Seancë e mbajtur më 8.7.2021
1.Vendim për shqiptimin e masës të mbikëqyrjes për shoqërinë e sigurimeve Viener-Viena Inshurens Grup Shkup,
- Vendim në lidhje me kundërvajtjen e kryer nga GRAVE Osiguruvanje Jo-Jetë SHA Shkup në përputhje me Procesverbalet nga zbatimi i mbikëqyrjes off-site,
- Vendim për shqiptimin e masës shtesë të mbikëqyrjes për shoqërinë e sigurimeve të brokerimit AMG Premium,
- Vendim për shqiptimin e masës së mbikëqyrjes për Shoqërinë e Sigurimeve Sava SHA Shkup,
- Informacion në lidhje me zbatimin e mbikëqyrjes off-site të sistemit informativ të Shoqërisë të Sigurimeve Euroins Osiguruvanje SHA Shkup,
- Informacion në lidhje me zbatimin e mbikëqyrjes off-site të sistemit të informacionit të Shoqërisë të Sigurimeve Grave Osiguruvanje SHA Shkup,
- Informacion në lidhje me zbatimin off-site të Shoqërisë të Brokerimit në Sigurime NOV OSIGURITELEN BROKER SHA Shkup,
- Informacion në lidhje me zbatimin e mbikëqyrjes off-site të Shoqërisë të Brokerimit në Sigurime STM Broker Plus SHA Shkup,
- Informacion në lidhje me zbatimin e mbikëqyrjes off-site të Shoqërisë të Sigurimeve të Brokerimit JDB BROKER SHA Shkup,
- Informacion në lidhje me zbatimin e mbikëqyrjes off-site të Shoqërisë të Brokerimit në Sigurime POLISA PLUS SHA Shkup,
- Udhëzimit për kryerjen e vlerësimit të rrezikut të pastrimit të parave dhe financimit të terrorizmit dhe për administrimin e rrezikut të pastrimit të parave dhe financimit të terrorizmit për subjektet nën mbikëqyrjen e Agjencisë së Mbikëqyrjes së Sigurimeve,
- Kërkesë për dhënien e pëlqimit për Shoqërinë për Shërbime Konsulente të Auditimit dhe Shërbimeve Tatimore DILOIT SHPK Shkup për të audituar pasqyrat financiare të Shoqërisë të Sigurimeve HALK OSIGURUVANJE SHA Shkup për vitin 2021 dhe miratimi i Aktvendimit,
- Kërkesë për marrjen e pëlqimit për Shoqërinë e Auditimit GRANT TORTON SHPK Shkup për të audituar pasqyrat financiare të Shoqërisë të Sigurimeve UNIKA SHA, Shkup dhe miratimi i Aktvendimit,
- Aktvendim për revokimin e licencës për agjent të sigurimeve të personit Nikollçe Jançevski për shkak të përfundimit të marrëveshjes së përfaqësimit me SHPS LAJF VIZION SHA Shkup,
- Informacion për nënshkrimin e Strategjisë për edukimin financiar dhe përfshirjen financiare në Republikën e Maqedonisë së Veriut për periudhën 2021-2025.
U miratua Strategjia e parë nacionale për edukatë financiare dhe inkluzion financiar
Kriza me Covid-19 çon drejt një kohe të transformimit të ekonomive tradicionale në ekonomi më të mençura, më të digjitalizuara, inkluzive dhe më të gjelbërta. Në kushte të tilla, kur fintek-u gjithnjë e më shumë është pjesë e realitetit tonë, nevoja për një nivel më të lartë të arsimimit financiar, si parakusht edhe për inkluzionin financiar, do të jetë edhe më e theksuar. Mirëpo, kjo nënkupton edhe nevojën për një aktivitet më të madh për mbrojtjen e konsumatorëve. Rregullatorët financiar të përgatitur i pritën këto sfida – ca vite më parë e filluan procesin e përgatitjes së Strategjisë së parë nacionale për edukatë financiare dhe inkluzion financiar,në kuadër të projektit pesëvjeçar pranë OECD-së (INFE-OECD). Sot, u bë miratimi dhe promovimi i Strategjisë. Ajo i referohet periudhës 2021-2025 dhe e tejkalon qëllimin e projektit në kornizat e së cilit parimisht ishte e përgatitur, ngase i referohet jo vetëm edukatës financiare, por edhe inkluzionit financiar, duke pasur parasysh kushtëzimin dhe ndërlidhshmërinë e tyre të ndërsjellë.
