Informacione të karakterit publik

Në konkurrencë të pesë punimeve, komisioni profesional i akordoi çmimin për punimin më të mirë investigativ në fushën e sigurimeve, Kristijan Kozheski, asistent në katedrën e Fakultetit Ekonomik në Universitetin “Shën Cirili dhe Metodij” në Shkup. Punimi shtjellon segmente të rëndësishme mbi efektet që PBB-ja, kreditë afatgjata, çmimet e pasurive të paluajtshme dhe numri i lejeve të ndërtimit të lëshuara, kanë në krijimin e çmimeve të policave të sigurimit të pronës. Ky çmim, në vlerë prej 80.000 denarësh, tradicionalisht ndahet nga AMS-ja për 14 vjet me radhë, me rastin e Ditës së Sigurimeve – 1 Nëntorit, ku këtë vit AMS-ja e feston 15 vjetorin e themelimit të saj.

Agjencia e Mbikëqyrjes së Sigurimeve (AMS) akordoi çmimin për punimin më të mirë investigativ për shkencëtar të ri në temën në fushën e menaxhimit të riskut në sigurime. Në konkurrencë të pesë punimeve nga lëmi i menaxhimit të risqeve në fushën e sigurimeve, komisioni profesional i akordoi çmimin për punimin më të mirë investigativ Kristijan Kozheskit, asistent të katedrës të Fakultetit Ekonomik në Universitetin “Shën Cirili dhe Metodij” në Shkup. 

Pllaketën për punimin më të mirë investigative,  Kozheskit ia ndau Dr. Kërste Shajnoski, Kryetar i Këshillit të Ekspertëve në AMS. AMS-ja i ndau një çmim prej 80.000 denarësh autorit të punimit të renditur në vendin e parë. Ky çmim për stimulimin e punës së shkencëtarëve dhe studiuesve të rinj në fushën e menaxhimit të riskut në sigurime ndahet për herë të 14-të këtë vit.

Në studimin e tij, Kozheski konstaton se faktorët makroekonomikë dhe financiarë luajnë një rol të rëndësishëm në përcaktimin e primeve të sigurimit të pronës në Maqedoni. Punimi me titull “Ndërveprimi kompleks i përcaktuesve makroekonomikë dhe financiarë me primet e sigurimit të pronës në Maqedoni: Analizë dinamike afatshkurtër dhe afatgjatë” shtjellon se si rritja ekonomike, çmimet e pasurive të paluajtshme dhe lejet e ndërtimit kanë një efekt pozitiv dhe domethënës, ndërsa kreditë afatgjatë kanë një ndikim negativ të papritur. Autori thekson gjithashtu se këto konstatime kanë implikime të rëndësishme për kompanitë e sigurimeve dhe politikëbërësit ekonomikë.

Qëllimi i konkursit që shpallet tradicionalisht është që të shërbejë si stimul për zhvillimin e mendimit shkencor dhe prodhimin e punimeve në fushën e menaxhimit të riskut dhe sigurimeve në Maqedoni, si dhe afirmimin e kuadrove të reja dhe profesionale.

Nën moton “Solidariteti shpëton jetën”, dhuruesit e gjakut nga AMS-ja dhe dhjetë shoqëri  të sigurimeve organizuan aksion të cilin stafi mjekësor dhe përfaqësues të Kryqit të Kuq e vlerësuan si shumë të suksesshëm dhe një nga më masivët në territorin e qytetit të Shkupit

Mbi 60 njësi gjaku janë dhuruar nga punonjës të AMS-së dhe të shoqërive të sigurimeve në aksionin e dhurimit të gjakut të organizuar për herë të parë nga Agjencia e Mbikëqyrjes së Sigurimeve (AMS) me rastin e Ditës së Sigurimeve – 1 Nëntorit.

Stafi mjekësor i Institutit të Transfuziologjisë dhe përfaqësuesit e Kryqit të Kuq që e realizuan këtë aksion e vlerësuan si jashtëzakonisht të suksesshëm dhe po ashtu theksuan se është ndër më masivët në territorin e qytetit të Shkupit.

