Седница одржана на 18.11.2021
- Записник од дваесет и шеста седница на СнЕ на АСО во 2021 година, одржана на ден 29.10.2021 година во 11.00 ч.,
- Одлука за изрекување мерка на супервизија кон НГО АД Осигурителна полиса Скопје,
- План на архивските знаци за распоредување на актите за 2022 година, на Агенцијата за супервизија на осигурување,
- Листа на документарен материјал со рокови за негово чување за 2022 година, на Агенцијата за супервизија на осигурување,
- Листа на архивска граѓа од трајна вредност за 2022 година, на Агенцијата за супервизија на осигурување,
- Извештај за поднесени претставки до АСО, 3К,2021 година,
- Решение за одземање на лиценца за застапник во осигурување на лицето Ана Мијаковска,
- Решение за одземање на лиценца за застапник во осигурување на лицето лицето Илија Манчев,
- Решение за одземање на лиценца за застапник во осигурување на лицето Јулијана Велковска Георгијевска,
- Решение за одземање на лиценца за застапник во осигурување на лицето Стефанија Танева.
НАГРАДЕНИ УЧЕНИЦИ НА КОНКУРСОТ ЗА УЧЕНИЦИ ОД ОСНОВНОТО И СРЕДНОТО ОБРАЗОВАНИЕ ПО ПОВОД ДЕНОТ НА ОСИГУРУВАЊЕ ‒ 1 НОЕМВРИ
Во врска со наведениот конкурс, подолу го објавуваме списокот на наградени ученици, по одделни категории. И оваа година добивме голем број интересни литературни и ликовни трудови. Во оваа прилика им благодариме на сите што учествуваа, а на наградените им честитаме. Јавно доделување на наградите не сме во можност да организираме заради состојбата со тековната здравствена криза и пандемијата.
На Конкурсот за ученици од основното образование, од 1 до 5 одделение, во категорија ликовна творба- цртеж, на тема “Осигурувањето ме заштитува од ризици’’, наградени се следниве ученици:
ЛИКОВНА ТВОРБА – ЦРТЕЖ, СЕ НАГРАДЕНИ:
- Мартина Трајковска, V одделение, ООУ „Кузман Шапкарев„ Скопје,
- Јана Наумова IV одделение , ООУ „Димо Хаџи Димов„ Скопје,
- Ива Стоимановски V одделение “„Кузман Шапкарев„ Скопје,
На Конкурсот за ученици од основното образование, од 6 до 9 одделение, во категорија литературна творба-песна, на тема “Моја инвестиција-полисата за осигурување’’ наградени се следниве ученици:
ЛИТЕРАТУРНА ТВОРБА – ПЕСНА, СЕ НАГРАДЕНИ:
- Васја Мицковски, IX одделение, ООУ „Петар Поп Арсов„ Скопје,
- Андреј Антов, VII одделение, ООУ „Димитар Македонски„ Скопје,
- Данче Митковска, VI одделение, ООУ „Коста Рацин„ с. Подареш, Радовиш,
На Конкурсот за ученици од средно образование,, во категорија литературна творба-расказ/есеј, на тема„Важноста на осигурувањето за мене и мојата иднина“, наградени се следниве ученици:
ЛИТЕРАТУРНA ТВОРБА – РАСКАЗ/ЕСЕЈ, СЕ НАГРАДЕНИ:
- Михаела Аќимоска, I година, СУГС Гимназија „Раде Јовчевски-Корчагин„ – Скопје,
- Матеа Ристова I година, СОУ „Св. Кирил и Методиј„ – Неготино,
- Анѓела Драган III година, СОУ Гимназија „Кочо Рацин„ – Велес,
Агенција за супервизија на осигурување ова година додели и благодарници за талентираните ученици во сите категории.
Во категорија ликовни творби – цртеж, се доделени вкупно 20 пофалници од кои 17 за цртежи, 2 за дигитални и 1 за креативен постер. Во категорија литературни творби – песна, се доделени 8 пофалници, а во категорија литературни творби – есеј/расказ, се доделени вкупно 6 пофалници.