Strategjia për edukim financiar dhe inkluzion financiar e Republikës së Maqedonisë së Veriut
Në eventin me rastin e miratimit të saj u drejtuan përfaqësues të të gjithë rregullatorëve financiar – guvernatorja e Bankës Popullore, Anita Angellovska-Bezhoska, ministri i financave, Fatmir Besimi, kryetari i Këshillit të eskeprtëve të Agjensionit për mbikëqyrjen e financimit kapital të sigurimit pensional (MAPAS), Maksud Ali, kryetari i Këshillit të ekspertëve të Agjencisë së mbikëqyrjes së sigurimeve, Krste Shajnoski dhe komisionari i Komisionit të letrave me vlerë (KLV), Kirill Jovanovski.
„Edukata financiare është edhe në bazën e stabilitetit financiar, në veçanti e shprehur pas krizës globale financiare të vitit 2008/2009, që në pjesën më të madhe ishte pasojë e rreziqeve të grumbulluara për shkak të vendimeve të këqija financiare. Mirëpo, procesi i edukatës financiare nuk mund të zhvillohet në mënyrë turbulente. Ai kërkon informata, drejtime, këshilla, por para së gjitha qasje të sistematizuar. Andaj nevojitet qasje e koordinuar në nivel nacional, respektivisht kornizë strategjike e cila e dallon rëndësinë e edukatës, mundëson inkluzion dhe koordinim të të gjitha palëve relevante dhe definon hartë të aktiviteteve për një arritje më efektive të qëllimeve. Kjo na çon drejt Strategjisë për edukatë financiare dhe inkluzion financiar, të cilën e miratuam sot. Qasja strategjike dhe sistematike ndaj çështjes së edukatës financiare është edhe më e rëndësishme në këtë kohë të re të revolucionit në sferën e shërbimeve financiare – FinTek.” – theksoi në fillim të adresimit të saj, guvernatorja e Bankës Popullore, Anita Angellovska-Bezhoska, pas çfarë edhe iu referua aktiviteteve të veçuara të parapara me Strategjinë.
Ajo ceku se për dizajnimin përkatës të Strategjisë, parakushti kryesor është vlerësimi i nivelit aktual të arsimimit financiar, për çfarë u inicua edhe matja e parë e nivelit të arsimimit financiar sipas metodologjisë së OECD-së, sipas së cilës popullata tek ne ka realizuar 56% të vlerës maksimale, që është e krahasueshme me vendet e rajonit, megjithatë krahasuar me vendet e zhvilluara potencon një hapësirë të konsiderueshme për përmirësim.
Ministri i financave Fatmir Besimi theksoi se Strategjia është e rëndësishme për dy arsye: së pari, sepse edukata dhe inkluzioni financiar janë bazë për stabilitetin e sistemit financiar, dhe e dyta, që të realizohen rezultate më të mira në këtë fushë, duhet që të veprohet SMART – respektivisht të vendosen qëllime të qarta, strategji e mirë dhe plan për realizim.
„Me një proces të koordinuar të edukatës financiare, i cili do ti përfshijë edhe institucionet edhe subjektet juridike të cilat mund të japin kontribut, afat-mesëm mund të arriten me të vërtetë rezultate më të mira në lidhje me edukimin financiar të popullsisë. Me këtë do të përmirësohet efektiviteti i pjesëmarrjes së tyre në sektorin financiar, ndërsa njëkohësisht edhe do të mbrohen si konsumatorë të cilët kanë më shumë dhe informata më të mira. Përmes përdorimit të përvojave të mira për avancimin e inkluzionit financiar, mund të lehtësohet qasja për një numër të kategorive. Rritja e inkluzionit financiar është me rëndësi të posaçme për ekonominë, ngase siguron qasje deri te kapitali, që tërheq investime dhe konsum, që rezulton me aktivitet të zmadhuar ekonomik.” – theksoi ministri i financave, Besimi.