Nisma e punonjësve të AMS-së për dhurimin e gjakut u mbështet edhe nga dhuruesit e gjakut nga shoqëritë e sigurimeve dhe në të morën pjesë të punësuar në “Makedonija Osiguruvanje VIG”, “Eurolink”, “Kroacia Osiguruvanje – Jo-Jetë”, “Sava Osiguruvanje”, “Euroins Osiguruvanje”, “Kroacia Osiguruvanje -Jetë “, “Viner Lajf”, “Prva Zhivot “, “Grave” dhe “Triglav Osiguruvanje -Jetë”.

Në aksionin që u mbajt dje në ambientet e AMS-së, në mesin e dhuruesve të gjakut ishin edhe kryetari  i Këshillit të Ekspertëve Kërste Shajnoski dhe anëtar i Këshillit të Ekspertëve në AMS, Zllate Simonovski. Shajnoski falënderoi të gjithë dhuruesit e gjakut për reagimin masiv dhe theksoi se motivi i këtij aksioni të AMS-së ishte parimi i solidaritetit, i cili është postulat dhe udhërrëfyes i veprimtarisë së sigurimit. Dhe pikërisht rëndësinë e kësaj e dëshmuan përmes dhurimit masiv të gjakut me rastin e Ditës së Sigurimeve – 1 Nëntorit.

Në kuadër të aktiviteteve të saj me rastin e Ditës së Sigurimeve, krahas fushatës së dhurimit të gjakut, këtë vit AMS-ja organizoi takime edukative me nxënës  dhe qytetarë, si dhe tradicionalisht ndau çmimin për punimin më të mirë kërkimor shkencor në fushën e rreziqeve dhe të sigurimeve.

Lidhur me konkursin për nxënës të arsimit fillor dhe të mesëm me rastin e Ditës së Sigurimeve – 1 Nëntorit, më poshtë publikojmë emrat e nxënësve që kanë marrë çmim sipas kategorive të veçanta. Edhe këtë vit në adresën tonë arritën një numër i madh veprash artistike. Me këtë rast duam t’u shprehim falënderimet tona të gjithë atyre që morën pjesë dhe t’i urojmë ata të cilët kanë marrë çmime.

Në temën, “Sigurimi më mbron nga rreziqet“, për VEPËR ARTISTIKE – VIZATIM dhe VIZATIM DIGJITAL  nga klasa 1 deri në klasën e 5-të, nxënësit që kanë marrë çmime janë:

• Llana Llazarevska, klasa III, Shkolla Fillore “11 Tetori” – Kumanovë.

• Ajana Kamberi, klasa III, Shkolla Fillore “Naim Frashëri” – Tetovë

• Dafina Ignjatoviq, klasa IVa, Shkolla Fillore “Kiro Gligorov” – Shkup,

Në temën,  “Sigurimi është investimi im për një të ardhme të sigurt”, për VEPËR LETRARE VJERSHË nga nxënësit e klasësë së 6-të deri në klasën e 9-të,  nxënësit që kanë marrë çmime janë:

• Ahil Gjoroski, klasa VIII, Shkolla Fillore “Goce Dellçev” – Shkup

• Stefan Mitrevski, klasa IX-4, Shkolla Fillore “Shën Klimenti i Ohrit ” – Manastir

• Milica Jankoviq, klasa IX, Shkolla Fillore “Vëllezërit Milladinovci” – Probishtip

Në temën, “Jeta është plot surpriza, sigurimi është siguria ime financiare”, për VEPËR ARTISTIKE – ESE/TREGIM nga nxënës të vitit të 1 deri në vitin e 4 të arsimit të mesëm, nxënësit që kanë marrë çmime janë:

• Vasilka Kartalova, viti IV-1 vit, Shkolla e Mesme “Koço Racin” – Veles.

• Bojan Dimovski, viti IV, Shkolla e Mesme – Gjimnazi “Georgi Dimitrov” – Karposh, Shkup

• Sara Jovanova, viti III, Shkolla e Mesme “Vasil Antevski Dren” – Shkup

Investimet e qytetarëve në sigurimin e shëndetit në udhëtim jashtë vendit në qershor, korrik dhe gusht arritën në 2 milionë euro, që është 6% më shumë se e njëjta periudhë e vitit të kaluar. Në të njëjtën kohë, shuma e pagesave për dëmet e mbuluara nga sigurimet e shëndetit në udhëtim, për këtë periudhë, është rritur me 89% dhe ka arritur në 560,000 euro.

