Седница одржана на 11.08.2014
- Решение за издавање согласност за измена на Статутот на Националното биро за осигурување,
- Решение за издавање согласност за измена на Статутот на Друштвото за осигурување АЛБСИГ АД Скопје,
Седница одржана на 18.07.2014
- Правилник за начинот и постапката за спроведување на стручен испит за вршење осигурително брокерски работи,
- Правилник за начинот и постапката за спроведување на стручен испит за вршење работи на застапување во осигурување,
- Правилник за критериумите во однос на просторните услови и материјално- техничката и информатичката опрема на просториите за полагање на стручниот испит за вршење осигурителни брокерски работи и стручниот испит за вршење на работи на застапување во осигурувањето,
- Решение за давање согласност за вршење член на орган на управување на лицето Ѓорѓе Војновиќ во Друштвото за осигурување на живот Винер Лајф,
- Одлука за изрекување мерки на супервизија спрема Друштвото за животно осигурување УНИКА ЛАЈФ АД Скопје,
Седница одржана на 10.07.2014
- Решение за давање согласност за вршење на функција член на орган на управување на Друштвото за осигурување ИНСИГ АД Скопје, за лицето Аслан Даши;
- Решение за давање согласност за стекнување на квалификувано учество во осигурително брокерско друштво, на лицето Марјанчо Тодоровски;
Седница одржана на 04.07.2014
- Решение за издавање на согласност за вршење на функцијата член на Управен одбор на Друштвото за животно осигурување УНИКА ЛАЈФ АД Скопје на лицето АЛЕКСАНДРА ШКЕМБИ, согласно Законот за супервизија на осигурување;
- Решение за издавање на согласност за вршење на функцијата член на Управен одбор на Друштвото за животно осигурување УНИКА ЛАЈФ АД Скопје на лицето АНА ШУТЕВА согласно Законот за супервизија на осигурување;
- Решение за издавање на согласност за измена на статут на КРОАЦИА НЕЖИВОТ;
- Решение за издавање на согласност за измена на статут на КРОАЦИА ЖИВОТ;
- Решение за давање согласност за измена на Статут на ТРИГЛАВ ОСИГУРУВАЊЕ АД Скопје; и
- Решение за давање дозвола за воведување на класата 2 – Здравствено осигурување од групата на неживотно осигурување, во работењето на ТРИГЛАВ ОСИГУРУВАЊЕ АД Скопје.
Седница одржана на 26.06.2014
- Донесување на Годишниот извештај за работењето на Агенцијата за супервизија на осигурување во 2013 година;
- Донесување на Годишниот извештајот за состојбата и движењата на осигурителниот пазар во Република Македонија во 2013 година;
- Усвојување на Извештајот на независниот ревизор и финансиските извештаи за годината кој завршува на 31 декември 2013 година;
- Одлука за изрекување мерки на супервизија спрема Друштвото за осигурување Инсиг Македонија АД Скопје;
- Решение за издавање на согласност за вршење на функцијата член на Управниот одбор на Акционерското друштво за осигурување ЕУРОЛИНК, Скопје на лицето Дарко Атанасовски, согласно Законот за супервизија на осигурување;
- Решение за издавање на согласност за вршење на функцијата член на Управниот одбор на Акционерското друштво за осигурување ЕУРОЛИНК, Скопје на лицето Херман Зип, согласно Законот за супервизија на осигурување;
- Решение за издавање на согласност за вршење на функцијата член на Управниот одбор на Акционерското друштво за осигурување ЕУРОЛИНК, Скопје на лицето Маја Богдановска-Стојаноска, согласно Законот за супервизија на осигурување;
- Решение за издавање на согласност за вршење на функцијата член на Управниот одбор на Акционерското друштво за осигурување ЕУРОЛИНК, Скопје на лицето Ирена Велкоска-Спировска, согласно Законот за супервизија на осигурување;
- Решение за издавање на согласност за вршење на функцијата член на Управниот одбор на Акционерското друштво за осигурување ЕУРОЛИНК, Скопје на лицето Марија Томеска, согласно Законот за супервизија на осигурување;
Информација за реализирани настани во организација на Агенцијата за супервизија на осигурување
Во периодот од 2 до 5 јуни 2014 година Агенцијата за супервизија на осигурување (АСО) се јави како организатор и домаќин на повеќе настани од регионално и меѓународно значење за супервизијата на осигурувањето. На настаните присуствуваа вкупно 81 претставници и учесници од регулаторни тела и претставници од медиумите од Македонија.
Во рамките на горенаведениот период се одржаа следниве настани:
- Седми состанок на Иницијативата за супервизија на осигурувањето на земјите од Централна, Источна и Југоисточна Европа (CESEE Insurance Supervision Initiative)- 3 јуни 2014 година
Целта на Иницијативата за супервизија на осигурување на земјите од Централна, Источна и Југоисточна Европа (CESEE) е размена на искуства во делот на спроведување на супервизија на друштвата за осигурување како и хармонизирање на законската и подзаконската регулатива во областа на осигурувањето. Состаноците на иницијативата се одржуваат на највисоко ниво, 2 пати во текот на годината, и оваа година првиот состанок се одржа во организација на АСО.
