdimisht mbrojtjen e policëmbajtësve dhe të drejtave të tyre.
Me qëllim thellimin, zgjerimin dhe forcimin e bashkëpunimit rajonal midis rregullatorëve në industrinë e sigurimeve, me ftesë të Eli Drakullovskës, Kryetares të Këshillit të AMS-së, menaxhmenti i lartë i Agjencisë Federale Mbikëqyrëse të Sigurimeve (ANO) të Bosnjë e Hercegovinës mbërriti sot në Shkup për një takim pune, të udhëhequr nga Drejtori Ivan Luburiq, i përbërë nga Mirjana Vegar, Ndihmës Drejtoreshë, Alma Smailagiq, Ndihmës Drejtoreshë për Mbikëqyrjen e Shoqërive të Sigurimeve dhe Fondit të Mbrojtjes, Edin Taso, Ndihmës Drejtor për Mbikëqyrjen e Ndërmjetësve të Sigurimeve.
Anëtarët e Këshillit të AMS-së, Eli Drakullovska, Aleksandra Drangovska dhe Goran Zdravkovski, së bashku me përfaqësuesit e shërbimeve profesionale , në takimin dypalësh me përfaqësuesit e ANO-së, diskutuan aspektet rajonale të temave aktuale që rrjedhin nga sfidat për zbatimin e standardeve rregullatore të BE-së në fushën e sigurimeve.
Shkëmbimi i përvojave dhe opinioneve mbi proceset aktuale reformuese në të dy vendet ofroi ide dhe hapësirë për forcimin e bashkëpunimit, të cilin të dyja palët e vlerësuan si të suksesshëm.
Maj – Muaji i Edukimit Financiar: Fillon fushata edukative dhe informuese “Një konsumator i informuar është një konsumator i mbrojtur”.
Agjencia e Mbikëqyrjes së Sigurimeve (AMS) do t’ia kushtojë këtë vit, si gjithmonë, muajin maj edukimit financiar me qëllim rritjen e vazhdueshme të ndërgjegjësimit për nevojën dhe rëndësinë e sigurimeve.
Nën sloganin “Një konsumator i informuar është një konsumator i mbrojtur” këtë muaj do të kemi aktivitete të shumta kushtuar rëndësisë së sigurimeve, publikime të materialeve edukative dhe informuese, kuize dhe vizita në institucione arsimore.
Na ndiqni çdo ditë në profilet e AMS-së në rrjetet sociale në Facebook, Instagram dhe LinkedIn për këshilla të dobishme se si të zgjidhni produktin e duhur të sigurimit, të mësoni rreth rreziqeve dhe të dini si të mbroni të drejtat tuaja!
Gjithashtu ju ftojmë të na kontaktoni dhe të organizojmë vizitë në institucionin arsimor që përfaqësoni, me qëllim që nxënësit të njihen me bazat ose të thellojnë njohuritë e tyre rreth rëndësisë së sigurimeve.
Seancë e mbajtur më 30 prill
- Procesverbal i seancës së 9-të të Këshillit të Ekspertëve të AMS-së, të mbajtur më 17 prill të vitit 2025
- Kërkesë për dhënien e dakordësimit që Shoqëria e Auditimit “PELAGONISKA REVIZORSKA KUQA” SHPKNJ Prilep të auditojë pasqyrat financiare të Grupit Kombëtar të Sigurimeve SHA OSIGURITELNA POLISA Shkup për vitin 2025 dhe miratimi i Aktvendimit.
Seanca e mbajtur më 17 prill 2025
- Procesverbali i seancës së 8-të të Këshillt të Ekspertëve të AMS-së të mbajtur më 10 prill të vitit 2025,
- Vendim për shqiptimin e masave të mbikëqyrjes ndaj Shoqërisë të Sigurimeve HALK Osiguruvanje SHA Shkup,
- Vendim për dhënien e dakordimit për ndryshimin e Statutit të Triglav Osiguruvanje AD, Shkup,
- Vendim për dhënien e dakordimit për shoqërinë audite Grant Tornton SHPKShkup për auditimin e pasqyrave financiare të Shoqërisë Aksionare të Sigurimeve EUROLINK Shkup për vitin 2025,
- Vendim për dhënien e dakordimit për shoqërinë auditue MUR STIVENS SHPK Shkup për auditimin e pasqyrave financiare të Shoqërisë Aksionare të Sigurimeve GRAVE JO-JETË Shkup për vitin 2025,
- Vendim për dhënien e dakordimit për shoqërinë auditue MUR STIVENS SHPK Shkup për auditimin e pasqyrave financiare të Shoqërisë Aksionare të Sigurimeve GRAVE Shkup për vitin 2025.