Mbi 220 mijë qytetarë kanë blerë sigurime të shëndetit në udhëtim në muajt e verës (qershor, korrik dhe gusht) dhe shumica e tyre e kanë përdorur për pushimet vjetore jashtë vendit. Numri i përgjithshëm i siguracioneve të lëshuara për shëndetin në udhëtim jashtë vendit në këta tre muaj është 220.860 dhe në këto muaj të siguruarit kanë investuar 125,65 milionë denarë (2 milionë euro).

Investimet totale në sigurimet e shëndetit në udhëtim në periudhën verore të këtij viti janë 6 për qind më të larta se e njëjta periudhë e vitit të kaluar, sipas të dhënave zyrtare të dorëzuara nga të gjitha kompanitë e sigurimeve pranë Agjencisë së Mbikëqyrjes së Sigurimeve (AMS).

Vlen të theksohet se gjatë kësaj periudhe qytetarët që kanë sigurim të shëndetit në udhëtim kanë arkëtuar 34,46 milionë denarë (560.000 euro). Me këto para, kompanitë e sigurimeve u rimbursonin shpenzimet mjekësore të kryera gjatë qëndrimit jashtë vendit, bagazhet e humbura apo çdo rrezik tjetër që mbulonte sigurimi i shëndetit në udhëtim.

Sivjet, në tre muajt e verës (qershor, korrik dhe gusht), policëmbajtësit kanë grumbulluar 89 për qind më shumë mjete për mbulimin e dëmeve të shkaktuara gjatë udhëtimeve jashtë vendit, krahasuar me periudhën e njëjtë të vitit të kaluar kur kompanitë e sigurimeve kanë paguar 18,23 milionë denarë (296.000 euro).

Për tre muajt e verës, të 11 shoqëritë e sigurimeve kanë paguar dëme që mbulohen nga sigurimet e shëndetit në udhëtim për më shumë se 35,300 qytetarë që kanë udhëtuar jashtë vendit. Numri i dëmeve të paguara në muajt qershor, korrik dhe gusht të këtij viti është 14,5 për qind më i lartë se numri i dëmeve në të njëjtën periudhë të vitit 2023.

Sa i përket shitjeve në baza mujore, nga të dhënat duket se kërkesa për sigurime të shëndetit në udhëtim ka qenë më e larta në muajin korrik. Qytetarët në atë muaj investuan 44,79 milionë denarë (mbi 728.000 euro) për të blerë sigurime të shëndetit në udhëtim.

Përkatësisht, numri dhe shuma e dëmeve të paguara është më e larta në muajin korrik. Kështu, në korrik 14.460 të siguruar kanë arkëtuar 14,9 milionë denarë (mbi 242.000 euro).

Nga sigurimet vullnetare, më i shituri mbetet sigurimi i pronës me investime prej 3 milionë eurosh në një muaj, para sigurimit kasko me 2 milionë euro dhe sigurimit shëndetësor me 1.7 milionë euro. Korriku është një rekord për sa i përket shitjeve të sigurimeve jo-jetë, kryesisht për shkak se shitjet e sigurimit të detyrueshëm të makinave po rriten ndjeshëm, dhe kjo është rezultat i regjistrimit të më shumë se 85,000 automjeteve në vetëm një muaj.

Investimet e qytetarëve, institucioneve dhe kompanive në sigurimet jo-jetës në korrik arritën në 1,29 miliardë denarë (21 milionë euro). Ky përfaqëson një rekord, pra nivelin më të lartë mujor të investimeve në produktet e sigurimit në shtatë muajt e parë të vitit, sipas të dhënave zyrtare mujore të dorëzuara në Agjencinë e Mbikëqyrjes së Sigurimeve (AMS) nga të 11 shoqëritë e sigurimit që shesin sigurime jo-jetë.

Deri më tani, muajt me më së shumti investime në sigurime, sipas të dhënave zyrtare, ishin janari dhe qershori me nga 1,22 miliardë denarë (19,8 milionë euro). Kërkesa për sigurime në korrik është 13 për qind më e lartë se shitjet e sigurimeve jo-jetë në janar dhe në qershor.