На состанокот беа присутни вкупно 52 учесници- претставници од регулаторните тела од земјите од Централна, Источна и Југоисточна Европа, како и еминентни професори од областа на осигурувањето и управувањето со ризици.
Дискутираните теми на состанокот ги опфаќаа следниве области:
- Супервизорски колеџи,
- Предизвиците на супервизорите во спроведувањето на барањата за групно управување,
- Искуството од либерализација на пазарот за автоодговорност,
- Улогата на осигурителниот супервизор во однос на договорите за осигурување и однесувањето на осигурителниот пазар.
- Редовен состанок на Супервизорскиот форум на Меѓународната асоцијација на осигурителни супервизори (IAIS) – 3 и 4 јуни 2014 година
Супервизорскиот форум претставува тело во кое членуваат високи претставници на супервизорски тела на 20 земји од светот чија што цел е воспоставување на глобални стандарди за ефикасно спроведување на супервизија. Ваквите состаноци се одржуваат неколку пати годишно, а на состанокот кој се одржа во Охрид беа присутни 9 претставници од земјите членки на Меѓународната асоцијација на осигурителни супервизори (IAIS).
- Актуарска конференција за осигурителни супервизори – 4 јуни 2014 година
За прв пат во земјите од Централна, Источна и Југоисточна Европа, по иницијатива на АСО, се организираше Актуарска конференција со еминентни предавачи во состав на академски професори, претставници од Меѓународната асоцијација на осигурителни супервизори (IAIS) и Регулаторот за осигурување на ЕУ (EIOPA).
Актуарите имаат важна улога во спроведувањето на супервизијата во однос на прашањето за финансиската стабилност и солвентност на друштвата за осигурување, па затоа треба да им се оддаде посебно внимание во областа на осигурувањето. Конференцијата имаше за цел да ги собере актуарите и супервизорите од регулаторните тела во регионот со цел да се обезбеди размена на искуства и понатамошно промовирање на актуарската професија.
Заинтересираноста за актуарската конференција беше значителна и на неа присуствуваа 51 учесник од различни професии од областа на осигурувањето, меѓу кои најголемиот дел беа актуари.
На Актуарската конференција беа обработени следниве теми:
• Актуарите и корпоративното управување
|
г. Сергеј Симонити- Директор на Агенција за супервизија на осигурување, Словенија |
|
|
г. Карел Ван Хуле – KU Лувен Факултет за економија и бизнис администрација |
|
|
г-ѓа Хулијан Лиу – EIOPA, националниот експерт за Солвентност II |
|
• Влијанието на актуарската работа на супервизијата на осигурителните работи
|
г. Питер Браумулер – Раководител на Сектор за супервизија на осигурување во супервизорското тело за финансиски пазари на Австрија (FMA), Претседател на IAIS, член на Одборот на EIOPA |
|
|
г. Габор Ханак- Директор, KPMG Унгарија |
|
• Развој на актуарската професија во земјите во развој
|
г-ѓа Гордана Летица- Член на одборот на супервизорското тело за финансиски пазари на Хрватска (HANFA) |
|
|
г. Вок Жан Квон – Факултет за управување со ризици, St.John University, New York
|
|
- Работилница на тема ”Медиумите и осигурувањето”- 05 јуни 2014 година
Работилницата имаше за цел да ги запознае претставниците на медиумите со најзначајните теми и предизвици во областа на осигурувањето во земјата и беше посетена од 13 претставници од медиумите од Р. Македонија.
На оваа работилница беа обработени следниве теми:
- Улогата на Агенцијата за супервизија на осигурување,
- Пазарот на осигурување во Р. Македонија,
- Законската регулатива во Р. Македонија со посебен осврт на Законот за задолжително осигурување во сообраќајот,
- Актуелни прашања од областа на осигурување.
Овие исклучителни настани беа организирани во соработка со Централната банка на Унгарија (Central Bank of Hungary- MNB), Меѓународната асоцијација на осигурителни супервизори (IAIS) и Регулаторот за осигурување на ЕУ (EIOPA).
Преку организирањето на вакви настани се поттикнува соработката меѓу регулаторните органи и се придонесува за понатамошен развој и унапредување на функцијата на супервизорските тела.
Известување за полагање на поправен испит
Известување за полагање на поправен испит
Агенцијата за супервизија на осигурување ги известува сите заинтересирани кандидати дека поправниот испит за застапници во осигурување односно осигурителни брокери ќе се одржи на ден 30.06.2014 година, во 15:00 часот, во просториите на Европски Универзитет.
Пријавите за поправен испит освен по пошта може да се достават и по електронски пат, на адреса armin.ukikj@aso.mk , најдоцна до 27.06.2014 година.
Кандидатите кои ќе го полагаат испитот, потребно е да бидат во просториите на Европски Универзитет најдоцна до 14:45 часот.
Седница одржана на 12.06.2014
- Решение за давање согласност за измена на Статут и седиште на Друштвото за осигурување УНИКА АД Скопје, согласно Законот за супервизија на осигурување;
- Решение за давање согласност за измена на Статут и седиште на Друштвото за животно осигурување УНИКА ЛАЈФ АД Скопје, согласно Законот за супервизија на осигурување;
- Решение за давање на дозвола за вршење работи на застапување во осигурувањето на Друштвото за застапување во осигурување ЛАЈФ ВИЗИОН АД, Скопје.
