unet

На 13-ти март, 2012 година, во Брисел, членовите на Советот на експерти на Агенцијата за супервизија на осигурување остварија работна средба со г. Карл Ван Хуле, раководител на единицата за осигурување и пензиско осигурување која е составен дел на Директоратот за внатрешен пазар и услуги во рамки на Европската Комисија.

Претставниците на Агенцијата го запознаа г. Ван Хуле со постојната законска регулатива во Република Македонија и исто така, се разговараше за новиот режим на Солвентност 2 во областа на осигурувањето и предизвиците кои ги носи овој режим. Во контекст на ова, претставникот беше информиран дека е формирана и работна група со претставници од Агенцијата, Министерството за финасии како носител на законската регулатива и стручни лица од осигурителната индустрија, со цел носење на ново законско решение согласно барањата на режимот Солвентност 2. Една од точките на агендата беше и заштитата на осигурениците и корисниците на осигурителни производи и услуги односно кои активности Агенцијата ги презема во овој сегмент, но и исто така, се разговараше и за искуството на земјите членки на ЕУ.

Главниот мотив за овaa Програма е да се промовира развојот на осигурувањето од ризици од природни катастрофи и временски неприлики на домашниот пазар, со што на локалните стопанственици и на населението ќе им биде овозможено да купат прифатливи производи за осигурување од овие ризици, коишто во моментот не може да се најдат на пазарот. За имплементација на SEEC CRIF програмата е формирана непрофитната институција Европа Ре, која е компанија за реосигурување од ризици од катастрофи, во сопственост на одредени држави од Југоисточна Европа, вклучувајќи ја и Република Македонија. Оваа реосигурителна компанија ќе биде одговорна за дизајнирање на осигурителните производи коишто ќе им ги понуди на сите друштва за осигурување во Република Македонија.

Агенцијата за супервизија на осигурување на Република Македонија (АСО) е носител на Проектот во Република Македонија и за таа цел ja формираше Работната група составена од повеќе институции, вклучувајќи ја и Народната банка на Република Македонија. Во рамки на Програмата за осигурување на ризик од катастрофи, Светската банка ќе изработи студија за улогата на банкарскиот сектор во овој домен. Податоците од банките се потребни за да се создаде реално согледување на:

1. Ефектот од природните катастрофи врз портфолијата на кредитите и депозитите,

2. Начинот на кој банките го идентификуваат и проценуваат ризикот од природни катастрофи во однос на нивното работење, и

3. Степенот на нивната заинтересираност за поврзување на своите производи со осигурителни производи, посебно за ризиците од природни катастрофи и  временски непогоди.

Со цел успешно да се изработи оваа студија ве молиме пополнетиот прашалник, да го доставите најдоцна до 31.01.2012 година, во електронска форма кај г. Дарко Блажевски (е-пошта: darko.blazevski@aso.mk , тел. +389 2 3254 062), координатор на работната група при Агенцијата за супервизија на осигурување, кај кого можете да се обратите и за евентуални прашања при пополнувањето на прашалникот.

БАРАЊЕ ДО БАНКИТЕ ЗА ДОСТАВУВАЊЕ НА ПОДАТОЦИ

ПРАШАЛНИК ДО БАНКИТЕ ЗА ЕВРОПА РЕ

На 2 декември, во просториите на Агенцијата за супервизија на осигурување се одржа работна средба со претставниците на Меѓународниот Монетарен Фонд (ММФ).

На средбата која на редовна основа ја имаат претставниците на двете институции, освен што бeше дискутирана тековната состојба и движењата на осигурителниот сектор во РМ, се дискутираше и за краткорочните и среднорочни приоритети на Агенцијата.

Исто така, претседателот на Советот на експерти на Агенцијата г. Попоски Климе ги информираше претставниците на ММФ за постигнатите резултати од работење во тековниот период и за стратегијата на Агенцијата за понатамошен развој на осигурителниот пазар и поголема заштита на корисниците на осигурителни производи и услуги.