АСО додели награда за најдобар истражувачки труд од областа за управување со ризици во осигурувањето
Трудот на Филип Пеовски е пионерски обид за воведување на метод на предвидување на движење на главните трендови во осигурителниот сектор во земјата, со крајна цел да го унапреди корпоративното управување на друштвата за осигурување, во делот на деловното планирање и поставување на рационални очекувања. АСО го награди авторот на трудот со 80.000 денари
Агенцијата за супервизија на осигурувањето (АСО) додели награда за најдобар истражувачки труд на млад научник на тема од областа на управување со ризици во осигурувањето. Наградата на младиот научник м-р Филип Пеовски, асистент на Катедрата по математика и статистика на Економскиот факултет при УКИМ му ја додели проф.д-р. Крсте Шајноски, претседател на Советот на експерти на АСО. Плакетата на Пеовски му беше доделена по повод одбележувањето на Националниот ден на осигурувањето –
1 ноември. а трудот кој е избран за победник предвидена е годишна награда во износ од 80.000 денари.
Трудот „Предвидување на осигурителните премии и штети во Северна Македонија: Постапка на експоненцијално израмнување“ на Филип Пеовски претставува сериозна и методолошки одлично конципирана истражувачка тема, а воедно и пионерски обид за воведување на метод на предвидување на движење на главните трендови во осигурителниот сектор во земјата, со крајна цел да го унапреди корпоративното управување на друштвата за осигурување, во делот на деловното планирање и поставување на рационални очекувања.
Авторот на трудот преку постапка за експоненцијално израмнување анализира трендови на бруто полисираната премија и бруто исплатените штети, во период од 10 години (2012 – 2022 година). Овој метод за предвидување е најефикасен кога сезонската и тренд компонентата се менуваат со текот на времето и е карактеристичен по тоа што им дава различна важност на опсервациите на временската серија. Тоа се постигнува со користење на константи за порамнување, кои ја одредуваат важноста на опсервациите преку доделување на тежински фактор. Авторот тоа го применува со вклучување на ефектите од пандемијата Ковид-19.
Трудот прави сублимат на наодите на концизен, јасен и системски начин. Во заклучокот се констатира дека со цел успешно интегрирање на методот на временски серии во деловната анализа, друштвата за осигурување треба да се ориентираат кон користење на обработка на големи податоци и машинско учење. Овој пристап, без сомнение ќе придонесе за подобри перформанси, поголема оптимизација, конкурентска предност и подобри очекувања за иднината.
Целта на конкурсот е да послужи како стимулација со која би придонела за зголемување на бројот и квалитетот на применетите научни трудови од областа на управување со ризици и осигурување во Македонија, а за трудот кој е избран за победник предвидена е годишна награда во износ од 80.000 денари.
Ова е 12 по ред конкурс што го распишува Агенцијата за супервизија на осигурување.
Седница одржана на 02.11.2022
1 Записник од дваесетичетврта седница на СнЕ на АСО во 2022 година, одржана на ден 21.10.2022 година во 11:00;
2 Одлука во врска со сторен прекршок од страна на Осигурително брокерско друштво Порше брокер АД Скопјe,
- Информација во врска со спроведената вонтеренска супервизија на информацискиот систем на Друштвото за застапување во осигурување РЕА ИНШУРЕНС ГРУП АД Скопје,
- Одлука за супервизорски мерки кон Друштвото за неживотно осигурување Граве,
- Барање за добивање согласност за стекнување квалификувано учество во ДЗО ЛАЈОН ИНС АД Скопје од страна на Игор Георгиевски и донесување на решение,
- Решение за одземање на лиценца за застапник во осигурување на лицето Мартина Богданова,
- Решение за одземање на лиценца за застапник во осигурување на лицето Никола Апостоловски,
- Решение за одземање на лиценца за застапник во осигурување на лицето Стефан Стојановски,
- Решение за одземање на лиценца за застапник во осигурување на лицето Жарко Крстиќ,
- Информација по однос на Десеттиот модул од актуарската обука – Неживотно осигурување,
- Решение за издавање на согласност Друштвото за ревизиja ГРАНТ ТОРНТОН ДОО Скопје да врши ревизија на финансиските извештаи на Друштвото за осигурување ХАЛК ОСИГУРУВАЊЕ АД Скопје за 2022 година,
- Извештај за оценката на пристигнатите литературни и ликовни творби на Конкурсот за ученици од основното и средното образование за 2022 година, по повод Денот на осигурување ‒ 1 ноември,
13 Извештај за поднесени претставки до АСО од страна на осигурениците, од корисниците на осигурување и од трети оштетени лица за 3 квартал 2022 година,
- Информација која се однесува на финансиската стабилност на осигурителниот сектор во првата половина на 2022 година,
- Информација за реализација на Финансискиот план на Агенцијата за супервизија на осигурување за 2022 година, заклучно со 30.09.2022 година,
- Приговор по наредба и донесување на Решение,
- Упатство за начинот на организација на работата на Комисијата за актуари во врска со признавање на квалификација за актуар стекната во странство
Награден труд
Име и презиме на наградениот млад истражувач: Филип Пеовски
Наслов на трудот
Предвидување на осигурителните премии и штети во Северна Македонија: Постапка на експоненцијално израмнување
FORECASTING INSURANCE PREMIUMS AND CLAIMS IN NORTH MACEDONIA: AN EXPONENTIAL SMOOTHING PROCEDURE
Ден на осигурувањето – 1 ноември: стипендиии за девет најдобри студенти на Економскиот факултет при УКИМ
Оваа новина ја предвидува трипартитниот меморандум за соработка кој денеска го потпишаа АСО, Економскиот факултет и здружението на осигурителни компании. Воедно по повод одбележување на националниот ден на осигурувањето АСО додели награда на млад научник за најдобар научно-истражувачки труд од областа на ризици во осигурувањето во вредност од 80.000 денари. Во склоп на настанот се одржаа и панел дискусии на кои претставници на индустријата и регулаторот разменија мислења и изнесоа ставови за најголемите предизвици за растот и развојот на осигурувањето и за заштитата на осигурениците
Девет најдобри студенти во четврта година на Економскиот факултет при УКИМ во Скопје ќе добијат стипендии од осигурителни компании. Оваа новост ја предвидува трипартниот Меморандум за соработка што денеска, на Националниот ден на осигурувањето – 1 ноември, на Економскиот факултет, го потпишаа проф.д-р Крсте Шајноски претседател на Совет на експерти на Агенцијата за супервизија на осигурување (АСО), проф.д-р Предраг Трпески, декан на Економски факултет и Ѓорѓе Војновиќ, претседател на Здружението на финансиски организации при СКСМ, кој воедно е и генерален директор на Триглав Осигурување А.Д.