Ministri theksoi se nga aspekti i përmirësimit të qasjes deri te shërbimet financiare, së shpejti do të starton Fondi garantues përmes së cilit do të zbatohet skema shtetërore garantuese, e cila do të lehtësojë qasjen deri te kapitali për sipërmarrjet e vogla dhe të mesme. Fondi, nga njëra anë, do të kontribuojë për ofrim të produkteve të reja në sistemin financiar me rrezik më të vogël për bankat dhe shtëpitë e kursimit, ndërsa nga ana tjetër do të sigurojë qasje deri te kapitali për ata të cilët më vështirë arrijnë deri te kreditë, respektivisht sipërmarrjet e vogla dhe të mesme.
„Duke u udhëhequr nga parimi themelor se edukata financiare është investim afatgjatë për gjithë shoqërinë dhe për shtetin, si dhe për individin i cili më lehtë dhe më sigurtë do të mund të sjell vendime të shëndosha financiare dhe të jetojë një jetë më cilësore, jam i bindur se me miratimin e Strategjisë si një dokument gjithëpërfshirës, sigurojmë një planifikim të matur dhe efikas të të gjitha aktiviteteve tona të ardhshme dhe resurse në pjesën e zhvillimit të edukatës financiare dhe inkluzionit financiar të tërë popullatës në vendin tonë, në ndërkohë duke vënë theks të veçantë tek të rinjtë si grupi më i rëndësishëm i synuar. Pikërisht për këtë, MAPAS konsideron se është me rëndësi të posaçme edhe kyçja e sektorit joqeveritar dhe privat në zbatimin dhe realizimin e qëllimeve të Strategjisë. Në atë mënyrë do të sigurojmë një edukatë financiare më gjithëpërfshirëse dhe inkluzion të zmadhuar financiar të popullsisë.” – theksoi kryetari i Këshillit të ekspertëve të MAPAS, Maksud Ali.
Kryetari i këshillit të ekspertëve të ASO, Krste Shajnoski, theksoi se përshpejtimi i procesit të edukatës dhe inkluzionit financiar është në veçanti i rëndësishëm nëse merret parasysh niveli i ulët i zhvillimit të tregut të sigurimeve në segmentin e sistemit financiar.
„Sjellja e strategjisë si një dokument formal do të mundësojë realizimin e qëllimeve tona të përbashkëta, siç janë sigurimi i rritjes dhe zhvillimit të tregut financiar, diversifikimi i gjerë dhe qasshmëria e shërbimeve financiare deri te çdo individ, familje, biznes i vogël ose i madh, sektori shtetëror, dhe e gjithë kjo me çmime të drejta. Normalisht që ky qëllim do të zbatohet vetëm nëse sigurojmë funksionim të institucioneve të shëndosha financiare që udhëheqen dhe kontrollohen nga një kuadër profesional, i cili me sukses e baraspeshon realizimin e qëlllimeve të udhëhequra nga interesi për realizimin e fitimit, nga njëra anë, dhe sigurimin e ciësisë së shërbimeve të ofruara financiare dhe raport të drejtë ndaj shfrytëzuesve të shërbimeve financiare nga ana tjetër.” – porositi Shajnoski.
„Në kushte të globalizimit, zgjedhja dhe qasshmëria e madhe e produkteve financiare, kontribuojnë që arsimimi financiar të jetë një nga prioritetet e bartësve të politikave ekonomike. Gjegjësisht, duhet të theksohet se aftësia për procesuimin e informatave të shumta rritet me ngritjen e nivelit të kuptimit të instrumenteve të ndërlikuara financiare. Gjatë kësaj, duhet të pranohet se insistimi që pjesëmarrësit në sistemin financiar të jenë qartë dhe lartë transparent, duhet të mbështetet me kuptimin adekuat të atyre për të cilët kërkohet transparenca. Rishtasi, intensifikimi i edukatës dhe inkluzionit financiar do të nënkuptojë edhe rritje të sektorit financiar në zhvillimin ekonomik. Duke pasur parasysh të gjitha këto, KLVRMV-ja thekson se me të gjitha kapacitetet e veta do të angazhohet për ngritjen e arsimimit financiar, në veçanti për çështjet lidhur me tregun e letrave me vlerë.” – theksoi Kirill Jovanovski në emër të KLV-së.