Nga të gjitha klasat e sigurimit vullnetar, parashikohet se më shumë para investohen në sigurimin e pronës. Qytetarët, kompanitë dhe institucionet kanë lidhur mbi 14.000 kontrata në të cilat kanë investuar 184 milionë denarë (3 milionë euro).

Në vendin e dytë dhe të tretë sipas shitjes së sigurimeve vullnetare në korrik ishin sigurimi kasko  për automjete dhe sigurimi shëndetësor privat (shtesë). Në korrik, të siguruarit kanë investuar 126,3 milionë denarë (2,05 milionë euro) në sigurim nga dëmtimi i automjeteve të tyre (kasko). Kjo është një rritje prej 9 për qind krahasuar me qershorin e këtij viti.

Nga shitja e sigurimit shëndetësor privat, kompanitë kanë grumbulluar 105,5 milionë denarë (1,7 milionë euro). Shitja e këtij produkti në muajin korrik është pak më e ulët se shitja në qershor të këtij viti.

Vlen të theksohet se në kulmin e sezonit të pushimeve verore, shitja e sigurimit të udhëtimit arriti në 44,8 milionë denarë (728.000 euro). Kjo është 16 për qind më shumë në krahasim me muajin e kaluar, pra qershorin. Një rritje prej 6 për qind ka edhe në shitjet e sigurimeve të shëndetit në udhëtim krahasuar me korrikun e vitit të kaluar.

Në klasën më të madhe të sigurimeve, rritjen më të madhe të shitjeve e ka sigurimi i përgjegjësisë automobilistike, i cili është edhe i detyrueshëm me ligj me çmime të rregulluara nga shteti. Kompanitë në korrik arkëtuan 693,4 milionë denarë (11,3 milionë euro) nga shitja e policave (sigurim i detyrueshëm që blihet me regjistrim, karton jeshil gjatë udhëtimit me makinë jashtë vendit dhe sigurim kufitar për të huajt që lëvizin nëpër Maqedoni). Krahasuar me muajin e njëjtë të vitit të kaluar, në korrik të këtij viti, shitjet janë rritur për mbi 60 milionë denarë (1 milionë euro).

Shitja e kartonit jeshil (sigurimi për ushëtimin me makinë jashtë vendit) në korrik ka kaluar 3 milionë euro dhe është 8 për qind më e lartë se i njëjti muaj i vitit të kaluar.

Një gjenerues kryesor i rritjes së shitjeve është sigurimi i drejtimit të automjetit në vend (TPL – sigurimi i detyrueshëm i përgjegjësisë për makinën që shitet gjatë regjistrimit të automjetit).

Shitja e këtij sigurimi (çmimi i të cilit është rregulluar nga Qeveria) në korrik ishte 473 milionë denarë (7,7 milionë euro) dhe kjo është 11,3 për qind më shumë se korriku i vitit të kaluar. Duke qenë se çmimet e TPL-së nuk kanë ndryshuar, rritja e të hyrave nga shitjet është gjeneruar nga rritja e numrit të automjeteve të regjistruara në Maqedoni.

Në korrik të këtij viti, sipas të dhënave të Byrosë Nacionale të Sigurimeve (BNS), janë regjistruar mbi 85 mijë automjete. Kjo është 12 për qind më shumë automjete të regjistruara në korrik të këtij viti krahasuar me korrikun e vitit 2023.

Më shumë detaje në linkun e mëposhtëm https://aso.mk/mesechni-podatoczi-za-osiguruvanje-juli-2024-godina/

Të nderuar,

Ju njoftojmë se në bazë të Aktvendimit me Nr. 14-1-1211 të datës 22.4.2024 për dhënien e lejes për ndryshim statusi – bashkim, Shoqëria  e Sigurimeve VINER – Viena Inshurens Grup Shkup iu bashkua ADOR MAKEDONIA Shkup – Viena Inshurens Grup.

Regjistrimi i ndryshimit të statusit të kryer – bashkimit në Regjistrin Qendror të RMV-së në përputhje me Ligjin për Shoqëritë Tregtare është bërë më 27.6.2024, prandaj ADOR MAKEDONIA Shkup – Viena Inshurens Grup me shkresën e datës 27.6.2024 e ka informuar Agjencinë.

