Informacione të karakterit publik

Agjencia e Mbikëqyrjes së Sigurimeve informon opinionin se në periudhën nga muaji mars i vitit 2023 deri në qershor të vitit 2025 do të organizojë dhe zhvillojë trajnime dhe mbajtjen e provimit profesional të nevojshëm për marrjen e licencës për të punuar si aktuar i autorizuar (në tekstin e mëtejmë: provimi profesional për aktuar).

Thirrja për regjistrimin e personave për të marrë pjesë në trajnime dhe për të dhënë provimin profesional të kërkuar për marrjen e licencës për të punuar si aktuar i autorizuar do të publikohet nga Agjencia në faqen e saj të internetit dhe në gazetë ditore më 1.03. 2023.

Sipas Thirrjes, të gjithë të interesuarit do të mund të dorëzojnë në Agjenci , Kërkesë për pjesëmarrje në trajnim dhe dhënien e provimit profesional për aktuar në periudhën   nga data 1-10.3.2023, ndërsa trajnimi për lëndën e parë të Kurrikulës do të fillojë më 13.3.2023.

Numri i përgjithshëm i ankesave të paraqitura nga të siguruarit e pakënaqur vitin e kaluar arriti në 267, që është një rritje prej 30 për qind krahasuar me vitin 2021. Kjo e dhënë është një tregues i qartë se qytetarët gjithnjë e më shumë e shohin Agjencinë e Mbikëqyrjes së Sigurimeve si mbrojtëse të të drejtave të tyre lidhur me sigurimet, që është prioritet dhe angazhim i përhershëm i menaxhmentit të këtij organi rregullator. Numri më i madh i ankesave të paraqitura ndaj një shoqërie sigurimesh është 43. Nga këto, AMS-ja ka zgjidhur 22 ankesa në favor të të siguruarve. Për shkak të seriozitetit të një vepre penale të konstatuar përmes një ankese të paraqitur nga një i siguruar, menaxhmenti i AMS i shqiptoi gjobë njërës prej shoqërieve të sigurimeve.

Agjencia e Mbikëqyrjes së Sigurimeve (AMS) ka zgjidhur 62 ankesa në favor të policëmbajtësve të cilët janë ankuar për cilësinë e shërbimeve që kanë marrë nga kompanitë e sigurimit vitin e kaluar. Numri i ankesave të zgjidhura në favor të personave siguruar vitin e kaluar ishte 48 për qind më i lartë se vitin paraprak, respektivisht në vitin 2021.

Numri më i madh i të gjitha ankesave të zgjidhura pozitivisht, gjithsej 21, janë nga fusha e mbrojtjes së të drejtave të sigurimit të mbuluara nga Raporti Evropian.

Për shkak të masivitetit të sigurimit të detyrueshëm të auto-përgjegjësisë, vitin e kaluar për këtë sigurim janë paraqitur 94 ankesa nga policëmbajtës të pakënaqur. Nga këto, 60 ankesa janë për dëme që janë mbuluar nga Raporti Evropian. Për dëmet që mbulohen me raporte policore ka pasur 24 ankesa, dhe kjo shifër është pothuajse gjysma e numrit të ankesave të mbuluara  me raporte policore për dëmet në aksidentet rrugore, të pranuara në vitin 2021. Nga 24 ankesat e paraqitura, AMS-ja ka zgjidhur 10 ankesa në favor të të siguruarve.

Rritja më e madhe e numrit të ankesave vitin e kaluar ishte për dëmet e mbuluara nga sigurimi i pronës. Janë paraqitur gjithsej 57 ankesa, që është 1.7 herë më shumë se në vitin 2021. Rritja e ankesave në masë të konsiderueshme vjen si pasojë e dëmeve të shkaktuara nga tërmeti në Manastir në fillim të vitit 2022.

Në rastin e klasës me rritje më të shpejtë – sigurimin shëndetësor suplementar ose privat, të cilin e posedojnë më shumë se 100 mijë qytetarë, vitin e kaluar janë paraqitur vetëm 21 ankesa. Nga këto, AMS-ja ka zgjidhur 5 kërkesa në favor të të siguruarve.

Sipas arsyeve për të cilat janë paraqitur, më të shumtat janë ankesat në të cilat personat e siguruar ankohen mbi kriterin apo bazën e  përcaktimit të kompensimit të dëmeve nga shoqëritë e sigurimeve . Vitin e kaluar janë dorëzuar 111 ankesa të tilla, që është 40 për qind më shumë krahasura me vitin e mëparshëm. Nga këto ankesa, AMS-ja ka zgjidhur 31 në favor të të siguruarve.

Rritja më e madhe e ankesave sipas arsyes së paraqitjes është tek ankesat për mënyrën se si kompanitë i trajtojnë dëmet. Për këtë periudhë janë dorëzuar 43 ankesa të tilla, që është 1.7 herë më shumë se në vitin 2021. Prej këtyre 43 ankesave të parashtruara, AMS-ja 15-të prej tyre i ka zgjidhur në favor të të siguruarve.