Иницијативата на АСО за стипендирање на студенти доби поддршка од Економскиот факултет и беше прифатена од следниве девет осигурителни компании: Триглав Осигурување, Кроација осигурување – неживот, Еуролинк, Граве Неживот, Халк Осигурување, Евроинс, Сава Осигурување, Кроација осигурување – живот и Граве. Секоја од компаниите ќе додели по една годишна стипендија во денарска противвредност на 1.000 евра.
Во своето обраќање Шајноски потенцираше дека е задоволен од одзивот на компаниите на иницијативата на АСО за стипендирање студенти и дека со тоа учесниците на осигурителниот пазар покажале високо ниво на општествена одговорност.Обраќајќи се пред присутните тој им порача на студентите:
– Ние сме овде за вас! Затоа што вие сте најквалитетната долгорочна осигурителна полиса за сите нас. Вие апсолутно го заслужувате нашето целосно внимание, грижа и посветеност затоа што вие, студентите, сте иднината на нашата земја.
Во своето излагање деканот Трпески осврнувајчи се на меморандумот истакна:
– Прво, наши студенти да отпочнат да реализираат практична настава во Агенцијата за супервизија на осигурувањето, Здружението на осигурители и останатите осигурителни компании кои оперираат на националниот осигурителен пазар и да се стекнат со нови знаења но и можност за вработување во овој сектор. Со тоа им се отвора перспективата да бидат активни партиципиенти во идниот развој на осигурителниот пазар во земјава. Второ, претставници на институции од осигурителната индустрија активно да се вклучат со практични примери во наставата на Економскиот факултет – Скопје и да пренесат практични знаења на нашите студенти. Трето, Економскиот факултет – Скопје активно да се вклучи во надградбата на националната осигурителна култура, како еден од факторите за креирање на поволно бизнис окружување и поттикнување на инвестициите во македонската економија.
Обраќајќи се пред присутните Ѓорѓе Војновиќ како претставник на осигурителниот бизнис подвлече дека едукација е алатката, што ги руши сите бариери и е основата за развој и раст, како индивидуален, така и на општеството во целина.
-Едукацијата на јавноста е во основата на развојот на осигурителната индустрија, токму затоа, вложуваме напори за етаблирање и унапредување на финансиската едукација на младите. Како индустрија одиме и чекор натаму, имајќи ги предвид моќта и потенцијалот, што образованието ги нуди во развојот на секој поединец. Затоа, со задоволство ја поддржавме и се приклучивме на иницијативата за стипендирање на студенти на Економскиот факултет при Универзитетот Св. Кирил и Методиј, Скопје. Сметаме дека ова е вистинскиот начин за развој на квалитетен кадар во доменот на осигурувањето, што ултимативно, како иницијатива, ќе придонесе кон натамошен развој на осигурителната индустрија, во чекор со светските трендови.”
Во склоп на оваа манифестација за одбележување на националниот ден на осигурувањето се одржаа и две панел дискусии. На првиот панел Шајноски, Војновиќ и Оливера Клинчарова, претседателка за здружението на осигурителни брокери дискутираа на актуелни теми поврзани со растот и развојот на осигурувањето како и за предизвиците кои врз оваа дејност ги наметнува инфлацијата предизвикана од глобалните растечки цени пред се на енергенсите.
На вториот панел Злате Симоновски, член на Советот на експери на АСО, Ана Клетничка, директор за штети во „Евроинс осигурување“ и Христо Кондовски, претставник на осигурително-брокерското друштво „СН Брокер“ дискутираа на, секогаш актуелната тема, за заштита на правата на осигурениците која е основа за раст на културата на осигурување.
Во рамки на настанот беше презентиран и наградениот научно-истражувачки труд од областа на управување со ризици и осигурување за кој АСО, традиционално низ годините, доделува награда. Автор на наградениот труд, годинава, е младиот научник м-р Филип Пеовски асистент на катедрата по математика и статистика на Економскиот факултет при УКИМ во Скопје. На настанот Шајноски на Пеовски, во име на АСО, му додели плакета и награда од 80.000 денари.
1 ноември е национален ден на осигурувањето, а воедно е и денот на кој, пред 13 години почнала со работа Агенцијата за супервизија на осигурувањето. АСО е независно регулаторно тело кое го регулира пазарот за осигурување, врши надзор над работата на осигурителните субјекти, се грижи за заштита на правата на осигурениците и придонесува за финансиска едукација и вклученост на населението.