Nga policat e sigurimit të jetës në pesë muaj qytetarët kanë arkëtuar gati gjashtë milionë euro, me të cilat kanë pasur mundësi të kursejnë fondet e paguara. Për vdekjet e mbuluara me sigurim rreziku kompanitë kanë paguar 613 mijë euro, ndërsa për sigurimin me komponent investues janë paguar 640 mijë euro gjatë kësaj periudhe.

Qytetarët kanë arkëtuar 443 milionë denarë (mbi 7,2 milionë euro) nga sigurimet e jetës në pesë muajt e parë të vitit, tregojnë të dhënat zyrtare të dorëzuara nga gjashtë kompanitë e sigurimeve të jetës në Agjencinë e Mbikëqyrjes të Sigurimeve (AMS).

Në këtë periudhë pesë mujore, mbi 2500 qytetarë kanë marrë kompensim për dëmet që janë mbuluar me policat e sigurimit të jetës të lëshuara nga pesë kompani të sigurimit të jetës.

Shumica e fondeve në këtë periudhë janë paguar për policat e sigurimit të jetës me komponent kursimi. Ky është produkti më i vjetër i sigurimit të jetës që shitet në tregun tonë të sigurimeve prej 20 vitesh. Karakteristika kryesore e tij është se përveç sigurimit të jetës, ofron edhe kursime në fondet e investuara. Ky produkt i mundëson të siguruarit të marrë fondet e investuara të rritura me interes për periudhën e caktuar pas skadimit të kontratës së sigurimit. Nga ky sigurim qytetarët në pesë muajt e parë të këtij viti nga kompanitë e sigurimeve kanë arkëtuar 366 milionë denarë (5,95 milionë euro). Në pjesën më të madhe, në pesë muajt e parë, paratë u janë paguar policëmbajtësve të cilëve u përfundonte kontrata e sigurimit dhe ata tërhoqën fondet e investuara, plus interesat.

Në vend të dytë sipas sasisë së fondeve të paguara në pesë muajt e parë, renditet sigurimi me komponent investues, i cili në popull njihet me emrin sigurimi “junit linkd”. Ky produkt sigurimi u mundëson qytetarëve, së bashku me sigurimin e jetës, të investojnë një pjesë të madhe të fondeve të paguara në aksione të fondeve investuese. Për shkak të faktit se çmimet e aksioneve të fondeve investuese varen nga tregjet botërore të aksioneve, ato janë subjekt i ndryshimeve. Është kjo karakteristikë që krijon mundësinë e kthimeve të denja dhe madje solide nga investimet, por sjell edhe rrezik kur çmimet në bursë bien. Është e rëndësishme të dini se duke investuar në këtë produkt sigurimi, rreziku i investimit përballohet nga i siguruari. Për të ofruar informacion më të mirë dhe mbrojtje më të madhe për mbajtësit e policave, AMS-ja miratoi një rregullore që përcaktoi sasinë e informacionit që mbajtësit e policave duhet të marrin nga shitësit e sigurimeve përpara se të vendosin të blejnë sigurimin “junit linkd”.

Në pesë muajt e parë, tek ky lloj sigurimi, kompanitë u kanë paguar të siguruarve 39,35 milionë denarë (640.000 euro).

Pjesën më të vogël në fondet e disbursuara në këtë periudhë e ka sigurimi pa komponent kursimi, i cili në popull njihet si sigurimi i riskut. Me këtë produkt, i siguruari siguron jetën e tij dhe nëse vdekja ndodh gjatë periudhës së sigurimit, kompania ua paguan shumën e siguruar anëtarëve të familjes së tij ose mbajtësve të së drejtës së dëmshpërblimit, të cilën i siguruari e ka deklaruar në policën e tij. Për shkak të vdekjes së personave të siguruar gjatë kësaj periudhe, kompanitë e sigurimit të jetës kanë arkëtuar 37,7 milionë denarë (613.000 euro) për familjet e tyre ose personat që kanë qenë bartës të së drejtës për sigurimin.