Forcimi dhe thellimi i bashkëpunimit rajonal midis rregullatorëve në industrinë e sigurimeve është një nga prioritetet kryesore të menaxhmentit të Agjencisë së Mbikëqyrjes së Sigurimeve
Forcimi dhe thellimi i bashkëpunimit rajonal midis rregullatorëve në industrinë e sigurimeve është një nga prioritetet kryesore të menaxhmentit të Agjencisë së Mbikëqyrjes së Sigurimeve. Me këtë rast, me ftesë të Eli Drakulovskës, Kryetares së Këshillit të AMS-së, sot në Shkup, për vizitë pune ishin Kryetari i Këshillit të Agjencisë Mbikëqyrëse të Sigurimeve të Malit të Zi (ANO), z. Marko Ivanoviç, Drejtori Ekzekutiv Branko Barjaktaroviq, Marija Laloviq dhe Ivana Gjuroviq, eksperte në fushën e legjislativës, licencimit dhe çështjeve juridike.
Anëtarët e Këshillit të AMS-së, Eli Drakulovska, Aleksandra Drangovska dhe Goran Zdravkovski, si dhe përfaqësues të shërbimeve profesionale, në takimin dypalësh me kolegët e tyre nga Mali i Zi që u mbajt në ambientet e AMS-së, diskutuan temat dhe sfidat aktuale dhe përafrimin me standardet rregullatore të BE-së në fushën e sigurimeve. Ata shkëmbyen përvoja dhe mendime mbi proceset aktuale të reformave në vazhdim në të dy vendet dhe krijuan një agjendë për thellimin e bashkëpunimit të ndërsjellë, të cilin trupat drejtues të AMS-së dhe ANO-s e vlerësuan si të frytshëm dhe të suksesshëm.
Përfaqësues të rregullatorëve financiarë të vendit në një panel me studentë me rastin e “Javës Globale të Parasë 2025”
“Çdo i ri, që fillon karrierën e tij, duhet të mendojë për sigurimin e sigurisë financiare në të ardhmen. Një policë sigurimi jete është një mundësi e shkëlqyer për sigurim kundër ngjarjeve fatkeqe apo aksidentale dhe për kursime. Përmes kësaj forme kursimi, të rinjtë kontribuojnë në mënyrë aktive në stabilitetin e tyre financiar personal dhe familjar në të ardhmen. Në të njëjtën kohë, përmes këtij bashkëveprimi, ata kontribuojnë në mënyrë aktive në rritjen e njohurive financiare dhe përfshirjes financiare të populates”, tha Eli Drakulovska, Kryetare e Këshillit të Ekspertëve të Agjencisë së Mbikëqyrjes së Sigurimeve (AMS) në panelin të organizuar nga studentët në Universitetin Shtetëror të Shkupit “Shën Cirili dhe Metodi” (UKIM).
Si pjesë e iniciativës së Asamblesë Studentore të Universitetit dhe me rastin e “Javës Globale të Parasë 2025”, dje në Shkup u mbajt një panel diskutimi me temën “Si e formon dituria financiare të ardhmen tuaj”.
Përveç Drakulovskës, në këtë ngjarje morën pjesë edhe Anita Angelovska – Bezhoska, Guvernatorja e Bankës Popullore, Gordana Dimitrievska – Koçoska, Ministrja e Financave, Profesor Kiril Jovanovski, Komisioner i Komisionit të Letrave me Vlerë dhe Darko Sazdov, anëtar i Këshillit të Ekspertëve të MAPAS (mbikëqyrës i financimit kapital të sigurimit pensional).
Në fjalimin e saj drejtuar studentëve rreth rëndësisë së sigurimit të jetës në stabilitetin financiar afatgjatë të secilit person dhe familjes së tij, Drakulovska theksoi:
Duke pasur parasysh ndryshimet në botën në të cilën jetojmë, është jashtëzakonisht e rëndësishme, që në fazat më të hershme të karrierës së çdo të riu, të njohë në mënyrë të vetëdijshme nevojën, ose më saktë realitetin, se ata janë përgjegjës ndaj vetes për të siguruar sigurinë e tyre financiare, si dhe sigurinë e familjes së tyre. Në momentin kur fillojmë karrierën tonë, duhet të mendojmë për të ardhmen, domethënë të investojmë një pjesë të të ardhurave tona në sigurimin e një standardi të qëndrueshëm jetese në periudhën e mëvonshme të jetës. Mund të mos jetë e lehtë për një të ri të mendojë për të ardhmen “e largët” në fillim të karrierës së tij, por ju kujtojmë se nuk është kurrë shumë herët për të filluar të investoni në sigurinë financiare.
Përfaqësuesit e rregullatorëve financiarë trajtuan gjithashtu rëndësinë e njohurive financiare, nevojën për proaktivitet, veçanërisht tek popullata e re, si dhe masat dhe aktivitetet që këto institucione po ndërmarrin për të nxitur ndërgjegjësimin për nevojën e edukimit financiar.
