СООПШТЕНИЕ ЗА ЈАВНОСТА
Почитувани,
Со особена чест и задоволство Ве известуваме дека во периодот од 3 до 5 јуни 2014 година Агенцијата за супервизија на осигурување(АСО) ќе се јави како организатор и домаќин на повеќе настани од регионално и меѓународно значење за супервизијата на осигурувањето, и тоа:
Седмиот состанок на Иницијативата за супервизија на осигурувањето на земјите од Централна, Источна и Југоисточна Европа (CESEE Insurance Supervision Initiative) – 3 јуни 2014 година;
Состанок на Супервизорскиот форум на Меѓународната асоцијација на осигурителни супервизори (IAIS) – 3 и 4 јуни 2014 година;
Актуарска конференција за осигурителни супервизори – 4 јуни 2014 година;
Работилница на тема: Медиумите и осигурувањето– 5 јуни 2015 година;
Конкурс за годишна награда за млади истражувачи
К О Н К У Р С
за годишна награда за млади истражувачи за најдобар труд од областа на управување со ризици и осигурување во Република Македонија за 2014 година
Со цел стимулирање на развојот на научната мисла и изработка на трудови од областа на управување со ризици и осигурување во Република Македонија, како и афирмација на млади и стручни кадри, Агенцијата за супервизија на осигурување доделува годишна награда за 2014 година за истражувачки труд од областа на управување со ризици и осигурување во Република Македонија.
Годишната награда на Агенцијата за супервизија на осигурување изнесува 80.000,00 денари.
Трудот задолжително треба да содржи и осврт кон македонската економија на соодветната тема. Трудот не смее да надминува 15.000 зборови (без апстракт, библиографија и анекси) и препорачливо е да има стандардна структура на научно истражување кое ги содржи следните основни делови:
– апстракт;
– осврт на консултираната литература од областа која се истражува;
– опис на методите на истражување кои се користат во трудот;
– анализа;
– заклучни согледувања и
– библиографија.
Право за учество на конкурсот имаат државјани на Република Македонија до триесет и петгодишна возраст, односно до денот на доделувањето на наградата на 01.11.2014 година, учесниците не треба да имаат наполнети триесет и шест години. Учесниците кои имаат стекнато титула доктор на науки до денот на поднесувањето на трудот немаат право на учество на конкурсот.
Седница одржана на 27.05.2014
- Решение за давање согласност за вршење на функцијата член на Управниот одбор на Акционерското друштво за осигурување ВИНЕР ЛАЈФ- Виена Иншуренс Груп, Скопје, на лицето КОНШТАНТИН АЛЕКСЕЈЕНКО;
- Заклучок за запирање на постапката за издавање дозвола за вршење работи на застапување во осигурување на Друштвото за застапување во осигурување ЛАЈФ ВИЗИОН АД, Скопје;
- Одлука за спроведување на конкурс за годишна награда за млад истражувач за најдобар труд од областа на управување со ризици и осигурување во Република Македонија, за 2014 година.
Седница одржана на 07.05.2014
- Решение за давање согласност за измена на Статут на Акционерското друштво за осигурување ЕУРОЛИНК Скопје,
- Решение за давање согласност за измена на Статут на Друштвото за осигурување ИНСИГ МАКЕДОНИЈА АД Скопје:
- Решение за давање согласност за измена на Статут на Националната групација АД Осигурителна полиса Скопје;
Испит за застапници на осигурување 12 и 13.05.2014
Агенцијата за супервизија на осигурување ги информира лицата кои се пријавиле на обука и испит за застапници во осигурување, и тоа:
- Испит за застапници во осигурување ќе се спроведе на 12.05.2014 година во просториите на Европски Универзитет со почеток во 15:30 часот. Списокот на кандидати за испит за застапници во осигурување може да се превземе тука; и
- Испит за застапници во осигурување ќе се спроведе на 13.05.2014 година во просториите на Европски Универзитет со почеток во 15:30 часот. Списокот на кандидати за испит за застапници во осигурување може да се превземе тука.