Седница одржана на 29.10.2021
- Записник од дваесетипетта седница на СнЕ на АСО во 2021 година, одржана на ден 21.10.2021 година во 12:00;
- Решение за издавање на согласност друштвото за ревизиски, консалтинг и даночни услуги ДИЛОИТ ДОО Скопје да врши ревизија на финансиските извештаи на КРОАЦИА ОСИГУРУВАЊЕ АД-Друштво за осигурување на живот Скопје за 2021 година,
- Одлука за изрекување мерки на супервизија кон Друштвото за осигурување Уника АД Скопје,
- Одлука за изрекување мерки на супервизија кон Друштвото за осигурување Уника Лајф АД Скопје,
- Разгледување на Извештај за оценката на пристигнатите литературни и ликовни творби на Конкурсот за ученици од основното и средното образование, по повод, Денот на осигурување ‒ 1 ноември, 2021 година,
- Информација за статусот на Конкурсот за годишна награда за млади истражувачи за најдобар труд од областа на управување со ризици и осигурување во Република Северна Македонија за 2021 година, за информирање и постапување,
- Решение за одземање на лиценца за застапник во осигурување бр. УП 19-3-69 од 23.3.2017 година на лицето Емилија Мишевска,
- Решение за одземање на лиценца за застапник во осигурување бр. 09-62/2 од 5.1.2012 година на лицето Игор Соколовски,
- Решение за одземање на лиценца за застапник во осигурување бр. 09-329/1 од 24.1.2012 година на лицето Антонио Стојкоски,
- Решение за одземање на лиценца за застапник во осигурување бр. УП 19-3-21 од 23.1.2015 година на лицето Дејан Неделковски,
- Решение за одземање на лиценцата за застапник во осигурувањето бр. УП 19-3-347 од 23.5.2018 година на лицето Ќиро Ивановски,
- Решение за одземање на лиценца за застапник во осигурување бр. 09-313/1 од 24.1.2012 година на лицето Маја Цоневска,
- Решение за одземање на лиценца за застапник во осигурувањена бр. УП 19-3-68 од 23.3.2017 година лицето Моника Илиевска,
- Решение за одземање на лиценцата за застапник во осигурувањето бр. 09-308/1 од 24.1.2012 година на лицето Слободан Даскалов,
- Извештај во однос на спроведен испит за третиот предмет од Наставната програма за спроведување на стручниот испит за актуари – СТОХАСТИЧКО МОДЕЛИРАЊЕ.
АСО во соработка со ОЕЦД: Осигурителните регулатори преку размена на искуства до подобра финансиска писменост и заштита на осигуреници
Размената на искуства и добри практики со цел зголемена заштита на осигурениците и континуирано подигнување на нивото на нивната финансиска едукација се клучните теми на кои разговараа претставници на осигурителните регулаторни тела на земји од Југоисточна Европа, осигурителната индустрија и други вклучени страни на денешната сесија организирана од македонската Агенција за супервизија на осигурување (АСО) и Организацијата за економска соработка и развој (ОЕЦД) со поддршка на Министерството за финансии на Кралството Холандија во рамки на проектот за финансиска едукација.
На денешната он-лајн конференција со назив „Искуства и практики“ организирана во пет сесии повеќе од педесетина учесници од земјава и од државите од Југоисточна Европа беа презентирани искуства, резултати од анализи за политиките, мерките и алатките кои осигурителните регулатори ги користат за заштита на осигурениците.
Воедно се разговараше и за ефектите од активностите за подигање на нивото на финансиска едукација и вклученост на населението во финансиските текови во земјите од ЈИЕ. Свое место на настанот доби и сесија за ефектите кои ги наметна здравствената пандемија и мерките кои ги превземаат регулаторните тела за заштита на осигурениците.
Заштитата на правата на потрошувачите, заедно со финансиската едукација и пристапот до финансиски услуги, претставува основа за поголема финансиска инклузија. Заштитата на потрошувачите вклучува: обезбедување точни и навремени информации до потрошувачите за донесување одлуки врз основа на информации, непостоење нефер и измамнички практики во договорите, како и пристап до механизми за решавање на настанатите повреди на потрошувачките права.
Финансиската едукација и заштитата на потрошувачите т.е. осигурениците се активности на кои АСО дава приоритет и континуирано ги превзема во рамки на своите надлежности за развој на осигурителниот пазар како и подигнување на свеста на јавноста за улогата на осигурување. При тоа АСО посветува особено внимание на поттикнување на соработката помеѓу релевантните институции и соработка со други инстанци преку спроведување едукативни програми и активности за поддршка и подобрување на финансиската писменост кај населението. На меѓународен план АСО активно учествува во билатерални и во мултинационални проекти за финансиска писменост и вклученост.