Me Strategjinë, ndër të tjera parashihet zhvillimi i programeve të posaçme arsimore për grupe të moshave të ndryshme të popullsisë, nga më të rinjtë e deri më të moshuarit, duke pasur parasysh kuptimin për edukatën si një proces gjatë tërë jetës dhe në veçanti dinamikën e financave në kohërat aktuale. Programet arsimore duhet të jenë të koncipuara në përputhje me Kompetencat bazë për edukatë financiare, si një dokument i posaçëm i paraparë me Strategjinë, i cili është në përpilim e sipër. Me qëllim të krijimit të një kornize e cila do të sigurojë koordinim përkatës të aktiviteteve, shkëmbim të informatave, si dhe edukatë cilësore, objektive dhe të paanshme fnanciare nga të gjithë dhënësit potencial, tashmë punohet në përpilimin e një Kodi të praktikave të mira për edukatë financiare, me përfshirje të rregullatorëve, institucioneve private financiare dhe asociacioneve qytetare. Vet monitorimi i zbatimit të aktiviteteve të parapara është parashikuar që të zvhillohet përmes një grupi të punës me pjesëmarrës të kyçur nga rregullatorët, sektori privat dhe civil, që do të përforcojë bashkëpunimin dhe do mundësojë alokim optimal të resurseve në dispozicion ndaj qëllimeve të vendosura.
Në periudhën që do pasojë, kujdes i veçantë do t’i dedikohet aktiviteteve në lidhje me mbrojtjen e konsumatorëve, në segmentet e veçuara financiare, e cila poashtu është në favor të inkluzionit më të madh financiar në të ardhmen. Një pjesë e aktiviteteve të parapara në fushëveprimin e mbrojtjes së konsumatorëve janë në anën e rregullatorëve, ndërsa një pjesë në anën e sektorit privat financiar, që edhe një herë bën me dije për bashkëpunimin e domosdoshëm, si një parakusht për zbatimin e suksesshëm të aktiviteteve të parapara. Është paraparë edhe shqyrtimi i mundësive alternative për zgjidhjen e kontesteve eventuale me konsumatorët, përfshirë edhe shqyrtimin e mundësisë për vendosjen e Ombudsmanit, respektivisht Avokatit të popullit për sektorin financiar.
Në përputhje me Strategjinë, kujdes përkatës duhet t’i dedikohet edhe rritjes së transparencës në punën dhe në publikimin e të dhënave për shërbimet financiare nga ana e sektorit privat financiar, përfshirë edhe standardizimin e të dhënave të publikuara për një lloj të njëjtë të shërbimit.
Lidhja për në video: https://youtu.be/RtpKYlcURpI
Trupi koordinues për edukimin financiar dhe përfshirjen financiare
Seancë e mbajtur më 29.06.2021
- Rregullore për ndryshimin e Rregullores për sistematizimin e vendeve të punës në AMS,
- Ndryshimi i Planit Vjetor të Punësimit të AMS-së për vitin 2021,
- Vendim për pagimin e regresit për pushimin vjetor për vitin 2021,
Seancë e mbajtur më 24.06.2021
1. Raporti për Auditues të Pavarur dhe Pasqyrat Financiare për vitin e mbyllur më 31 dhjetor të vitit 2020,
2. Kërkesë për miratimin e pëlqimit për marrjen e pjesëmarrjes së kualifikuar në SHBS DELTA INS BROKER SHA Shkup personit Olivera Klinçarova dhe miratimi i Aktvendimit për dhënien e pëlqimit,
3. Kërkesë për miratimin e pëlqimit për Shoqërinë e Auditimit për vitin 2021 të Grupacionit Kombëtar të Sigurimeve SHA Osiguritelna Polisa Shkup dhe Aktvendim për dhënien e pëlqimit;