Më shumë të dhëna për gjendjen e tregut të sigurimeve të jetës mund të gjeni në linkun e mëposhtëm https://aso.mk/category/publikaczii/izveshtai-za-rabotata-na-osiguritelnata-industri-a/drushtva-za-osiguruva-e/

Për më tepër informacion dhe për rëndësinë e sigurimit të jetës mund të mësoni në portalin tonë edukativ https://edukacija.aso.mk/

Vlera e dëmeve të paguara për sigurime shëndetësore private për pesë muajt e parë të këtij viti është rritur për 28,5% krahasuar me të njëjtën periudhë të vitit të kaluar. Pagesat për sigurimet kasko u rritën me 26%, dhe sigurimet shëndetësore private u rritën me 28.5%. Kompanitë e sigurimit jo-jetë kanë paguar mbi 58,400 dëme në pesë muaj.

Siguruesit në pesë muajt e parë të këtij viti arkëtuan 324,4 milionë denarë (5,3 milionë euro) nga kompanitë e sigurimeve për shpenzimet mjekësore të mbuluara nga policat e tyre private të sigurimit shëndetësor, sipas të dhënave të dorëzuara nga siguruesit në Agjencinë e Mbikëqyrjes të Sigurimeve (AMS).

Këtë vit shoqëritë  e sigurimeve kanë paguar 28.5 për qind (1.2 milionë euro) më shumë para për shpenzimet mjekësore të mbuluara nga sigurimet në krahasim me të njëjtën periudhë të vitit të kaluar. Në varësi të llojit të sigurimit, primit dhe shumës së sigurimit, të siguruarit marrin mbulim për shpenzimet e kryera për ekzaminime, shërbime imazherie  dhe operacione private.

Sigurimi shëndetësor privat është produkti më i popullarizuar i sigurimeve, ndër të tjera, sepse një numër në rritje i kompanive e përdorin atë në politikat e tyre për të tërhequr punëtorë, si dhe për besnikërinë e punonjësve.

Në pesë muajt e parë, vlera e dëmeve të paguara për të gjitha klasat e sigurimit jo-jetë arriti në 1,95 miliardë denarë (31,7 milionë euro). Krahasuar me të njëjtën periudhë të vitit 2023, vlera e dëmeve të paguara nga kompanitë e sigurimit është më e lartë për gati 2 milionë euro, pra rreth 7 për qind.

Rritja më e lartë në përqindje e fondeve të paguara për dëmet e mbuluara nga sigurimet është në sigurimet e shëndetit  në udhëtim. Për pesë muajt e parë, siguruesit kanë paguar 42,9 milionë denarë (700.000 euro) për bagazhin e humbur, shpenzimet mjekësore gjatë udhëtimit jashtë vendit dhe dëmet e tjera të mbuluara nga ai sigurim. Kjo është 40 për qind më shumë se e njëjta periudhë e vitit të kaluar.

Pas sigurimit shëndetësor privat, nga klasat vullnetare, dëmshpërblimi më i madh është për automjetet e siguruara kasko. Pronarët e tyre për pesë muaj arkëtuan 303,5 milionë denarë (4,9 milionë euro) nga dëmet e paraqitura. Dhe kjo është 26 për qind më shumë se një vit më parë.

Në klasën më të madhe të sigurimit, e cila është edhe ligjërisht e detyrueshme, gjegjësisht përgjegjësi automobilistike apo TPL janë paguar 998,4 milionë denarë (16,2 milionë euro). Kjo është pak më shumë se gjysma e totalit të paguar për dëmet e mbuluara nga sigurimet.

Në pesë muajt e parë të këtij viti, 11 kompani sigurimesh të sigurimeve jo-jetë i kanë paguar mbi 58 400 dëme policëmbajtësve.

Më shumë informacion rreth tregut të sigurimeve mund të gjeni në linkun e mëposhtëm https://aso.mk/category/publikaczii/izveshtai-za-rabotata-na-osiguritelnata-industri-a/drushtva-za-osiguruva-e/

Edhe në pesë muajt e parë të këtij viti, si edhe më parë, sigurimi më popullor mbetet sigurimi shëndetësor privat, ndërsa sigurimi më i madh fakultativ është sigurimi i pronës. Rritje të konsiderueshme ka edhe në investimet në sigurimet kasko. Nga dëmet e mbuluara nga sigurimet gjatë kësaj periudhe qytetarët, kompanitë dhe institucionet arkëtuan afro 32 milionë euro.