Испит за осигурителни брокери 13.05.2014
Агенцијата за супервизија на осигурување ги информира лицата кои се пријавиле на обука и испит за осигурителни брокери, и тоа:
- Испит за осигурителни брокери ќе се спроведе на 13.05.2014 година во просториите на Европски Универзитет со почеток во 15:30 часот. Списокот на кандидати за испит за осигурителни брокери може да се превземе тука.
Седница одржана на 28.04.2014
- Одлука за изрекување мерки на супервизија спрема Друштвото за неживотно осигурување Кроација осигурување АД Скопје;
- Одлука за изрекување мерки на супервизија спрема Друштвото за осигурување Инсиг Македонија АД Скопје;
- Одлука за изрекување мерки на супервизија спрема Акционерското друштво за осигурување ГРАВЕ Скопје:
- Решение за давање согласност за измена на Статут на САВА осигурување а.д.;
- Решение за давање на согласност за измена на седиште и Статут на Акционерското друштво за осигурување ВИНЕР ЛАЈФ – Виена Иншуренс Груп Скопје;
- Решение за давање на дозвола за вршење работи на застапување во осигурувањето на Друштвото за застапување во осигурување ЛАЈФ ВИЗИОН АД, Скопје.
Седница одржана на 09.04.2014
- Решение за издавање согласност за вршење на функцијата Извршен член на Одборот на директори на Друштвото за осигурување ТРИГЛАВ осигурување Скопје на лицето Сања Танчевска;
- Решение за давање согласност за измена на Статут на КРОАЦИЈА ОСИГУРУВАЊЕ АД – Друштво за неживотно осигурување Скопје, согласно Законот за супервизија на осигурување; и
- Решение за давање на согласност за измена на Статут на Акционерското друштво за осигурување ГРАВЕ Скопје, согласно Законот за супервизија на осигурување.
ПРВА ОБУКА НА АКРЕДИТИРАНИ ЗАСТАПНИЦИ ЗА ПРОДАЖБА НА ПРОИЗВОДИ ЗА ОСИГУРУВАЊЕ ОД ЗЕМЈОТРЕС ПОДДРЖАНИ ОД ЕВРОПА РЕ
Реализацијата на новата пазарна инфраструктура на системот за осигурување од ризици од природни катастрофи и временски непогоди, создаден и поддржан од Европа Ре – специјализирано друштво за реосигурување од природни катастрофи со седиште во Цуг, Швајцарија, се наоѓа пред самиот почеток. Како дел од подготовките за отпочнување на програмата Европа Ре на македонскиот осигурителен пазар, тимот од Европа Ре ја одржа првата обука за акредитирање на застапниците во осигурување за продажба на нови и иновативни осигурителни производи за заштита од земјотрес На настанот, кој се одржа во хотел Солун, Скопје на 28 март 2014 година, присуствуваа застапници во осигурување, експертите и локалниот тим на Европа РЕ, како и претставници од Агенцијата за супервизија на осигурување, Центарот за управување со кризи и Швајцарската Канцеларија за Соработка кои имаа можност да ја отворат обуката со поздравни говори.
Главната цел на оваа обука беше претставување на новите станбени и комерцијални осигурителни производи за заштита од земјотрес како и презентација на специјално дизајнираните интернет платформи за нивно користење и управување. Експертите од Европа Ре детално ја претставија програмата во однос на следниве главни : 1) Презентација на програмата на Европа Ре, 2) Презентација на “Swiss Visual Pro” производите – Станбено и комерцијално осигурување од земјотрес, 3) Вовед во функционалноста на порталот за јавно информирање и подигнување на свеста за природни непогоди – CATMonitor, 4) Презентација на едноставниот кориснички интерфејс за прием во осигурувањето.
Обуката беше одлично прифатена од присутните, а значителен дел од времето беше искористен и за тестирање на интернет платформите од страна на застапниците. На крај на настанот беа доделени и сертификати од Европа Ре за акредитација на застапниците во осигурување за продажба на новите производи за осигурување од земјотрес.