4. Vendimi për mbajtjen e trajnimeve për broker të sigurimeve për vitin 2021;
5. Vendimi për mbajtjen e trajnimeve për përfaqësues të sigurimeve për vitin 2021 dhe
6. Raporti nga zbatimi i mbikëqyrjes off-site për vitin 2020.
Seancë e mbajtur më 16.06.2021
1. Raporti Vjetor mbi gjendjen dhe lëvizjen e tregut të sigurimeve për vitin 2020,
2. Raporti Vjetor mbi funksionimin e Agjencisë së Mbikëqyrjes së Sigurimeve për vitin 2020,
3. Vendim në lidhje me një kundërvajtje të kryer nga Shoqëria e Sigurimeve HALK OSIGURUVANJE SHA Shkup (në përputhje me nenin 5 paragrafi (5) të Ligjit për Sigurimin e Detyreshëm në Qarkullim,
4. Vendim në lidhje me një kundërvajtje të kryer nga Shoqëria e Sigurimeve HALK OSIGURUVANJE SHA Shkup (mosnjoftimi sipas nenit 104 të Ligjit të Mbikëqyrjes të Sigurimeve),
5. Kërkesë për dhënien e pëlqimit për ndryshimin e statutit të Kroacia Osiguruvanje SHA – Shoqëria e Sigurimeve Jo-Jetë Shkup dhe miratimi i Aktvendimit për dhënien e pëlqimit për ndryshimin e Statutit,
6. Kërkesë për dhënien e pëlqimit për pjesëmarrje të kualifikuar të Shoqërisë të Brokerimit në Sigurime RIZIKO OSIGURUVANJE SHA Shkup personit Savo Shishkovski dhe miratimi i Aktvendimit për dhënien e pëlqimit,
7. Njoftim për zgjidhjen/prishjen e kontratës për përfaqësim në sigurime me personin Sllavica Dimitrieviq dhe Aktvendimin për revokimin e licencës,
8. Kërkesë për marrjen e pëlqimit për Shoqërinë e Auditimit për Triglav Osiguruvanje SHA Shkup dhe miratimi i Aktvendimit për pëlqim,
9. Kërkesë për marrjen e pëlqimit për Shoqërinë e Auditimit për Triglav Osiguruvanje Jetë SHA Shkup dhe miratimi i Aktvendimit për pëlqim
10. Informacion mbi certifikimin e AMS-së me Standardin Ndërkombëtar për Sistemet e Menaxhimit të Cilësisë ISO 9001: 2015.
Tregu i sigurimeve u rrit me 5%, shitja e policave arriti në 43.7 milionë euro
Investimet në sigurimin e pasurisë, sigurimin privat të shëndetit, sigurimin e humbjeve financiare dhe sigurimin e mjeteve ajrore po rriten në klasat e sigurimeve jo -jetë. Në sigurimin e jetës, ka një rritje të konsiderueshme të investimeve në produktin e sigurimit “junit linkd” i cili ka të bëjë me investimet në fondet e investimeve ku rreziku i investimit merret përsipër nga i siguruari.
Tregu i sigurimeve u rrit me 5% në tre muajt e parë të këtij viti dhe shitjet e policave (primi i shkruar bruto BSHP) arritën në 2.69 miliardë denarë (43.7 milionë euro), që është 1.7 milionë euro më shumë se e njëjta periudhë e vitit të kaluar, tregojnë të dhëna zyrtare përmbledhëse të Agjencisë së Mbikëqyrjes së Sigurimeve (AMS).
Në shitjet totale të policave, 11 shoqëri të sigurimeve jo- jetë marrin pjesë me 2.27 miliardë denarë (37 milionë euro) dhe pesë shoqëri të sigurimeve të jetës marrin pjesë me 414.5 milionë denarë (6.7 milionë euro).
Krahasuar me tre muajt e parë të vitit të kaluar, shitjet e policave kanë një rritje të konsiderueshme në: sigurimin e humbjeve financiare me 22.5 për qind, sigurimin e përgjithshëm të përgjegjësisë, si dhe sigurimin e pronës kundër zjarrit dhe rreziqeve të tjera, të dyja klasat u rritën me 14 për qind. Shitjet e sigurimeve shëndetësore private në këtë periudhë u rritën me 9 për qind. Qytetarët, kompanitë dhe institucionet investuan 124 milion denarë (2 milionë euro) në policat e sigurimit shëndetësor për tre muaj, 76.7 milionë denarë (1.25 milion euro) në sigurimin e përgjithshëm të përgjegjësisë dhe në sigurimin e humbjeve financiare policëmbajtësit investuan 9.7 milionë denarë (158,000 euro).
Rezultati më i dukshëm i përmirësimit të shitjes së policave, i cili është rezultat i drejtpërdrejtë i heqjes së kufizimeve të shkaktuara nga kriza e koronës, është në rastin e sigurimeve kasko të mjeteve ajrore. Në këtë klasë sigurimi, për tre muaj personat e siguruar paguan 78.1 milionë denarë (1.27 milionë euro), ndërsa në të njëjtën periudhë të vitit të kaluar të ardhurat nga sigurimi i aviokompanive ishin vetëm 11,000 denarë, që ishte si rezultat i kufizimeve të shkaktuara nga pandemia shëndetësore.