Investimet në të gjitha sigurimet jo-jetë për pesë muajt e parë të vitit (janar-maj) kanë kaluar 5,5 miliardë denarë (89,6 milionë euro). Vlera e investimeve në sigurimet tek qytetarët, institucionet dhe kompanitë këtë vit është rritur me 10 për qind krahasuar me të njëjtën periudhë të vitit të kaluar, tregojnë të dhënat zyrtare të dorëzuara pranë Agjencisë së Mbikëqyrjes së Sigurimeve (AMS) nga shoqëritë e sigurimeve jo-jetë.

Gjatë kësaj periudhe rritet edhe vlera e dëmeve të paguara të mbuluara nga sigurimet. Për pesë muajt e parë të këtij viti, të siguruarit nga shoqëritë  e sigurimeve kanë arkëtuar 1,95 miliardë denarë (31,7 milionë euro). Vlera e dëmeve të siguruara të paguara këtë vit është 6 për qind më e lartë se një vit më parë.

Treguesit kryesorë për investimeve në sigurime dhe dëmet e paguara tregojnë se industria po shënon rritje të vazhdueshme. Në të njëjtën kohë, volumi i sigurimeve, numri i personave të siguruar, rreziqet e marra në sigurime, si dhe vlera e dëmeve të siguruara të paguara, janë në rritje. Trendi dëshmon se aktivitetet e AMS-së në vazhdimësi ofrojnë parakushte për rritjen e shitjeve të sigurimeve, por edhe rritjen e mbrojtjes së policëmbajtësve apo të siguruarve.

Nga sigurimet fakultative, produkti më i kërkuar dhe me rritje më të shpejtë vazhdon të jetë sigurimi shëndetësor privat (vullnetar). Në policat e sigurimit shëndetësor në pesë muajt e parë janë investuar 687,7 milionë denarë (11,2 milionë euro). Në krahasim me periudhën e njëjtë të vitit të kaluar, investimet në sigurime shëndetësore janë rritur për 35 për qind.

Rritje solide ka edhe në sigurim kasko i mjeteve motorike. Kompanitë e sigurimeve për pesë muaj kanë shitur polisa në vlerë të përgjithshme prej 543 milionë denarësh (8,83 milionë euro), që është 17 për qind rezultat më i mirë se periudha e njëjtë e vitit të kaluar.

Klasa më e madhe vullnetare, sipas vëllimit të investimeve, mbetet sigurimi i pasurisë. Në këtë periudhë qytetarët, institucionet dhe kompanitë kanë investuar 1,22 miliardë denarë (19,82 milionë euro) dhe kjo është një rritje minimale prej 2 për qind në krahasim me vitin paraprak.

Nga klasa më e madhe, e cila është e detyrueshme edhe me ligj, që është sigurimi i autopërgjegjësisë (AP) ose TPL, në pesë muajt e parë kompanitë kanë arkëtuar 2,21 miliardë denarë (36 milionë euro). Investimet në këtë sigurim janë rritur për 7 për qind krahasuar me vitin e kaluar, dhe kjo për shkak të rritjes së numrit të automjeteve të siguruara në krahasim me të njëjtën periudhë të vitit të kaluar.

Në pesë muajt e parë të këtij viti, kompanitë e sigurimeve kanë lidhur mbi 676 mijë kontrata me klientët e tyre për pranim në sigurime. Numri i kontratave të lidhura këtë vit është rritur për 5 për qind krahasuar me periudhën e njëjtë të vitit të kaluar. Shumica e kontratave të sigurimit, mbi 305 700, janë lidhur për sigurimin nga aksidentet. Është një produkt i destinuar për sigurimin kolektiv të punonjësve dhe nxënësve që mbulon dëmtimet në ose jashtë vendit të punës apo shkollës.

Agjencia e Mbikëqyrjes së Sigurimeve (AMS) është organ rregullator i pavarur, i cili normativizon tregun e sigurimeve, ushtron  mbikëqyrje të aktivitetit të shoqërive të sigurimeve  dhe kujdeset për mbrojtjen e të drejtave të personave të siguruar ose policëmbajtësve dhe kontribuon në edukimin financiar të popullatës.