АСО во соработка со другите финансиски регулатори: Народна банка , Министерство за финансии, МАПАС и КХВ усвои заедничка национална стратегија за финансиска едукација вклученост на населението. Тоа е стратешки национален документ кој ги идентификува целите на регулаторните тела ги препознава приоритетите за делување и утврдува динамика, мерки и активности за подигање на финансиската писменост на населението, нивна вклученост и заштита на нивните права кои произлегуваат од користење на спектарот финансиски услуги меѓу кои е и осигурувањето.
Осигурителните компании платиле 10,2 милиони евра провизии за продажбата на своите посредници
Користејќи ги услугите на посредниците во осигурување (осигурителни брокерски друштва, друштва за застапување и на застапници во осигурување) осигуреници во полиси за неживотно осигурување вложиле 42 милиони евра во првите шест месеци годинава
Осигуреници вложиле 5 милијарди денари (81,2 мил.евра) во осигурување за половина година. Од тоа 2,59 милијарди денари ( 42 мил.евра) се вложени во полиси директно купени од осигурителните друштва и уште 2,41 милијарди денари (39,2 мил.евра) преку посредници во осигурувањето. Во овој период преку посредници во осигурување се склучени над 370.000 договори за осигурување, покажуваат податоците на Агенцијата за супервизија на осигурување (АСО) за периодот јануари – јуни годинава за неживотно осигурување.
Во структурата на посредничка продажба на осигурителни продукти најголемо учество имаат осигурително-брокерските друштва. Тие согласно законската регулатива работат во корист на осигурениците односно ги снимаат ризиците и врз основа на тоа да ги дизајнираат полисите, а воедно во случај на штети ги застапуваат нивните интереси пред осигурителните компании.
За шест месеци преку овие друштва осигуреници (физички и правни лица) вложиле 1,5 милијарди денари (24,4 мил.евра) во различни осигурителни производи. Од тоа најголеми се вложувањата во полиси за законски задолжителната автомобилска одговорност. Тие изнесуваат 1 милијарда денари (16,3 мил.евра). Во осигурување имот вложиле уште 735,6 милиони денари (12 мил.евра). За своите услуги 40 осигурителните брокерски друштва наплатиле 398,6 милиони денари (6,48 мил.евра) провизија од осигурителните компании.
Друштвата за застапување во осигурување (компании кои можат да нудат полиси и од повеќе осигурителни компании само доколку тие осигурителни продукти не си конкурираат меѓусебно) за првите шест месеци продале полиси во вкупна вредност од 252 милиони денари (4,1 мил.евра). За своите услуги од осигурителните друштва наплатиле провизии во вкупна вредност од 68,5 милиони денари (1,1 мил.евра). На осигурителниот пазар работат 12 компании лиценцирани за застапување во осигурување.
Повеќе од 1.300 физички лица – лиценцирани застапници во осигурувањето во првата половина од годинава продале полиси во вредност од 534,8 милиони денари (8,7 мил.евра). Застапниците за таа услуга како провизија наплатиле 126,89 милиони денари (2,06 мил.евра) од осигурителните компании чии полиси продавале. Во овој период во нивната понуда доминира продажбата на задолжителните полиси за автомобилска одговорност со износ од 402 милиони денари (6,5 мил.евра) односно 75 отсто од целата продажба на полиси преку овој канал за продажба.
Банките се јавуваат како посредници во продажбата на осигурителни продукти на нивни клиенти – кредитобаратели. Во првата половина на годинава банките продале осигурителни полиси во вредност од 100 милиони денари (1,63 мил.евра). Во таа продажба најголемо учество имаат полиси за осигурување имот кои се поврзани со станбените кредити и тие изнесуваат 60 милиони денари (1 мил.евра). Банките од друштвата за неживотно осигурување за првата половина од годинава наплатиле провизии во вкупен износ од 29 милиони денари (471.000 евра).
Како посредници во купопродажба на осигурителни продукти на пазарот учествуваат и салоните за автомобили и туристичките агенции. Преку салоните за продажба автомобили во овој период се продадени полиси за осигурување во вредност од 6 милиони денари (98.000 евра), а преку туристичките агенции продажбата за овој период изнесува 3,5 милиони денари (57.000 евра).