Nga aspekti i pjesëmarrjes në shitjen totale të policave, klasat më të mëdha të sigurimeve mbeten sigurimi i detyrueshëm i autopërgjegjësisë (i ashtuquajturi A.O.) dhe sigurimi i pronës. Në policat për AO, të siguruarit për tre muajt e parë të këtij viti investuan 995 milionë denarë (16.2 milionë euro). Qytetarët, ndërmarrjet dhe institucionet paguan 583.7 milionë denarë (9.5 milionë euro) për sigurimin e pasurisë.
Në tremujorin e parë të këtij viti pjesëmarrje më të madhe në treg ka “Eurolink” para “Triglav Osiguruvanje”, “Halk Osiguruvanje”, “ADOR Maqedoni”, “Unika”, “Sava Osiguruvanje”, “Euroins Osiguruvanje”, “Viener V.I.G.” , “Osiguritelna Polisa “, “Kroacia Osiguruvanje – Jo-Jetë” dhe “Grave Jo-Jetë”. Rritjen më të madhe të pjesëmarrjes në treg në këtë tremujor e kanë “Halk Osiguruvanje”, “Kroacia Osiguruvanje – Jo-Jetë”, “Unika Lajf”, “Grave Jo-Jetë” dhe “Viener V.I.G.”.
Në segmentin e tregut të sigurimeve të jetës, ka një rritje të shitjeve të policave të sigurimit të jetës kur rreziku i investimit merret përsipër nga i siguruari (investime në pjesëmarrje të fondeve të investimit ose i njohur gjerësisht si sigurimi “junit linkd “). Në këtë produkt të sigurimit në tre muajt e parë, policëmbajtësit investuan 84.3 milionë denarë (1.37 milionë euro), që është 25 për qind më shumë se e njëjta periudhë e vitit të kaluar.
Në tremujorin e parë, “Kroacija Osiguruvanje Jetë ” ka pjesëmarrjen më të madhe në tregun e segmentit të sigurimeve të jetës, përpara “Grave”, “Viener Lajf V.I.G.”, “Unika Lajf” dhe “Triglav Osiguruvanje Jetë “. Në këtë tremujor, rritje të pjesëmarrjes në treg u realizua nga “Triglav Osiguruvanje Jetë”, “Unika Lajf” dhe “Viener Lajf V.I.G”.
Më shumë të dhëna për tregun e sigurimeve në tre muajt e parë të këtij viti do të gjeni në linkun vijues: https://aso.mk/category/publikaczii/izveshtai-za-rabotata-na-osiguritelnata-industri-a/drushtva-za-osiguruva-e/
Agjencia e Mbikëqyrjes së Sigurimeve (AMS) është një organ i pavarur rregullator që rregullon tregun e sigurimeve, mbikëqyr punën e shoqërive të sigurimeve, kujdeset për mbrojtjen e të drejtave të të siguruarit/policëmbajtësit dhe kontribuon në edukimin financiar të popullatës.
Policëmbajtësit arkëtuan 15 milionë euro dëmshpërblim për tre muaj, 9.5% më shumë se vitin e kaluar
Shuma e dëmeve të paguara të mbuluara nga sigurimet jo-jetë u rrit me 9.5 për qind në tremujorin e parë të këtij viti krahasuar me të njëjtën periudhë të vitit të kaluar. Një total prej 15 milionë eurosh janë paguar për dëmshpërblim dhe dëmet më të mëdha janë paguar nga “Triglav Osiguruvanje”, “Sava Osiguruvanje”, “Halk Osiguruvanje”, “Unika” dhe “Eurolink”. Rritja më e madhe e dëmeve të paguara është në sigurimin plotësues të shëndetit – 92 për qind më shumë se në tremujorin e parë të vitit të kaluar
Sipas të dhënave zyrtare nga Agjencia e Mbikëqyrjes së Sigurimeve (AMS), qytetarët, ndërmarrjet dhe institucionet arkëtuan 15 milionë euro dëmshpërblim nga shoqëritë e sigurimeve jo-jetë në tre muajt e parë të këtij viti. Shuma e mjeteve të paguara për dëmet, të mbuluara nga policat e sigurimit, në tremujorin e parë të këtij viti u rrit me 9.5 për qind krahasuar me të njëjtën periudhë të vitit të kaluar.