Për dy nga 16 shoqëritë e sigurimeve, vitin e kaluar nuk është bërë asnjë ankesë. Të dyja shoqëritë e sigurimeve mbulojnë sigurimet e jetës. Numri më i madh i ankesave të paraqitura ndaj një shoqërie sigurimesh është 43. Nga këto, AMS-ja ka zgjidhur 22 ankesa në favor të të siguruarve.

Nga gjithsej 267 ankesa të dorëzuara vitin e kaluar, 204 kërkesa janë zgjidhur, 12 janë në proces zgjidhjeje, 23 ankesa janë tërhequr arbitrarisht. AMS-ja konkludoi se 28 parashtresa janë pa bazë apo pa kriter për procedurim.

Nga numri total i ankesave të parashtruara, 233 ankesa janë parashtruar nga qytetarë, ndërsa 44 janë parashtruar nga subjekte apo persona juridikë.

Në AMS parashtrohet ankesë nëse i siguruari nuk është i kënaqur me përgjigjen që ka marrë nga shoqëria e sigurimeve për arkëtimin e dëmit ose nuk ka marrë përgjigje brenda 30 ditësh. AMS-ja nuk shqyrton ankimime anonime ose çështjet për të cilat zhvillohen procedura gjyqësore apo procedura të tjera. Ankesat parashtrohen në e-mail-in pretstavki@aso.mk

Agjencia e Mbikëqyrjes së Sigurimeve (AMS) është organ rregullator i pavarur, i cili rregullon tregun e sigurimeve, kryen mbikëqyrje të aktivitetit të shoqërive të sigurimeve  dhe kujdeset për mbrojtjen e të drejtave të personave të siguruar ose policëmbajtësve dhe kontribuon në edukimin financiar të popullatës.

Bazuar në nenin 10 të Marrëveshjes Kolektive të Agjencisë së Mbikëqyrjes së Sigurimeve – Teksti i konsoliduar nr.01-700/3 me datë 27.12.2021, Rregullorjes për formën dhe përmbajtjen e konkursit të brendshëm, mënyrën e parashtrimit të kërkesës për ngritje në detyrë, mënyrën e realizimit të përzgjedhjes administrative dhe intervistës, si dhe mënyrën e vlerësimit të tyre dhe numrin maksimal të pikëve nga procedura e përzgjedhjes, në varësi të kategorisë së vendit të punës për të cilin shpallet konkursi i brendshëm i punësimit, nr.02-707/12. me datë 27.12.2017, si dhe Rregullorjes për sistematizimin e vendeve të punës në Agjencinë e Mbikëqyrjes së Sigurimeve Nr. 02-707/11 me datë 27.12.2018, Nr.02-538/6 me datë 02.07.2019, Nr.02-691/3 të datës 08.10.2019, Nr.01-638/1 me datë 14.10.2020, Nr.01-271/1 me datë 02.03.2021, Nr.01-272/3 me datë 11.03.2021, Nr.01-473/5 me datë 29.06.2021, Nr.01-682/10 me datë 06.12.2021, Nr.01-451/2 me datë 07.07.2022, Nr.01-675/1 me datë 23.09.2022 dhe 01-236/1 me datë 06.02.2023, Agjencia e Mbikëqyrjes së Sigurimeve shpall:

KONKURS TË BRENDSHËM PUNËSIMI Nr.1/2023

për plotësimin e vendeve të punës me ngritje në detyrë në Agjencinë e Mbikëqyrjes së Sigurimeve

LINK i Kërkesës për konkursin e brendshëm të punësimit
LINK i Konkursit të brendshëm të punësimit

Agjencia e Mbikëqyrjes së Sigurimeve publikon Shpallje për Prokurim Publik – Shërbime arsimore për trajnimin e aktuarëve për lëndët e Grupit 2. Dokumentacionin e tenderit mund ta shikoni  KËTU  “

“Agjencia e Mbikëqyrjes së Sigurimeve publikon Shpallje për Prokurim Publik – Shërbime arsimore për trajnimin e aktuarëve për lëndët e Grupit 1. Dokumentacionin e tenderit mund ta shikoni  KËTU  “

Nisma e Agjencisë së Mbikëqyrjes së Sigurimeve (AMS) u mbështet nga 10 kompani sigurimesh, të cilat do të ndajnë një bursë prej 1000 eurosh për çdo student dhe ajo që është më e rëndësishmja, do t’i japin mundësi atyre ​​për punë praktike që më vonë mund të shndërrohet në punësim.