Агенцијата за супервизија на осигурувањето (АСО) е независно регулаторно тело кое го регулира пазарот за осигурување, врши надзор над работата на осигурителните друштва, се грижи за заштита на правата на осигурениците и придонесува за финансиска едукација на населението.
Седница одржана на 21.10.2021
- Записник од дваесетичетврта седница на СнЕ на АСО во 2021 година, одржана на ден 30.9.2021 година во 11:00,
- Извештај од спроведената вонтеренска супервизија, 2К2021,
- Информација за реализација на Финансискиот план на Агенцијата за супервизија на осигурување, заклучно со 30.09.2021 година,
- Решение за давање согласност за измена на статут на Кроациа Осигурување – Живот АД Скопје,
- Решение за ставање вон сила на Решението за изрекување дополнителни мерки кон Друштвото за осигурување Халк Осигурување АД Скопје бр. УП1 бр. 08-2-96 од 30.9.2021 година.
Семеен дом осигуран со 3,2 милиони евра, највисоката осигурена сума за имот на физичко лице
Најголемата корпоративна полиса издадена во земјава покрива максимална штета до износ од 1,26 милијарди евра. Кај каско осигурувањето возила максимална осигурена сума за покривање штети е 41 милиони евра и договорот за осигурување го има претпријатие за јавен превоз на патници. Полисата со највисока осигурена сума за исплата на штети за приватно здравствено осигурување покрива до 2,3 милиони евра со која се осигурани речиси 800 вработени лица
Најголемиот износ што може да биде исплатен за штети на осигуран имот на физичко лице изнесува 198 милиони денари (3,2 милиони евра). Станува збор за куќа – недвижен имот сопственост на физичко лице. Осигурителните компании имаат над 128.000 активни договори со физички лица за осигурување недвижен имот, покажуваат официјалните податоци на Агенцијата за супервизија на осигурување (АСО) за првата половина годинава.
Во корпоративниот сектор најголемо покритие за штети врз имотот има голема компанија од електроенергетскиот сектор. Максималното покритие, по овој договор за осигурување, што може да го наплати компанијата изнесува 77,65 милијарди денари (1,26 милијарди евра). Корпоративниот сектор има над 32.000 активни договори за осигурување имот на 30 јуни годинава.
Во класата осигурување од незгода максималната осигурена сума по активен договор за осигурување која може да биде исплатена изнесува 4,26 милијарди денари (69,3 мил.евра). Станува збор за полиса за колективно осигурување на повеќе од 8.500 вработени лица. Во оваа осигурителна класа на крај на јуни има 628.000 активни договори за осигурување.
Во класата на приватното здравствено осигурување максималната осигурена сума по активен договор за осигурување изнесува 142,9 милиони денари (2,3 мил.евра). Станува збор за колективно осигурување од тешки болести на речиси 800 вработени лица во јавна здравствена установа. Во оваа класа на осигурување на крај на јуни има над 12.000 активни договори со кои е обезбедено приватно здравствено осигурување за повеќе од 38.000 лица.
Најголемото покритие за каско осигурување на моторни возила покрива износ до 2,5 милијарди денари (41 мил.евра). Полисата ја има претпријатие за јавен превоз. Во оваа класа на крај на јуни имало 50.000 активни договори за каско осигурување моторни возила.
Највредната полиса за карго покрива штети до износ од 3,4 милијарди денари (5,6 мил.евра) со што се осигурени сите пратки кои ќе се реализираат во периодот за кој важи договорот за осигурување.
Кај законски задолжителното осигурување од автомобилска одговорност (ЗАО) најголемата полиса со максимална осигурена сума (пропишана со закон) покрива штети до 93,4 милиони денари (1,5 мил.евра). Оваа полиса ја има компанија која превезува експлозивни материјали и се осигурува од материјална и нематеријална штета. Во оваа осигурителна класа на 30 јуни има над 611.000 активни договори за осигурување.
Агенцијата за супервизија на осигурување (АСО) е независно регулаторно тело кое го регулира пазарот за осигурување, врши надзор над работата на осигурителните субјекти, се грижи за заштита на правата на осигурениците и придонесува за финансиска едукација и вклученост на населението.