Shumica e dëmeve të paguara i referohen mbulimit të auto-përgjegjësisë për të cilin 11 shoqëri që sigurojnë rreziqe të sigurimit jo-jetë paguan 525.6 milionë denarë (8.55 milionë euro). Kjo është 7,6 për qind më shumë dëme të paguara se e njëjta periudhë në vitin 2020. Kjo klasë e sigurimeve është e detyrueshme me ligj dhe gjeneron të ardhurat më të larta për shoqëritë nga shitja e policave, por edhe më tepër detyrime.
Dëmet më të mëdha në këtë klasë të sigurimeve në tre muajt e parë janë paguar nga: “Unika” 71.8 milionë denarë (1.2 milionë euro), “Triglav Osiguruvanje” 61.6 milionë denarë (1 milionë euro), “Viener” 59.4 milionë denarë (967,000) euro), “Halk Osiguruvanje” 57.5 milionë denarë (934,000 euro) dhe “Sava Osiguruvanje” 54.7 milionë denarë (890,000 euro).
Vlera e kompensimit total që shoqëritë paguan për dëmet në pronën e siguruar për këtë periudhë është 99.6 milionë denarë (1.62 milionë euro), që është 14.3 për qind më shumë se tremujorin e parë të vitit të kaluar. Pjesëmarrje më të madhe në fondet e paguara për dëmshpërblimin e pronës ka shoqëria “ADOR Maqedoni” dhe është 21.7 milion denarë (353,000 euro). Vijojnë “Euroins” me 19.1 milionë denarë (311,000 euro) dhe “Sava Osiguruvanje” me 13.3 milionë denarë (216,000 euro).
Në klasën e sigurimit të aksidenteve për tremujorin e parë, të siguruarit arkëtuan 129 milionë denarë (2.1 milionë euro), që rezulton 17 për qind më shumë mjete të paguar për dëmet krahasuar me të njëjtën periudhë të vitit të kaluar. Dëmet me vlerë më të lartë janë paguar nga: “Eurolink” 21.3 milionë denarë (347,000 euro), “Triglav Osiguruvanje” 17,8 milion denarë (289,000 euro) dhe “Unika” 15,5 milion denarë (251,000 euro).
Në klasën me rritje më të shpejtë të sigurimit jo -jetë – sigurim plotësues i shëndetit në tremujorin e parë, policëmbajtësit nga shoqëritë e sigurimeve kanë marrë 43.8 milionë denarë (712,000 euro). Kjo është 92 për qind më shumë se e njëjta periudhë e vitit të kaluar. Lider në dëmet e paguara për sigurimin privat të shëndetit në këtë periudhë është “Eurolink” me realizim prej 16.1 milionë denarësh (262,000 euro) para “Halk Osiguruvanje” me 8 milionë denarë të paguara (130,000 euro) dhe “Triglav Osiguruvanje” me 10 milionë denarë (163,000 euro).
Në dëmet e përgjithshme të paguara në periudhën nga janari deri në mars, pjesëmarrjen më të madhe e kanë pesë shoqëritë e mëposhtme të sigurimeve jo-jetë: “Triglav Osiguruvanje” me 124.5 milionë denarë (2 milionë euro), “Sava Osiguruvanje” me 110.1 milionë denarë (1.8 milionë) “Halk Osiguruvanje” me 100.8 milionë denarë (1.64 milionë euro),” Unika ” me 100 milionë denarë (1.63 milionë euro) dhe “Eurolink “me 95.7 milionë denarë (1.55 milionë euro).
Numri i dëmeve të paguara në periudhën janar – mars të këtij viti është 17,530 dhe është rritur me 3 për qind krahasuar me të njëjtën periudhë të vitit të kaluar.
Agjencia e Mbikëqyrjes së Sigurimeve (AMS) është organ i pavarur rregullator që rregullon tregun e sigurimeve, mbikëqyr aktivitetin e shoqërive të sigurimeve, kujdeset për mbrojtjen e të drejtave të të siguruarve/policëmbajtësve dhe kontribuon në edukimin financiar të popullatës.