Dymbëdhjetë studentë të Fakultetit Ekonomik në Universitetin “Shën Cirili dhe Metodij” në Shkup morën bursa nga 10 kompani të sigurimeve Nisma për fillimin e bashkëpunimit për ndarjen e bursave për studentë me mesatare të lartë, zhvillimin e praktikës dhe mundësinë e punësimit në kompanitë e sigurimeve ka ardhur nga memorandumi i bashkëpunimit i lidhur në Ditën e Sigurimeve, iniciator i të cilit ishte Agjencia e Mbikëqyrjes së Sigurimeve.

Me këtë rast, sot drejtorët dhe anëtarët e bordeve drejtuese të dhjetë kompanive të sigurimeve kanë ndarë kontratat e bursave për këta studentë të regjistruar në vitin e katërt të Fakultetit Ekonomik në Universitetin “Shën Cirili dhe Metodij” në Shkup. Dy studentë, me notë mesatare të barabartë ose më të lartë se 9 do të përfitojnë bursa nga “Kroacia Osiguruvanje – jo-jetë” dhe “Kroacia Osiguruvanje”. Nga një student do të shpërblejnë me bursë kompanitë e mëposhtme:”Eurolink”, “Triglav Oiguruvanje”, “Sava Osiguruvanje”, “Grave”, “Triglav Osiguruvanje Jetë”, “Euroins Osiguruvanje”, Grave Njo-Jetë” dhe “Halk Osiguruvanje”.

Në ceremoninë e organizuar me këtë rast në Fakultetin Ekonomik, të pranishmëve iu drejtua Prof. Dr. Predrag Tërpeski, Dekani i Fakultetit Ekonomik, Prof. Dr. Kërste Shajnoski kryetar i Këshillit të Ekspertëve të AMS-së, ndërsa në emër të shoqërive të sigurimeve studentëve iu drejtua Gjorgje Vojnoviq, kryetar i shoqatës së esnafit të siguruesve pranë Odës Ekonomike dhe drejtor i “Triglav Osiguruvanje”. Para të pranishmëve foli edhe Aleksandar Nikolovski, kryetar i asamblesë studentore të fakultetit.

Në fjalën e tij përshëndetëse, dekani Trpeski falënderoi AМS-në si iniciator dhe kompanitë që ofrojnë bursa për studentët e tyre dhe theksoi:

“Ky është fillimi i suksesshëm i një bashkëpunimi të frytshëm që do të thotë afrimi i industrisë së sigurimeve dhe procesit të arsimit të lartë. Bursat kanë shumë domethënie për standardin studentor, por akoma më e rëndësishme është mundësia që studentët të kenë një bashkëpunim të hapur me industrinë e sigurimeve.

Studentët nga kompanitë e sigurimeve do të marrin një bursë prej 1.000 eurosh në denarë, mundësi për trajnim praktik në kompani, si edhe mundësi punësimi.

Kryetari i AMS-së, Shajnoski, duke iu drejtuar studentëve tha:

“Nuk jeni këtu vetëm për bursat. Kjo është një e mirë materiale momentale. Para jush do të hapen dyert e kompanive të sigurimeve financiarisht të shëndosha dhe konkurruese, ku mund të mësoni praktikisht se çfarë është sigurimi, si funksionon, si trajtohen dëmet, si krijohen produkte të reja sigurimi. Ju mund të mësoni shumë nga këta menaxherë të suksesshëm dhe ekipet që ata drejtojnë. Të ndjeni se si fitohet dinari në tregun e hapur, si të konkurrosh në kushte konkurruese për t’u bërë më të mirë dhe më të suksesshëm.

Brezit të parë të studentëve që fitojnë këtë lloj burse Vojnoviq i tha:

“Motivimi dhe mbështetja e të rinjve në të gjitha sferat e sistemit arsimor, e veçanërisht në arsimin e lartë, është jashtëzakonisht i rëndësishëm për zhvillimin e mëtejshëm të një shoqërie dinamike. Arsimi duhet të kontribuojë në krijimin e liderëve që do të jenë në gjendje të përballojnë sfidat, të përshtaten lehtësisht me ndryshimet e shpejta dhe të krijojnë kushte për zhvillim pozitiv. Prandaj, ne në industrinë e sigurimeve vazhdojmë të bëjmë përpjekje për të mbështetur dhe investuar tek liderët e rinj në mënyrë që të ndërgjegjësojmë opinionin dhe të përmirësojmë perceptimin për përfitimet e sigurimeve.

Të pranishmëve iu drejtua edhe studenti Nikollovski, i cili në emër të studentëve shprehu mirënjohje për dhënien e kësaj mundësie dhe shtoi:

“Bursat e studentëve përfaqësojnë një motiv shtesë për avancimin e njohurive, një ndjenjë dallueshmërie dhe një moment që mund të përcaktojë më lehtë rrugën e karrierës së studentit. Ky bashkëpunim është shembull i stimulimit të suksesit në procesin arsimor dhe përmirësimit të mundësive për karrierë në sektorin financiar”.